Loma꞉ 10:20 - Panake Pi La: Ula: Buka pita: Kine Pieke Buka

²⁰ Kutupa Aisayama꞉ Koda꞉na꞉eki lawaaso hata꞉ doolema꞉ na homeke dupa leekeme. I̱ na weimi wanda꞉halima꞉ kone I̱ handa꞉ wimime laata꞉ I̱ haloeki lota꞉ na pimi wanda꞉hali pa꞉ta꞉ kone yaka kone peneme yao waloa꞉me laa leekeme.

Loma꞉ 10:20 ပူးပေါင်းရင်းမြစ်များ

Ma꞉tiu 20:16

Koto pi Yesuma꞉ lo a꞉mbolo hata꞉ alota꞉ Koto ekina꞉ mo ame biki na ula꞉ mandane wanda꞉hali woputa꞉ titina꞉ haena꞉ laata꞉ mo ame biki tieke ula꞉ mandane wanda꞉hali woputa꞉ wetepe halo yapilimikie laa leekeme.

Luku 14:23

Koto ekina꞉ mo teke halima꞉ hande e pokao hayeke hali pa꞉ta꞉ alota꞉ Papate pa꞉la꞉ pota꞉ pa꞉ta꞉manu puaata꞉ yaka da tumbina꞉ yeke loa꞉ma꞉ wanda꞉hali paeyao handa꞉ mea a꞉pawapeke.

Loma꞉ 10:3

Wanda꞉hali Koda꞉ma꞉ ipiki yaapo tikitiki yao haena꞉ la꞉la꞉ pota꞉ ikana꞉ma꞉ na handa꞉ wiki ikana꞉ma꞉ ika꞉ kone Koda꞉ yaapo tikitiki haluekema꞉ pimikime. Kutu pimiki ekina꞉ Koda꞉ma꞉ wanda꞉hali ipiki yaapo tikitiki yao haena꞉ la꞉la꞉ pota꞉ta꞉ kiao haemekeme.

Loma꞉ 9:30

Koto ekina꞉ do aloma꞉ pita꞉ eki epina꞉ aloma꞉pe dupae. Diendaili wanda꞉halima꞉ta꞉ Koda꞉ yaapo tikitiki yao haluekema꞉ pota꞉ na weimikipate ikana꞉ma꞉ Koda꞉ pa꞉ta꞉ hone tulaaleme ekima꞉ Koda꞉ma꞉ ikita꞉ ipiki yaapo tikitiki hamina꞉ la꞉la꞉me.

Loma꞉ 9:31

Kutu pa꞉la꞉pate hande talopu mea haena꞉ la꞉la꞉ wanda꞉halima꞉ta꞉ ikita꞉ Koda꞉ yaapo tikitiki yao hamina꞉ lolo peleme pi ula꞉ ekimanu weimikipate na handa꞉ wimikime.

1 Dioni 4:19

Koda꞉ma꞉ta꞉ niki amba꞉la pukima꞉ homeeke handaa nikana꞉ma꞉ make pukima꞉ homo haloma꞉me.