Loma꞉ 12:12 - Panake Pi La: Ula: Buka pita: Kine Pieke Buka

¹² Tekehalima꞉ pulu pa꞉la꞉ ekina꞉ handeteke hata꞉ ta꞉na꞉ma꞉ homa hapa꞉peke. Ka꞉nda꞉piki haumanu iki pa꞉ta꞉ epea꞉ka꞉na꞉ta꞉ kota꞉ honkopu hao hata꞉ handeteke hapa꞉peke. Hoto paeyao yeni pea꞉tiki pu hapa꞉peke.

Loma꞉ 12:12 ပူးပေါင်းရင်းမြစ်များ

Ma꞉tiu 5:12

pa pina꞉ma꞉ ikana꞉ma꞉ta꞉ pa epeke puki haaso hata꞉ ta꞉na꞉ma꞉ homo hapa꞉peke. Pa ekipeke. Ika꞉ mulu peleme yenki tieketa꞉ oli hepeni nane wiawala꞉me. Do iki pa꞉ta꞉ kita꞉la꞉ tanda tupa꞉ kone mo hande amba꞉ haemeke potopede haliweki pa꞉ta꞉ make tanda halo haemekeme.

Luku 10:20

Koto pa꞉la꞉ma꞉ mo hoke temoko manuma꞉ ika꞉ pi opua pilia꞉eki pa꞉ta꞉ ta꞉na꞉ma꞉ na homa꞉pa꞉peke. Pate ika꞉ bikita꞉ amba꞉ hepeni nane wape pea ula꞉ma꞉ ta꞉na꞉ma꞉ homa꞉pa꞉peke leekeme.

Luku 21:19

Honkopu hao hapa꞉peke. Pa ekipeke dupiteleme hau manuma꞉ta꞉ ika꞉ kone petelimikie leekeme.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Aposolo 1:14

Koto haliweki paeyao mo wanda꞉weki tonka꞉na꞉ Yesuna꞉ ama꞉ Meti make ipika꞉ hameketiti make mandake pa꞉ta꞉ momba꞉la pita꞉ yeni pu pitimikime.

Aposolo 12:5

Koto ekina꞉ Pidata꞉ dipula da pa꞉ta꞉ pa pitina꞉ leekepate mo siosi tapake wanda꞉halima꞉ Koda꞉ pa꞉ta꞉ Pida yeni wopu pea꞉tiki pimikime.

Aposolo 2:42

Mo wanda꞉halima꞉ta꞉ hande aposolo haliwekima꞉ waleme pimanu opua꞉tiki peaata꞉ Ketiso wanda꞉hali ame̱le̱ momba꞉la꞉tiki peaata꞉ yeni pea ne na꞉tiki pimikime.

Aposolo 6:4

Kutupa nikana꞉ma꞉ta꞉ Koda꞉na꞉ pi paa walolo ombu halumeke lemekeme.

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

Loma꞉ 15:4

Mo hande Baibolo bukana꞉ wape pa꞉la꞉ ekimanu paeyaota꞉ niki waluekema꞉ wape pea pelememe. Mo hande Baibolo bukana꞉ wape pa꞉la꞉eki manuma꞉ta꞉ niki sutia tia pitolo haena꞉ niki tiao hata꞉ mo hande la꞉ ula꞉ ekimanu yaena꞉yeke handeteke hao hamono ula꞉me.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Loma꞉ 8:25

Koto pa꞉la꞉pate nikana꞉ma꞉ na handoloma꞉eki kone honema꞉ tumao haoma꞉ka꞉na꞉ta꞉ kota꞉ ota꞉ yaalo pa꞉la꞉eki puluekema꞉ eiei na leke yopu handeteke hao halumeke.

