Loma꞉ 10:4 - Panake Pi La: Ula: Buka pita: Kine Pieke Buka

⁴ Mo hande Lo Pimanu wieke dita꞉ Ketisoma꞉ paeyaala꞉ ekina꞉ ameta꞉ hone tulaaseme wanda꞉halita꞉ Koda꞉ma꞉ ipiki yaapo tikitiki yao haena꞉ ala꞉me.

Loma꞉ 10:4 ပူးပေါင်းရင်းမြစ်များ

Ma꞉tiu 3:15

Koto leekepate Yesuma꞉ ipika꞉ pi hombo peaaso hata꞉ alota꞉ Pina꞉ma꞉ hone ma꞉nda꞉ na wiki. Do pulu polopa꞉ hauta꞉ Koda꞉na꞉ hone pa꞉la꞉ hauna꞉ pitolo pitolopa꞉me. Koto leekeeki Dionima꞉ opuaata꞉ A꞉pa꞉la꞉me bapitaisi peanoe leekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Loma꞉ 3:22

Wanda꞉halima꞉ Yesu Ketiso pa꞉ta꞉ hone tulaaseme ekima꞉ Koda꞉ma꞉ ikita꞉ ipiki pa꞉ta꞉ tikitiki yao hamina꞉ lo hala꞉me. Ketiso pa꞉ta꞉ hone tulaaseme wanda꞉hali paeya ta꞉pao pa꞉ta꞉ Koda꞉ma꞉ koto hau pu hala꞉me. Diu wanda꞉hali make Diendaili wanda꞉hali make ta꞉ta꞉ pea na haleme ekina꞉ loa꞉me.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

Ka꞉leisia 3:24

Koto ekina꞉ mo hone tulaasa꞉ hau pa꞉ta꞉ yama꞉ Koda꞉ yaapo tikitiki yao hamono mo Lo Pi ula꞉ ekima꞉ niki handeteke hatiki puaata꞉ Ketiso ipulu kinaeyekeme.

Ka꞉leisia 4:5

mo Lo Pi wiekeeki oto pa꞉ta꞉ haemeke wanda꞉hali peteluekema꞉ koto Diu tapakena꞉ pi wiekeeki oto pa꞉ta꞉ hayekeme. Niki Koda꞉na꞉ wekiwandiki hamono kutu piekeme.

Kolosi 2:10

Kutupa ipiki pa꞉ta꞉ ta꞉ma꞉ni peleme ekima꞉ta꞉ ikita꞉ da꞉ta꞉la꞉eki tumbao melememe. Ketisota꞉ kenke ya paeyao pa꞉ta꞉ ula꞉ welemanu paeyao make handeteke hala꞉ ekimanu paeyaona꞉ you hali hala꞉me.

Kolosi 2:17

Do haumanu paeyaota꞉ mo wetepena꞉ ekina꞉ su̱a̱ su̱a̱ tupa꞉ konee. Ota꞉ ekita꞉ Ketisoe.

Hibulu 10:14

Ipikana꞉ma꞉ mo hoke haumanu paeyawaena꞉ la haleme wanda꞉halita꞉ ipika꞉ hoto homeke homeke homeeke ekima꞉ ikita꞉ ota꞉ wamo peayekeme. Koto ekita꞉ ota꞉ na paelieke.