Loma꞉ 11:36 - Panake Pi La: Ula: Buka pita: Kine Pieke Buka

³⁶ Koda꞉ma꞉ta꞉ ala꞉ta꞉ ala꞉ta꞉ paeyao ipikana꞉ma꞉ wepia wina꞉ la꞉la꞉me. Kutupa ala꞉ta꞉ ala꞉ta꞉ paeyao ipikana꞉ma꞉ kone pa putia pulu pulu haena꞉ ala꞉me. Kutu pa꞉la꞉ ekita꞉ ala꞉ta꞉ ala꞉ta꞉ paeyao ipika꞉eki kone wina꞉ loluekema꞉ pa꞉la꞉me. Nikana꞉ma꞉ta꞉ Koda꞉na꞉ pita꞉ hoto paeyao laatiki pu hamana꞉e. Kutu pina꞉e.

Loma꞉ 11:36 ပူးပေါင်းရင်းမြစ်များ

Ma꞉tiu 6:13

Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

Luku 19:38

Mo wanda꞉halima꞉ la꞉tia pulu alota꞉ Mo Tekehalina꞉ bikina꞉ ipula꞉ kini halita꞉ Koda꞉ma꞉ epeaena꞉e. Hepeni nane haleme tapakema꞉ a꞉nda꞉ peliaaso hata꞉ Koda꞉na꞉ biki tieke miniliaena꞉e la꞉tia pemekeme.

Luku 2:14

Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Aposolo 17:28

Ika꞉ mandane emeli lemeke haliwekima꞉ lemeke tupa꞉ Ipiki pa꞉ta꞉ la꞉ma꞉ pea pomu hata꞉ hao haloma꞉me. Ipika꞉ weki wandiki ota꞉ hata꞉ pitoloma꞉me lemekeme leekeme.

Loma꞉ 16:27

Nikana꞉ma꞉ Yesu Ketiso pa꞉ta꞉ yama꞉ mo hande hau paeyao wotu handa ula꞉ Koda꞉ homeke homekena꞉ pi hoto paeyao laatiki pu hamana꞉e. Kutu pumana꞉e.

1 Kotindi 11:12

Pa ekipeke wanda꞉ta꞉ halina꞉ loke pa꞉ta꞉ mea wepia haena꞉ leekepate ameta꞉ halita꞉ wanda꞉na꞉ loke pa꞉ta꞉ kini pea ipula꞉me. Kutupa ala꞉ta꞉ ala꞉ta꞉ paeyaona꞉ hala꞉ ekina꞉ teketa꞉ Koda꞉ hala꞉me.

1 Kotindi 8:6

nikana꞉ma꞉ nika꞉ Koda꞉ homeke kone nika꞉ Apa꞉ hata꞉ ipikita꞉ ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ hala꞉me laata꞉ Nikita꞉ ipiki pa꞉ta꞉ ti lao haloma꞉me. Kutupa make mo Tekehali homeke homeketa꞉ Yesu Ketiso hala꞉me. Ipikana꞉ma꞉ ala꞉ta꞉ ala꞉ta꞉ paeyao wepia wina꞉ laata꞉ niki make amba꞉ da꞉taala꞉me.

Ka꞉leisia 1:5

Koto ekina꞉ta꞉ Koda꞉ ipika꞉ biki tieke wina꞉ yeiya꞉ latiki latiki pu hamana꞉e. Kutu pina꞉e.

Epesese 3:21

Kutupiki Koda꞉ta꞉ siosi wanda꞉hali paeyaoma꞉ Yesu Ketiso yaapo ta꞉ma꞉ni pea hata꞉ta꞉ ipika꞉ biki nate paeyao mea a꞉meiyatiki pa pulu pulu hamana꞉ pea꞉pa꞉peke aleo. Kutu pina꞉e.

Pilipai 4:20

Nate paeyao nika꞉ Apa꞉ Koda꞉ yeiya꞉ yeiya꞉ lao hamana꞉e. Kutu pina꞉e.

1 Timodi 1:17

Mo lekema꞉ handa꞉peke na yo make homa꞉peke na yo piki da꞉ta hao hala꞉ Kini hali ipiki homeke kone Koda꞉ hala꞉me. Ipika꞉ biki tieke ota꞉ kende wina꞉ mea a꞉meiyaena꞉ la꞉na꞉e. Kutu pina꞉e.

1 Timodi 6:16

Ipiki homeketa꞉ ipika꞉ kone pa da꞉taa hao hala꞉ Koda꞉ hala꞉me. Wanda꞉halima꞉ ipiki hala꞉ teke pa꞉ta꞉ pua꞉peke na yeke pa̱a̱ tieke pa꞉ta꞉ hala꞉me. Ipikita꞉ hali ma꞉nda꞉ma꞉ ota꞉ na handemeke yeke Koda꞉ yeke handaata꞉ ame make ota꞉ ma꞉nda꞉ma꞉ handa꞉peke na ya꞉la꞉me. Ipika꞉ biki tieke ota꞉ kende wina꞉ make mo na paeyeke pa hao hala꞉ Kilu Tombuao hala꞉ ekina꞉ wele make ipika꞉eki wina꞉e. Kutu pina꞉e.