1 Kotindi 13:13

Kutu pulu pa꞉la꞉ natemanu epena꞉ yu wia hata꞉ ame do hande hau tepota꞉ pa pu hapeke ya꞉la꞉me. Dupa. Hone tulaasa꞉eki make ta꞉na꞉ma꞉ homa Koda꞉ pa꞉ta꞉ handeteke hala꞉eki make pukima꞉ homa꞉la꞉eki make do hau tepota꞉ pa pu hapeke ya꞉la꞉pate ota꞉ titina꞉ tumiki hau homeketa꞉ pukima꞉ homa꞉la꞉ekie.

2 Kotindi 12:8

Doeki mea bae laa lota꞉ pitolo hata꞉ I̱ma꞉ta꞉ hoto tepona꞉ Tekehali pa꞉ta꞉ yeni pua꞉pate

Pilipai 3:1

Ya Ketiso yankeke tonuo. Ya pi lo paeyaaluekema꞉ta꞉ dupa alome. Ikana꞉ma꞉ mo Tekehali pa꞉ta꞉ tunao hata꞉ta꞉ ta꞉na꞉ma꞉ homo hapa꞉peke. Amba꞉ hande wape pua꞉eki paa wape puluekema꞉ soka꞉la꞉ na pa꞉la꞉pate iki lopaama꞉na꞉ sa꞉sa꞉ pina꞉e hone witolo ekina꞉ paa wape pitolome.

Pilipai 4:4

Ika꞉ Tekehali pa꞉ta꞉ haleme ekina꞉ta꞉ hoto paeyao ta꞉na꞉ma꞉ homu hapa꞉peke. Paa make alome. Ta꞉na꞉ma꞉ homu hapa꞉peke.

Kolosi 1:11

Kutupa ikita꞉ ipika꞉ ota꞉ pa̱a̱ piki wele pa꞉ta꞉ ipula꞉ honkopu ana꞉na꞉ kone haemeka꞉na꞉ta꞉ mo hau paeyao pa꞉ta꞉ta꞉ homu pea yu wia hata꞉ da̱o̱la hamena꞉e laa honke alopa꞉me. Kutupa ta꞉na꞉ lulu hata꞉ Apa꞉ pa꞉ta꞉ keiyae lapa꞉peke. Ipikana꞉ma꞉ oli pa̱a̱na꞉ kilu tumbuao hala꞉eki pa꞉ta꞉ ipika꞉ wanda꞉hali mina꞉yeke wiala꞉ ekina꞉ putupiliki ma꞉nda꞉ muemena꞉yeke iki ana꞉ pealeke loa꞉me.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

Kolosi 4:12

Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.

Kolosi 4:2

Hoto paeyao yeni putia pulu ombu hapa꞉peke. Kutupa Koda꞉ pa꞉ta꞉ keiyae laa yeni pitolo hata꞉ wopu handeteke hapa꞉peke.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

1 Desalonaika 5:8

Kutu pu halemepate nikita꞉ pa̱a̱ pita꞉la꞉ ekina꞉ wanda꞉hali haloma꞉me. Koto ekina꞉ta꞉ epeke hone wia hamana꞉ pea꞉pa꞉peke aleo. Nika꞉ hone tulaasoma꞉eki pita꞉ pukima꞉ homoloma꞉ ekita꞉ hakoko a꞉mbaasa꞉ hanka꞉ leke pambaota꞉ Koda꞉ma꞉ niki mea da꞉taalo pa꞉la꞉ ekina꞉ hone puaasoma꞉ ekita꞉ nika꞉ a꞉nda꞉ pita꞉la꞉ you aka꞉ leke pambamana꞉e.

2 Desalonaika 1:4

Koto peleme ekina꞉ nikita꞉ mo siosi paeyao pa꞉ta꞉manu ta꞉na꞉ma꞉ puki na hake hata꞉ ika꞉ pi lawao haloma꞉me. Ika꞉ pi lawaasome ekita꞉ ika꞉ a꞉nda꞉ tunkuliki halima꞉ iki tekipuleke laaseme ekimanu make mandane ka꞉nda꞉ peaasa꞉ haumanu tukiki pa꞉ta꞉ tonka꞉na꞉ ikana꞉ma꞉ taka꞉lao hata꞉ hone tu alo haleme ekina꞉ lawaasoma꞉me.

