Loma꞉ 12:13 - Panake Pi La: Ula: Buka pita: Kine Pieke Buka

¹³ Mandane Ketiso yankeke manuma꞉ ota꞉ mea꞉peke yelia꞉ alemanu mea꞉peke na ya꞉ka꞉na꞉ta꞉ kota꞉ ikana꞉ma꞉ ika꞉ wia haleme ekimanu kone telipa ma꞉nda꞉ hala꞉pa꞉peke. Da ma꞉nda꞉ nane haleme Ketiso wanda꞉hali kimisu a꞉pa pitimika꞉na꞉ta꞉ kota꞉ ika꞉ da pa꞉ta꞉ handa꞉ mea peliaapa꞉peke.

Loma꞉ 12:13 ပူးပေါင်းရင်းမြစ်များ

Ma꞉tiu 25:35

Pa ekipeke I̱ tea꞉ma꞉ homoa꞉ nate nina꞉ta꞉ ikana꞉ma꞉ I̱ epeke tupa꞉ punimime. I̱ma꞉ ikali na꞉na꞉ma꞉ homoa꞉ ekita꞉ ikali kia꞉tiki pimime. I̱ma꞉ da ma꞉nda꞉ hali haowa꞉ ekita꞉ ika꞉ da pa꞉ta꞉manu hatuku pua꞉tiki pimime.

Aposolo 10:4

Koniliesima꞉ mo enisolo pa꞉ta꞉ paala꞉ tieke homa handake witolo hata꞉ alota꞉ Tekehalio. Aleke ka꞉ta꞉pe leekeme. Kutupa ipiki pa꞉ta꞉ alota꞉ Naka꞉ yeni pu haleeki make naka꞉ mani halo haleeki make oli hepeni da nane pua Koda꞉ pa꞉ta꞉ naka꞉ pi laasa꞉me leekeme.

Loma꞉ 12:8

Koda꞉ma꞉ta꞉ mo wanda꞉hali sutiaasa꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ sutiatiki pumana꞉e. Hali ma꞉nda꞉ma꞉ ipika꞉ wia hala꞉ alemanu kone wanda꞉hali pa꞉ta꞉ teli teli peaeya꞉ka꞉na꞉ta꞉ kota꞉ epeke moke pitolo hata꞉ pea꞉peke ya꞉la꞉me. Hali ma꞉nda꞉ ipikita꞉ biki ula꞉ hali haya꞉ka꞉na꞉ta꞉ kota꞉ honkopu hao e poka꞉peke ya꞉la꞉me. Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homolo hata꞉ pa꞉ta꞉lea꞉ka꞉na꞉ta꞉ kota꞉ ta꞉na꞉ma꞉ homolo hata꞉ pa꞉ta꞉la꞉peke ya꞉la꞉me.

1 Kotindi 16:15

Some ma꞉nda꞉ Sitepanisita꞉ ipika꞉ weki wanda꞉ tonka꞉na꞉ ikana꞉ma꞉ handelememe. Koto tapaketa꞉ mo Akaya Potobinisi nane hata꞉ta꞉ ota꞉ amba꞉ titina꞉ pi mea hata꞉ pa Koda꞉na꞉ wanda꞉halina꞉ e pokaatiki pitelememe. Koto ekina꞉ ya kametiti iki pa꞉ta꞉ honke alo hata꞉ dupa alome.

2 Kotindi 9:1

Mo Diudia da kenke pa꞉ta꞉ haleme Koda꞉na꞉ wanda꞉hali pa꞉ta꞉ tapaala꞉ tamba꞉ mina꞉la꞉ ekita꞉ iki pa꞉ta꞉ do laaso tameiya꞉ tapapeketa꞉ ti na pa꞉la꞉me.

2 Kotindi 9:12

Do ikana꞉ma꞉ pokeleme ema꞉ta꞉ Koda꞉na꞉ wanda꞉halina꞉ dia꞉ya꞉la꞉eki homeke na epeaasa꞉pate pa Koda꞉ pa꞉ta꞉ keiyae tieke ala꞉ pi wopu lena꞉ la꞉la꞉me

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

1 Timodi 3:2

Ketiso wanda꞉hali hatuku pula꞉ halita꞉ eki a꞉nda꞉ na piki hali yelieke. Ipikita꞉ wanda꞉ homeke ma꞉la꞉ halie. Ipikita꞉ hone wotu lenkene pea ula꞉ halie. Ipika꞉ lokena꞉ handeteke hata꞉ e na kapa꞉lake epeke tupa꞉ pita꞉la꞉ halie. Mo na handeke wanda꞉hali make ipika꞉ da pa꞉ta꞉ mea peliaasa꞉ hali yelieke. Ipikita꞉ pi epeke tupa꞉ wala꞉la꞉ halie.