2 Timodi 4:18

Mo Tekehalima꞉ mo hande hoke hau paeyao pa꞉ta꞉ I̱ yoka꞉ mea ipika꞉ hepeni nane Kilu Tombuao Hala꞉ ekina꞉ epeke tupa꞉ opolo a꞉pono lelieke. Mo biki yeiya꞉ laasa꞉eki paeyao ipiki pa꞉ta꞉ na paeyeke pa u haena꞉e. Kutu pina꞉e.

Hibulu 2:10

Mo ala꞉ta꞉ ala꞉ta꞉ paeyao wepia wina꞉ laa epeke handeteke hala꞉ Koda꞉ma꞉ wekiwandiki eleke eleke ipika꞉ hepeni kenke seliapo nane haena꞉ yeke ika꞉ deto hala꞉eki me̱a̱ya꞉ hali Yesu pa꞉ta꞉ tanda tieke haleeke ekima꞉ Koda꞉ma꞉ ipikita꞉ ota꞉ ika꞉ titina꞉ hali haena꞉ leeke ekita꞉ ota꞉ epeke hau epeke piekeme.

1 Pida 4:11

Epima꞉ta꞉ pi walo haya꞉ka꞉na꞉ta꞉ ota꞉ Koda꞉na꞉ pi homeke wala꞉peke ya꞉la꞉taa. Epima꞉ta꞉ siosi wanda꞉hali tamba꞉ mia꞉ka꞉na꞉ta꞉ ota꞉ Koda꞉na꞉ hala꞉la꞉ wele taapuna꞉ hata꞉ tamba꞉ mia꞉peke ya꞉la꞉taa. Koto ekina꞉ do hau paeyao pilimi ekima꞉ta꞉ Yesu Ketiso pa꞉ta꞉ yama꞉ Koda꞉ yeiya꞉ lapeke yelieke. Mo pa̱a̱ pita꞉la꞉eki make mo kilu tombuao hala꞉eki make ipika꞉eki na paeke pa hao halieke. Kutu pina꞉e.

1 Pida 5:11

Mo Kilu Tombuao Hala꞉ weleta꞉ hoto paeyao Koda꞉ pa꞉ta꞉ pu haena꞉e. Aowe ota꞉e.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

Diudi 1:25

Do Koda꞉ homekema꞉ta꞉ nika꞉ Tekehali Yesu Ketiso pa꞉ta꞉ yama꞉ niki pa꞉ta꞉la꞉la꞉me. Koto ekina꞉ nikana꞉ma꞉ta꞉ ipika꞉ biki yeiya꞉ laamana꞉e. Ipikita꞉ titina꞉ kini hata꞉ honkopu tieke haena꞉e. Kutupa ipikita꞉ ala꞉ta꞉ ala꞉ta꞉ paeyaona꞉ you hali haena꞉e. Ipikita꞉ amba꞉ make ame make wetepe nina꞉ make do tupa꞉ kone hao haena꞉e. Kutu pina꞉e

Peneme Yaeyekeeki 19:1

Doeki hoki naneta꞉ oli hepeni nane wanda꞉hali tiekema꞉ leke nono pea alota꞉ Haleluya. (Nika꞉ pima꞉ta꞉ Koda꞉na꞉ biki miniliamana꞉e) Da꞉ta꞉mono yeke pa꞉ta꞉la꞉la꞉eki make pa̱a̱ peaasa꞉eki make wele tieke make nika꞉ Koda꞉ pa꞉ta꞉ ula꞉me.

Peneme Yaeyekeeki 21:6

Kutupa ombu alota꞉ Ameta꞉ pu paela꞉me. I̱ta꞉ titina꞉ make sale nane makee. Kini pitolo make paeyaaso makee. Ma꞉nda꞉ epita꞉ ikali na꞉na꞉ma꞉ homea꞉ka꞉na꞉ta꞉ I̱ma꞉ mo opa꞉la꞉ da꞉taasa꞉ ikalita꞉ na hambeke pa nena꞉ waleke halueke.

Peneme Yaeyekeeki 7:10

Ikana꞉ma꞉ anekema꞉ alo hata꞉ alota꞉ Da꞉ta꞉mono yeke pa꞉ta꞉la꞉la꞉ ekita꞉ mo kini seana꞉ pila꞉ nika꞉ Koda꞉ make mo Sipisipi Ma꞉na꞉ Ikiki yaapo pa꞉ta꞉ yama꞉ ipula꞉me lememe.

Peneme Yaeyekeeki 7:12

Kutu pina꞉e. Yeiya꞉ laasa꞉eki make pa̱a̱ make hone u lenkene peaasa꞉eki make ta꞉na꞉e ala꞉eki make biki miniliaasa꞉eki make wele honkopu make paeyaota꞉ hoto paeyao nika꞉ Koda꞉na꞉eki ula꞉me. Kutu pina꞉e lememe.