Loma꞉ 11:10 - Panake Pi La: Ula: Buka pita: Kine Pieke Buka

¹⁰ Ika꞉ leke handupa handa꞉peke na yolo hata꞉ ka꞉nda꞉ma꞉ homa houwolo puniao hatiki pimika꞉na꞉ta꞉ epelieke laa wape pa꞉la꞉me.

Loma꞉ 11:10 ပူးပေါင်းရင်းမြစ်များ

Loma꞉ 1:21

Iki paeyaoma꞉ta꞉ Koda꞉ hala꞉eki hone witelemepate ipiki pa꞉ta꞉ Neketa꞉ ota꞉ Koda꞉ haleme pi na leke ipika꞉ pi laaluekema꞉ make kiao halememe. Kutupa ipiki pa꞉ta꞉ keiyae pi make na lo halememe. Kutu pu haleme ekina꞉ iki hone wopu na wiki hata꞉ ika꞉ hone teke pa꞉ta꞉ timba꞉ lo pamba꞉la꞉eki tumbulu baena꞉ halememe.

Loma꞉ 11:8

Hande Baibolo bukana꞉ wape pa꞉la꞉ ekita꞉ dupa Koda꞉ma꞉ ikita꞉ hone na wiki wanda꞉hali haena꞉ leekeme. Kutupa haena꞉ leeke ekima꞉ mo wanda꞉hali hatiki a꞉pa ame do make hata꞉ta꞉ ika꞉ lekema꞉ na handeke ika꞉ katakema꞉ make na opiki pa pambo halememe laa wape pa꞉la꞉me.

Epesese 4:18

Mo wanda꞉halima꞉ta꞉ ika꞉ hone witeleme ekita꞉ timba꞉ la꞉pa pulu hata꞉ epeke hone ma꞉nda꞉ na witelememe. Ikita꞉ hone na wiki kiaaso hata꞉ na mineleme ekima꞉ Koda꞉na꞉ da꞉taasa꞉ ekita꞉ na handelememe.

2 Pida 2:17

Do haliwekita꞉ mo hande opa꞉la꞉ ikali o ala꞉ ekima꞉ handelememe. Ikita꞉ po tilipuma꞉ kili mea baala꞉ koama꞉ handelememe. Koda꞉ma꞉ta꞉ oni timba꞉ la꞉papeke naku tieke pa꞉ta꞉ta꞉ ika꞉ da panda꞉ amba꞉ mea wiala꞉me.

2 Pida 2:4

Koda꞉ma꞉ta꞉ mo hoke hau pieke enisolo manuna꞉ yenkita꞉ pa na mina꞉pa꞉lae yekepate ikita꞉ oni ti uleke pa꞉ta꞉ hoto paeyao seni puma꞉ tonkao timba꞉ la꞉papeke pa꞉ta꞉ haena꞉ la꞉la꞉me. Koto pa꞉ta꞉ta꞉ iki pi yokaalu pulu peleme nate yu wia haena꞉ la꞉la꞉me.

Diudi 1:13

Ikita꞉ mo hande keaasa꞉ dawala homa꞉ handaa ika꞉ yaala꞉ma꞉ na homeke hau manuta꞉ mo hande ikali dakodako peneme yao wala꞉la꞉ ekima꞉ handelememe. Ikita꞉ mo hande pomu lopeleme hombulanka꞉ma꞉ handelememe. Koda꞉ma꞉ta꞉ mo wanda꞉halina꞉ hoto paeyao pa hao halo peleme timba꞉ kitii la꞉papeke da panda꞉ wamo pea wiala꞉me.

Diudi 1:6

Kutupa make mo hande enisolo manuma꞉ta꞉ ika꞉ ota꞉ epeke tupa꞉ handeteke haemekeeki pa꞉ta꞉ na hake ika꞉ epeke da hoki walemekeeki hone wipee. Ikita꞉ oni oto nane timba꞉ la꞉papeke pa꞉ta꞉ ota꞉ na paeke pa u halo pa꞉la꞉ senipu manuma꞉ hotaala꞉me. Koda꞉ma꞉ ikita꞉ mo hande Aneke natena꞉ pi yokaalu pina꞉yeke yu wia haena꞉ la꞉la꞉me hone wipee.