Loma꞉ 11:18 - Panake Pi La: Ula: Buka pita: Kine Pieke Buka

¹⁸ Koto ekina꞉ mo hande palekemanu tonda꞉pa꞉ mepi pieke tupa꞉ Koda꞉ma꞉ kiaeyeke wanda꞉halita꞉ ikana꞉ma꞉ koto wanda꞉hali ankulalo peleme honemanu na wia꞉pa꞉peke. Eki epina꞉ ikana꞉ma꞉ handaena꞉ hau pilimikipe. Ikita꞉ pa paleke homeke halememe. Paleke manuma꞉ta꞉ piki pa꞉ta꞉ pankeke na pitaasa꞉me. Pikima꞉ kone paleke pa꞉ta꞉ pankeke pitaasa꞉me.

Loma꞉ 11:18 ပူးပေါင်းရင်းမြစ်များ

Ma꞉tiu 26:33

Koto leeke Pidama꞉ Yesu pa꞉ta꞉ alota꞉ Wanda꞉hali paeyaoma꞉ neke mina꞉pa꞉laena꞉ kone I̱ma꞉ta꞉ neke ota꞉ na mina꞉pa꞉lalueke leekeme.

Dioni 10:16

Yaka mandane ma꞉na꞉manu make halememe. Do haleme ekimanu homeke na loa꞉me. Iki make yaka pi ho̱la̱꞉make opitolo haena꞉ I̱ma꞉ mina꞉neaalueke. Kutupa mo ma꞉na꞉manu tapake homeke halo pelemepateta꞉ handeteke hala꞉ hali make homeke kone halieke.

Dioni 4:22

Iki Sametia wanda꞉hali ikana꞉ma꞉ yeni piteleme ekita꞉ epi pa꞉ta꞉ pitelemepe. Ikana꞉ma꞉ wopu na handelememe. Kutu pitelemepate niki Diu wanda꞉hali nikana꞉ma꞉ yeni pitoloma꞉ ekita꞉ epi pa꞉ta꞉ pitoloma꞉pe kota꞉ ota꞉ handoloma꞉me. Pa ekipeke mo wanda꞉hali da꞉taasa꞉ ekita꞉ Diu wanda꞉hali pa꞉ta꞉ kini pea ipula꞉eke handa loa꞉me leekeme.

Aposolo 25:7

Kutupa Polo opolo a꞉pa haena꞉ta꞉ mo Diutuseleme da hao epemeke Diu haliwekima꞉ Polo dupao hata꞉ mo haliwekima꞉ alota꞉ Do halima꞉ta꞉ hoke hoke ane mone haumanu wopu pu hala꞉ halima꞉ pa꞉la꞉me lemekepate mo ota꞉ pa꞉la꞉eki tekemanu na la꞉ yokemekeme.

Loma꞉ 11:20

Koto make ota꞉eki ya꞉la꞉pate Diu wanda꞉hali ikana꞉ma꞉ hone na tulaemeke handaa ipikana꞉ma꞉ tonda꞉pa꞉ mepi pea pa꞉la꞉me. Diendaili wanda꞉hali ikana꞉ma꞉ hone tulaaseme ekina꞉ tunao halememe. Kutupa halemepate ikana꞉ma꞉ I̱ handaena꞉ haumanu hone na wiki ika꞉ loke tonkao paala꞉ma꞉ homa yopu hapa꞉peke.

Loma꞉ 3:27

Koto hali ma꞉nda꞉ epima꞉ eki hau pita꞉la꞉ ekina꞉ ipika꞉ hakoko lia꞉peke ya꞉la꞉pe. Dia꞉me. Hakoko lia꞉peke na ya꞉la꞉me. Ekipekepe. Ipikana꞉ma꞉ mo hande Lo Pimanu opua pita꞉la꞉ ekina꞉ Koda꞉ma꞉ ipiki yaapo tikitiki yao na haena꞉ leliepe. Dia꞉me. Ota꞉ hakoko lia꞉peke na ya꞉la꞉me. Ipikana꞉ma꞉ hande Lo Pimanu opua pita꞉la꞉ ekina꞉ Koda꞉ma꞉ ipiki yaapo tikitiki yao na haena꞉ leliepate mo halima꞉ hone tulaasa꞉ ekina꞉ haena꞉ lelieke.

Loma꞉ 4:16

Eipoloha꞉ma꞉ Koda꞉ pa꞉ta꞉ hone tulaeyeke ekina꞉ Koda꞉ma꞉ hande pi la꞉ wiekeme. Koda꞉ma꞉ta꞉ Eipoloha꞉ma꞉ ipika꞉ hoki nane halo pimiki wanda꞉hali paeyao pa꞉ta꞉ hande la꞉ wieke pita꞉ iki pa꞉ta꞉ pa hameke halena꞉yeke loa꞉me. Hande Lo Pimanu oto pa꞉ta꞉ haleme wanda꞉hali pa꞉ta꞉ homeke dia꞉ya꞉la꞉pate hande Eipoloha꞉ma꞉ma꞉ pieke tupa꞉ Koda꞉ pa꞉ta꞉ hone tulao haleme wanda꞉hali pa꞉ta꞉ make hala꞉la꞉me. Eipoloha꞉ma꞉ta꞉ niki paeyaona꞉ apa꞉ hala꞉me.

1 Kotindi 10:12

Koto ekina꞉ mo some epima꞉ I̱ta꞉ da̱o̱la hata꞉ epeke tiao halome laa hone wia꞉ka꞉na꞉ta꞉ kota꞉ koto someta꞉ lopaapa꞉na꞉ wotu hapeke aleo.

Ka꞉leisia 3:29

Ikita꞉ Ketiso ipika꞉eki haemeka꞉na꞉ta꞉ kota꞉ ikita꞉ mo Eipoloha꞉ma꞉na꞉ hoki nane wanda꞉hali hata꞉ Koda꞉na꞉ kulueke laa pi la꞉ wiekeeki milimikie.