Loma꞉ 11:16 - Panake Pi La: Ula: Buka pita: Kine Pieke Buka

¹⁶ Hali ma꞉nda꞉ma꞉ palaowa kake naneeki tunkula꞉ mea Koda꞉ pa꞉ta꞉ halea꞉ka꞉na꞉ta꞉ kota꞉ mo honiki ulu pulueki make Koda꞉na꞉eki kone wilieke. Koto tupa꞉ make ti pikimanu Koda꞉ pa꞉ta꞉ halea꞉ka꞉na꞉ta꞉ kota꞉ oli palekemanu make ipika꞉eki kone halieke.

Loma꞉ 11:16 ပူးပေါင်းရင်းမြစ်များ

Kini Pieke 17:7

I̱ma꞉ta꞉ neke pa꞉ta꞉ make naka꞉ monduma꞉ monduma꞉ pilipi wekiwandikina꞉ wekiwandikina꞉ tapake pa꞉ta꞉ maketa꞉ do la꞉ witolo pita꞉ ota꞉ na paeke pa u halo pa꞉la꞉ pi la꞉ witolome. I̱ta꞉ naka꞉ Koda꞉ make naka꞉ monduma꞉ monduma꞉ pilipi wekiwandikina꞉ wekiwandikina꞉ Koda꞉ make halueke.

Loma꞉ 11:17

Ambu sa̱ lopao wata꞉lao hala꞉ olipi tina꞉ palekemanu mandaneeki tonda꞉pa꞉ mepi pea mea pa opa pa hala꞉ olipi ti ma꞉nda꞉na꞉ paleke tonda꞉pa꞉ mea mo hande wata꞉laala꞉ ekina꞉ palekena꞉ mea tunaala꞉me. Diendaili wanda꞉hali ikita꞉ mo hande pa opa hala꞉ olipi tima꞉ handelemepate mo Diu wanda꞉hali pa꞉ta꞉ a꞉pa꞉la꞉ epeke epeke haumanu ikana꞉ma꞉ minelememe.

Loma꞉ 8:23

Koto wa꞉pa꞉la꞉eki manuma꞉ homeke na alemepate niki make hande Koda꞉ma꞉ titina꞉ amba꞉la ka꞉la꞉ Sipitidi mea hata꞉ta꞉ nikana꞉ma꞉ make niki tukiki pa꞉ta꞉ keme lo haloma꞉me. Koda꞉ma꞉ niki ipika꞉ wekitonu hamono laata꞉ nika꞉ loke tieke paeyao ka꞉la꞉pa꞉ tapaowaena꞉yeke handeteke hao hata꞉ lo haloma꞉me.

1 Kotindi 7:14

Do alo pita꞉ do ekina꞉yeke loa꞉me. Hande pi na miki halita꞉ ipika꞉ wanda꞉ yaapo ta꞉ma꞉ni pea hala꞉ ekina꞉ Koda꞉ma꞉ ana꞉e ala꞉me. Kutupa hande pi na miki wanda꞉ta꞉ ipika꞉ Ketiso hali yaapo ta꞉ma꞉ni pea hala꞉ ekina꞉ make kota꞉ Koda꞉ma꞉ ana꞉e ala꞉me. Do aloeki na pia꞉ka꞉na꞉ yoluta꞉ ika꞉ wekiwandiki titita꞉ pa mo Koda꞉ mataake weki wandiki halo pimime. Kutu pulu pelemepate ameta꞉ ika꞉ weki wandikimanu haleme ekita꞉ Koda꞉ma꞉ ana꞉e ala꞉me.

Dia꞉mesi 1:18

Ipika꞉ wa꞉pa꞉la꞉ ekimanu paeyao pa꞉ta꞉ nikita꞉ titina꞉ hamonoyeke ipika꞉ hande ota꞉ pi manuna꞉ ipika꞉ hone pa꞉la꞉eki pitolo hata꞉ niki mea hamono la꞉la꞉me.

Peneme Yaeyekeeki 14:4

Ikita꞉ wanda꞉weki hakopu na tunkulimieki yaalo yakopiki haliweki haememe. Ikana꞉ma꞉ta꞉ mo Sipisipi Ma꞉na꞉ Ikiki pea꞉ pa꞉ta꞉ta꞉ telipaleke ombu haememe. Ikita꞉ kenke wanda꞉hali paeyao anka꞉lopuna꞉ epeaala꞉ tapakee. Ikita꞉ Koda꞉ pa꞉ta꞉ make mo Sipisipi Ma꞉na꞉ Ikiki pa꞉ta꞉ make titina꞉ halo pa꞉la꞉ tapakee.