2 Desalonaika 3:5

Ikana꞉ma꞉ Koda꞉na꞉ pukima꞉ homa꞉la꞉eki make Ketisoma꞉ ka꞉nda꞉ pa꞉la꞉eki na mina꞉pa꞉lake taka꞉lao hayekeeki make hone uemena꞉ Tekehalima꞉ ika꞉ hone witeleme ekita꞉ tikitiki yao hatuku pena꞉e.

1 Timodi 6:11

Nakana꞉ma꞉ Koda꞉na꞉ hali hata꞉ta꞉ koto hau manuta꞉ mone hata꞉ pina꞉ kiao papate leke hapeke. Kutu puluekema꞉ta꞉ kota꞉ nakana꞉ma꞉ mo tikitiki piki hau make Koda꞉na꞉ hau leke pita꞉la꞉ hau make hone tulaasa꞉ hau make pukima꞉ homa꞉la꞉ hau make ki hone na wiki pita꞉la꞉ hau make kimele piki hau pita꞉la꞉ hau make koto hau paeyao ota꞉ muluekee hone u paleke pu hapeke.

2 Timodi 3:10

Pate nakana꞉ma꞉ I̱ yaapo neke mandake pomi pita꞉ma꞉ta꞉ mo hande wanda꞉hali pa꞉ta꞉ waloa꞉ pi manuta꞉ nakana꞉ma꞉ amba꞉ opua hone wilime. Kutaa ya hau pita꞉ ya pua꞉eki yaapota꞉ nakana꞉ma꞉ hone wilime. Kutaa I̱ma꞉ ya hone tulaaloeki make wanda꞉halima꞉ pi mina꞉ soka꞉la꞉ma꞉ homa na kiake pa handeteke haloeki make ya a꞉ta꞉ma꞉ homa pukima꞉ homoloeki make ka꞉nda꞉manu epena꞉ kone I̱ma꞉ honkopu hao da̱o̱la haloeki make nakana꞉ma꞉ handeleme.

Taitasi 2:13

mo hande ota꞉ ipilie nate opolo epena꞉e laa hone tulaasa꞉ hata꞉ yu wia haloma꞉me. Koto epolo pa꞉la꞉ nateta꞉ mo nika꞉ Koda꞉ tieke make da꞉taala꞉ hali Yesu Ketiso make ipilika꞉ pa̱a̱ tieke peneme yaasa꞉eki opolo ipilieke.

Taitasi 3:7

Kutu pieke ekima꞉ta꞉ mo Ketiso ipika꞉ a꞉ta꞉ma꞉ homeeke ekina꞉ niki Koda꞉na꞉ leke popelekena꞉ tikitiki pea make nika꞉ hone puaasoma꞉ deto hala꞉eki make miomono piekeme. Do ala꞉ pita꞉ ota꞉ pie.

Hibulu 10:32

Mo hande iki amba꞉ haeme ekimanu niminaapa꞉peke. Koto pita꞉ma꞉ta꞉ mo Koda꞉na꞉ pa̱a̱ma꞉ ika꞉ puki pa꞉ta꞉ pa̱a̱ peaya꞉ hoki naneta꞉ ka꞉nda꞉manu wopu mimipate pa koto hau manuma꞉ iki bepolaena꞉ na leke ota꞉ honkopu hao haememe.

Hibulu 10:36

Koto ekina꞉ta꞉ mo Koda꞉na꞉ hone pa꞉la꞉eki amba꞉la pealuekema꞉ make mo ipika꞉ la꞉ ula꞉ alemanu muluekema꞉ make ikana꞉ma꞉ yopu yu wia hapa꞉peke ya꞉la꞉me.

