Loma꞉ 10:8 - Panake Pi La: Ula: Buka pita: Kine Pieke Buka

⁸ Mo Baibolo bukana꞉ wape pa꞉la꞉ ekima꞉ta꞉ doeki ala꞉me. Koda꞉ma꞉ la꞉la꞉ pita꞉ papate na ulu pa꞉la꞉me. Ika꞉ puki pa꞉ta꞉ make mendiata꞉ ika꞉ kakema꞉ make lapa꞉peke ya꞉la꞉me laa wape pa꞉la꞉me. Hande pita꞉ nikana꞉ma꞉ walo haloma꞉ pi kone wanda꞉halima꞉ hone tulaena꞉ la꞉la꞉ ekita꞉ dupa.

Loma꞉ 10:8 ပူးပေါင်းရင်းမြစ်များ

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Aposolo 16:31

Ipilikana꞉ma꞉ alota꞉ Tekehali Yesu pa꞉ta꞉ hone tulaapeke. Kutu pika꞉na꞉ta꞉ deto hala꞉eki milipikie. Neke make naka꞉ weki wanda꞉ma꞉ make milimikie lepekeme.

Loma꞉ 10:17

Koto ekina꞉ pi opita꞉la꞉ ekima꞉ wanda꞉halima꞉ hone tulaasememe. Kutupa hali ma꞉nda꞉ma꞉ Ketisoma꞉ pa꞉la꞉eki wala꞉la꞉ ekima꞉ wanda꞉halima꞉ pi opitelememe.

Ka꞉leisia 3:2

Ameta꞉ ya lota꞉ pitoloeki homeke doma꞉ ikana꞉ma꞉ hombo peape. Ikana꞉ma꞉ Koda꞉na꞉ Sipitidita꞉ mo pi ula꞉eki manuma꞉ pea꞉peke ala꞉eki opua pimi ekima꞉ mimipe o mo pi seliapo opua koto pi pa꞉ta꞉ hone tulaeme ekima꞉ mimipe.

Ka꞉leisia 3:5

Ikana꞉ma꞉ mo pi ula꞉eki manuma꞉ pea꞉pa꞉peke ala꞉eki opua puemena꞉yeke handa Koda꞉ma꞉ ipika꞉ Sipitidi iki pa꞉ta꞉ kiaata꞉ mo na handeke haumanu iki pa꞉ta꞉ peao hala꞉pe o mo pi seliapo opua hone tulaamena꞉yeke handa kutu pu hala꞉pe.

Epesese 5:26

Dupieke ekima꞉ Ketisoma꞉ hande ipika꞉ siosi wanda꞉hali pima꞉ make ikalima꞉ make wamo peata꞉ Koda꞉na꞉eki kone tombo waleekeme.

1 Timodi 4:6

Nakana꞉ma꞉ do mana꞉ pimanu a꞉nda꞉ epeke tupa꞉ mo Ketiso kametonu pa꞉ta꞉ la halo haeka꞉na꞉ta꞉ kota꞉ neketa꞉ Ketiso Yesuna꞉ epeke e pokaasa꞉ hali halipikie. Kota꞉ koto nakana꞉ma꞉ teliele hone tulaasa꞉ pi pita꞉ mo walea꞉ ota꞉ pi yaapo a꞉nda꞉ ota꞉ wopu miniki hao haeka꞉na꞉ta꞉ kota꞉ kutu pilipi ekima꞉ta꞉ neke wele pealieke.

1 Pida 1:23

Ikita꞉ homa꞉la꞉ apa꞉na꞉ wekiwandiki hamena꞉ dia꞉ya꞉la꞉pate da꞉ta hao hala꞉ apa꞉na꞉ wekiwandiki hamena꞉ Koda꞉na꞉ da꞉ta hao hala꞉ pima꞉ iki paa mendiaeyekeme.

1 Pida 1:25

Kutu piliepate mo Tekehalina꞉ pita꞉ na paeke pa u halieke. Koto pita꞉ mo iki pa꞉ta꞉ walea꞉ Pi Seliapoe.