Loma꞉ 12:11 - Panake Pi La: Ula: Buka pita: Kine Pieke Buka

¹¹ E pokolo hata꞉ta꞉ soka꞉la꞉ homa hata꞉ na pokeke honkopu hao hata꞉ poka꞉pa꞉peke. Tekehalina꞉ e pokaaso hata꞉ta꞉ puki loke paeyao ipiki pa꞉ta꞉ halolo hata꞉ pokaapa꞉peke.

Loma꞉ 12:11 ပူးပေါင်းရင်းမြစ်များ

Ma꞉tiu 24:12

Kenke paeyao pa꞉ta꞉ hoke hoke haumanu opa daeyatiki pea꞉ka꞉na꞉ta꞉ kota꞉ wanda꞉halina꞉ a꞉ta꞉ma꞉ homa꞉la꞉ hau manuta꞉ alupilieke.

Ma꞉tiu 25:26

Koto leeke mo you halima꞉ ipika꞉ pi hombo peaaso alota꞉ Neketa꞉ soka꞉la꞉ pambeke e pokaasa꞉ hoke some ya꞉ka꞉ta꞉me. I̱ta꞉ na noko polo ale manuna꞉ napeke no make na tande alo ale manuna꞉ kiliki talo halo somee hone witolo pita꞉ ota꞉ alome.

Aposolo 18:25

Hali ma꞉nda꞉ma꞉ ipiki pa꞉ta꞉ Tekehalina꞉ hau amba꞉ waleeke handa ipikana꞉ma꞉ wele pieke hali hata꞉ Yesuma꞉ pieke ekimanu tikitiki yao walo hayekepate Dionima꞉ bapitaisi peaeyekeeki pa꞉ta꞉ homeke hone wiekeme.

Aposolo 20:19

I̱ma꞉ta꞉ e̱ alo hata꞉ homu peaata꞉ Tekehalina꞉ hau peaaso hano hande Diu haliwekima꞉ I̱ luekema꞉ taapolo hata꞉ ka꞉nda꞉ma꞉ homaemeeki manuta꞉ handememe lea꞉me.

1 Kotindi 7:22

Do ekina꞉yeke loa꞉me. Mo pa hameke e pokaasa꞉ halima꞉ta꞉ Tekehalima꞉ ipiki wi ala꞉eki opuata꞉ kota꞉ ipikita꞉ mo Tekehalima꞉ ka꞉la꞉pa꞉ tapao haena꞉ la꞉la꞉ halie. Koto tupa꞉ kone mo pa hala꞉ halima꞉ta꞉ Tekehalima꞉ ipiki wi ala꞉eki opuata꞉ kota꞉ ipikita꞉ mo Ketisona꞉ e pa hameke pokaasa꞉ halie.

Epesese 4:28

Pake nala꞉ halima꞉ koto hau na piki pa e poka꞉peke ya꞉la꞉me. Ipika꞉ kikima꞉ e epeke tupa꞉ pokolo hata꞉ ala꞉ta꞉ ma꞉nda꞉ dia꞉ya꞉la꞉ wanda꞉hali pa꞉ta꞉ mandaneeki haluekema꞉ hone wina꞉yeke loa꞉me.

Kolosi 4:1

Handeteke haleme haliwekio. Ika꞉ pa hameke e pokaasa꞉ haliweki ana꞉na꞉ kone tikitiki yao handeteke hapa꞉peke. Hone wipe. Iki make ika꞉ handeteke hala꞉ halita꞉ oli hepeni hala꞉me.

1 Timodi 5:13

Kutaa make kutupiki kosa꞉piki wanda꞉wekima꞉ da yalayala pu pominolo hata꞉ ika꞉ e poka꞉peke natemanu hoeyaalememe. Koto hau homeke dia꞉pate ikana꞉ma꞉ kotoeki ota꞉ lombeipiki hoke hau ma꞉nda꞉ta꞉ dupa. Mandane wanda꞉halina꞉ hau hotiata꞉ la꞉ mundula mundula pitolo hata꞉ mo ota꞉ lapeke na ya꞉la꞉ ekimanu la꞉ tiatia pu halememe.

Hibulu 12:28

Koto pa꞉la꞉pate nikana꞉ma꞉ mo la꞉wa꞉ la꞉wa꞉ peaapeke na yolo pa꞉la꞉ kilu tombuao hala꞉eki moloma꞉me. Koto poloma꞉ ekina꞉ta꞉ Koda꞉ma꞉ ta꞉na꞉ma꞉ homena꞉ nikana꞉ma꞉ ipika꞉ biki mea a꞉meiyaaso hata꞉ keiyae pi lomana꞉e.

Dia꞉mesi 5:16

Koto ekina꞉ yeni tandela haluekema꞉ ika꞉ hoke hau peleme ekimanu ka꞉la꞉pa alualu peata꞉ kutupa ika꞉ kone Koda꞉ pa꞉ta꞉ yeni pitolo hata꞉ tamba꞉ mu alualu pea꞉pa꞉peke. Tikitiki yao hala꞉ halima꞉ yeni pia꞉ka꞉na꞉ta꞉ kota꞉ wele wotu pilieke.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Pida 4:8

Pukima꞉ homa꞉la꞉ ekima꞉ta꞉ hoke hau eleke eleke a꞉mbao haleke handa ika꞉ titina꞉ hauta꞉ pukima꞉ ota꞉ wopu homa꞉ alualu pu hapa꞉peke.

Peneme Yaeyekeeki 2:4

Koto pelemepate ameta꞉ iki pa꞉ta꞉ alo pita꞉ dupa. Ikana꞉ma꞉ amba꞉ titina꞉ I̱ puki kitolo pimi tupa꞉ ameta꞉ puki na kelememe.