Hibulu 12:1

Mo hande amba꞉ haeme wanda꞉halita꞉ ameta꞉ niki hopa꞉liao koa leke haleme ekima꞉ta꞉ ika꞉ hone tulaemekeeki niminaa tiaasememe. Kutu peleke handaata꞉ do ame haloma꞉ wanda꞉hali nikita꞉ pa eki pumana꞉pe. Do haumanu pumana꞉e. Mo niki miniki hata꞉ me̱i̱me̱i̱ liaasa꞉ alemanu paeyao make pa mo ta̱la꞉ pelia hasa꞉ hoke haumanu paeyao londa꞉la꞉ mipi bao pomana꞉e. Kutaata꞉ mo Koda꞉ma꞉ peomono yeke telipala꞉ a̱i̱ya꞉ pula꞉ hauna꞉ta꞉ nika꞉ puki hana꞉ noka꞉pa hao hamana꞉e.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

Hibulu 6:12

Ikana꞉ma꞉ soka꞉la꞉ homeleme wanda꞉hali hamena꞉ niki hone na pa꞉la꞉me. Kotoeki na pikita꞉ mo hande mandane wanda꞉hali ika꞉ hone tulaemeke hauma꞉ make ika꞉ epeke tupa꞉ yu wia haemeke hauma꞉ make koto hau yaapo pa꞉ta꞉ yama꞉ mo hande Koda꞉ma꞉ la꞉ ula꞉ ekimanu mu haemekeme. Koto wanda꞉halina꞉ hauta꞉ ikana꞉ma꞉ handa꞉ muemena꞉ hone witoloma꞉me.

Hibulu 6:15

Eipoloha꞉ma꞉ mo pi la꞉ wieke ale muluekema꞉ yu wia hayeke handaata꞉ koto pi la꞉ wieke ekita꞉ ota꞉ miekeme.

Dia꞉mesi 5:7

Ya kametitio. Tekehali epena꞉yeke handeteke hao hapa꞉peke. Mo e teke halima꞉ ipika꞉ ena꞉ hala꞉ alemanu napeke epeke tupa꞉ wina꞉yeke handeteke hala꞉eki handelememe. Lako panakeeki make wetepena꞉eki make handeteke hala꞉me.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

1 Pida 4:7

Ala꞉ta꞉ ala꞉ta꞉ paeyaona꞉ paeyolo pa꞉la꞉ nateta꞉ nuna꞉ ya꞉la꞉me. Koda꞉ pa꞉ta꞉ yeni (ana꞉na꞉) puluekema꞉ leke leke lo hata꞉ ika꞉ hone wopu wia hapa꞉peke.

2 Pida 1:6

Koto ika꞉ hone wilimieki pa꞉ta꞉ta꞉ mo ika꞉ kone loke hone yaapo lu tumbao haleme hau apa꞉taapa꞉peke. Kutupa koto loke hone yaapo lu tumbao halemeeki pa꞉ta꞉ta꞉ puki hana꞉ noka꞉pelemeeki apa꞉taapa꞉peke. Koto ika꞉ puki hana꞉ noka꞉pelemeeki pa꞉ta꞉ta꞉ Koda꞉na꞉ hau leke pitelemeeki apa꞉taapa꞉peke.

Peneme Yaeyekeeki 13:10

Ma꞉nda꞉ epita꞉ tapake ma꞉nda꞉ma꞉ minina꞉e laa wia꞉ka꞉na꞉ta꞉ kota꞉ ota꞉ minina꞉ lelieke. Epita꞉ bainasima꞉ lia homaena꞉e laa wia꞉ka꞉na꞉ta꞉ kota꞉ ota꞉ mo bainasima꞉ lia homaena꞉ lelieke. Dupiki haumanu pa꞉ta꞉ta꞉ Koda꞉na꞉ wanda꞉hali lopaama꞉na꞉yeke homu pea pa pina꞉e laa yu wia hata꞉ make kima꞉ na homeke hone tu lao haya꞉ka꞉na꞉ta꞉ ana꞉ pilieke.