1 Timodi 5:10

wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.

Taitasi 1:8

Ipika꞉ da pa꞉ta꞉ta꞉ kimisu wanda꞉hali pambolo opolo pina꞉ ala꞉ hali make epeke hau pita꞉la꞉ ekita꞉ ta꞉na꞉ma꞉ homa hone wotu wita꞉la꞉ hali make ipika꞉ hone pa꞉ta꞉ kone ana꞉e ala꞉ hali make tikitikina꞉ hala꞉ hali make yakopiki hali make ipika꞉ loke handeteke hala꞉ hali make hapeke yelieke.

Taitasi 3:14

Nika꞉ Ketiso tapakema꞉ a꞉pa꞉la꞉ haumanu puluekema꞉ ikana꞉ma꞉ mo ika꞉ nate leke epeke tupa꞉ handeteke hata꞉ pina꞉ moka꞉la꞉ tiatiki pea꞉pa꞉peke alee. Kutupa make mo wanda꞉halina꞉ ka꞉nda꞉ma꞉ homa꞉la꞉eki handa꞉ peteluekema꞉ ikana꞉ma꞉ mo napeke na pitiki epe na piki haumanu leke na pea꞉peke ya꞉la꞉me.

Pailimono 1:7

A꞉ta꞉e. Ya kameo. Naka꞉ pukima꞉ homele ekima꞉ ya puki pa꞉ta꞉ ta꞉na꞉ tieke peaya꞉ ekima꞉ hana꞉ noka꞉paeya꞉me. Koto pele ekima꞉ta꞉ nakana꞉ma꞉ mo Koda꞉na꞉ wanda꞉hali paeyaona꞉ puki mea tiawaaleme.

Hibulu 13:16

Epeke hau pualu pu make tamba꞉ mualu pu pita꞉la꞉ hau yaapota꞉ hone na yonka꞉lapa꞉peke. Pa ekipeke. Do hau yaapoma꞉ta꞉ Koda꞉ ta꞉na꞉ma꞉ homaena꞉ pa hameke hala꞉la꞉ haue.

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.

Hibulu 6:10

Koda꞉ta꞉ homeke pa꞉ta꞉ homeke hone ula꞉ Koda꞉ dia꞉me. Ipikana꞉ma꞉ mo ika꞉ epeke e poka꞉lemekeeki make ika꞉ Ketiso kame tonu tamba꞉ mimieki make ame do pa tamba꞉ mu haleme ekima꞉ make koto hau pa꞉ta꞉ yama꞉ta꞉ ika꞉ Koda꞉ pa꞉ta꞉ pukima꞉ homelemeeki peneme yaasa꞉me. Koto piteme ekita꞉ Koda꞉ma꞉ hone na yonka꞉lapeke ya꞉la꞉me.

1 Pida 4:9

Tulu tulu na leke ika꞉ da pa꞉ta꞉manu ane pitulu endi mone pitulu endi pu hapa꞉peke.

1 Dioni 3:17

Mo hamoko halima꞉ ipika꞉ hameke ala꞉ta꞉ ma꞉nda꞉ dia꞉ ya꞉la꞉eki handolo hata꞉ kone hameke pa꞉ta꞉ ipika꞉ puki na halea꞉ka꞉na꞉ta꞉ pa ekieki pea ipikana꞉ma꞉ Koda꞉ pa꞉ta꞉ pukima꞉ homolome laa leliepe.

3 Dioni 1:5

Yaka yankekeo. Nakana꞉ma꞉ta꞉ mo naka꞉ Ketiso tapake pa꞉ta꞉ kima꞉ na homeke tamba꞉ mu hale tupa꞉ kone mo neke na handeke Ketiso tapake pa꞉ta꞉ make homeke tupa꞉ kone tamba꞉ mu haleme.