Loma꞉ 11:23 - Panake Pi La: Ula: Buka pita: Kine Pieke Buka

²³ Diu wanda꞉halima꞉ make ika꞉ hone na tulao haemekeeki mina꞉pa꞉laemeka꞉na꞉ta꞉ Koda꞉ma꞉ ika꞉ amba꞉ haemeke alena꞉ paa mea tunao haena꞉ lelieke. Pa ekipeke. Koda꞉ma꞉ iki paa mea tunao hapeke ya꞉la꞉me.

Loma꞉ 11:23 ပူးပေါင်းရင်းမြစ်များ

Ma꞉tiu 23:39

I̱ma꞉ neke pa꞉ta꞉ alota꞉ Ame do aneta꞉ I̱ a̱i̱ na handolo pelepate pa nakana꞉ma꞉ I̱ pa꞉ta꞉ alota꞉ Tekehalina꞉ biki mea ipula꞉ hali pa꞉ta꞉ ta꞉na꞉e lelipi toma꞉na꞉ta꞉ kota꞉ I̱ pa handilipikie alome leekeme.

Loma꞉ 11:17

Ambu sa̱ lopao wata꞉lao hala꞉ olipi tina꞉ palekemanu mandaneeki tonda꞉pa꞉ mepi pea mea pa opa pa hala꞉ olipi ti ma꞉nda꞉na꞉ paleke tonda꞉pa꞉ mea mo hande wata꞉laala꞉ ekina꞉ palekena꞉ mea tunaala꞉me. Diendaili wanda꞉hali ikita꞉ mo hande pa opa hala꞉ olipi tima꞉ handelemepate mo Diu wanda꞉hali pa꞉ta꞉ a꞉pa꞉la꞉ epeke epeke haumanu ikana꞉ma꞉ minelememe.

Loma꞉ 11:24

Diendaili wanda꞉hali ikita꞉ pa opa hala꞉ olipi ti tonda꞉pa꞉ mepi pieke palekema꞉ handelememe. Kutupa ikita꞉ ambu sa̱ lopao wata꞉lao hala꞉ olipi ti pa꞉ta꞉ kone mea tunao hamina꞉ la꞉la꞉me. Diu wanda꞉halita꞉ mo hande ambu sa̱ lopao wata꞉lao hala꞉ olipi ti paleke manuma꞉ handelememe. Koda꞉ma꞉ koto tonda꞉pa꞉ mepi pieke palekemanu ika꞉ ota꞉ tina꞉ paa mea tunao haena꞉ lea꞉ka꞉na꞉ta꞉ yapa꞉ pilieke.

2 Kotindi 3:16

Pate ana꞉na꞉ mea baapeke ya꞉la꞉me. Pa ekipeke mo Baiboloma꞉ Mosesi hotiolo hata꞉ alota꞉ Ipika꞉ leke popeleke a꞉mbaala꞉ dau sinkipiki mea bake hauta꞉ ipiki Tekehali pa꞉ta꞉ la꞉ka꞉la pea꞉ dina꞉ pia꞉me la꞉la꞉ tupa꞉ loa꞉me.

Hibulu 3:19

Ika꞉ hone na tulaemekeme. Ika꞉ kutu pimiki ekima꞉ kone mo hande hoto pitina꞉ Koda꞉ma꞉ halueke laa pi la꞉ wieke kenke pa꞉ta꞉ ota꞉ pua꞉peke na yekeme. Koto ekita꞉ do la kita꞉leke opitoloma꞉me.