Loma꞉ 10:2 - Panake Pi La: Ula: Buka pita: Kine Pieke Buka

² Ikana꞉ma꞉ Koda꞉na꞉ hau puluekema꞉ hone wotu peleme ekita꞉ I̱ma꞉ handa alome. Kutu pitelemepateta꞉ ikana꞉ma꞉ Koda꞉na꞉ hau puluekema꞉ hone peleme ekita꞉ ota꞉eki hando hoeyaaso hata꞉ pitelememe.

Loma꞉ 10:2 ပူးပေါင်းရင်းမြစ်များ

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Aposolo 21:20

Kutupa mo haliwekima꞉ kotoeki opuaata꞉ Koda꞉na꞉ pi laememe. Kutupa ipiki pa꞉ta꞉ alota꞉ Kameo. Hande Diu haliweki paeyaoma꞉ pi mimiki ekita꞉ handeleme. Paeyaoma꞉ hande Lo Pimanu opuluekema꞉ hone wotu witelemepate

Aposolo 21:28

Isulai haliwekio. A꞉pa niki pa꞉ta꞉la꞉pe lemekeme. Nika꞉ wanda꞉hali pa꞉ta꞉ make mo hande Lo Pimanu pa꞉ta꞉ make do da pa꞉ta꞉ make wanda꞉hali paeyaoma꞉ hoke hone wina꞉yeke la꞉tia pomina꞉la꞉ hali doe lemekeme. Kutupa make do tembolo da tukiki pa꞉ta꞉ Kitiki haliweki hatuku a꞉paata꞉ do pi ula꞉ da amba꞉ hoeyaeya꞉ka꞉ta꞉me laa lemekeme.

Aposolo 22:22

Hande wanda꞉halima꞉ Polona꞉ pi amba꞉ opimikipate mo koto leekeeki opuaata꞉ taka꞉lake pi la alu alu pea alota꞉ Do hali lumana꞉e. Apa꞉e. Ipikita꞉ ota꞉ homaena꞉ lapeke aleo leekeme.

Aposolo 22:3

I̱ta꞉ Diu hali mo hande Silisia nane hala꞉ da Tasa꞉si da pa꞉ta꞉ I̱ mendiekepate do daoni tukiki pa꞉ta꞉ daeya polome. Kutupa Kamalielena꞉ sukulu da pita nika꞉ apa꞉ amedana꞉ Lo haumanu sukulu wotu peaka꞉na꞉ ikana꞉ma꞉ Koda꞉ pa꞉ta꞉ ame hone wotu witeleme tupa꞉ I̱ma꞉ make hone u halome.

Loma꞉ 10:1

Yaka kame titio. Yaka puki pa꞉ta꞉ witolo hone tieketa꞉ yaka tapake hande Diu wanda꞉halima꞉ da꞉ta꞉la꞉eki muemena꞉yeke hone witolo ekina꞉ loa꞉me. I̱ma꞉ iki pa꞉ta꞉ hone witolo hata꞉ Koda꞉ pa꞉ta꞉ yeni pu halome.

Loma꞉ 10:3

Wanda꞉hali Koda꞉ma꞉ ipiki yaapo tikitiki yao haena꞉ la꞉la꞉ pota꞉ ikana꞉ma꞉ na handa꞉ wiki ikana꞉ma꞉ ika꞉ kone Koda꞉ yaapo tikitiki haluekema꞉ pimikime. Kutu pimiki ekina꞉ Koda꞉ma꞉ wanda꞉hali ipiki yaapo tikitiki yao haena꞉ la꞉la꞉ pota꞉ta꞉ kiao haemekeme.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

2 Kotindi 8:3

I̱ma꞉ iki pa꞉ta꞉ ota꞉ pi alo ekita꞉ ika꞉ haleme ekita꞉ ota꞉ hala꞉peke ya꞉la꞉ tupa꞉ make ota꞉ haka꞉ta꞉pake tupa꞉ make halememe. Ika꞉ hone lombei peake tupa꞉ta꞉

Ka꞉leisia 1:14

I̱ma꞉ mo hande Diu wanda꞉halina꞉ haumanu muluekema꞉ta꞉ ya mandake daeyoma꞉ Diu wekitonu bepolao lombei pitolo hata꞉ nika꞉ atekena꞉ atekena꞉ mana꞉ pimanu hone ota꞉ wopu ua꞉me.

Ka꞉leisia 4:15

Koto pita꞉ma꞉ta꞉ iki pa꞉ta꞉ ta꞉na꞉ tieke wopu wia꞉me. Pate pa ameta꞉ ekipa pa꞉la꞉pe. I̱ma꞉ta꞉ dupiki pi kone lapeke ya꞉la꞉me. Ikana꞉ma꞉ I̱ tamba꞉ muluekema꞉ ika꞉ leke yoka꞉ mea kia꞉peke ya꞉ka꞉na꞉ yoluta꞉ amba꞉ yoka꞉ mea kulu pimime.

Pilipai 1:9

I̱ma꞉ iki pa꞉ta꞉ dupiki yeni peao halome. Mo yeni peao halo ekita꞉ ikana꞉ma꞉ ota꞉ epeke titina꞉ hau ma̱leke lia꞉peke ya꞉la꞉ ika꞉ pukima꞉ homa꞉la꞉eki make ika꞉ ota꞉eki homeke hone wita꞉la꞉eki make ika꞉ honema꞉ teli pita꞉la꞉eki make mandakena꞉ daeyolo daeyolo ombu haena꞉ I̱ma꞉ do yeni peaasome. Koto haumanu iki tukiki pa꞉ta꞉ daeya꞉ka꞉na꞉ta꞉ mo Ketiso ipilie natena꞉ ikita꞉ haumanu na pu hoeyao aleta꞉ na piki wanda꞉hali halimikie.

Pilipai 3:6

Kutupa Koda꞉na꞉ hau puluekema꞉ hone wopu witolo hata꞉ I̱ma꞉ mo siosi wanda꞉hali pa꞉ta꞉ tanda hala꞉tiki pu haowa꞉me. Homekema꞉ mo hande pi ula꞉eki paeyao miniki haasa꞉ hauma꞉ tikitiki haasa꞉ hali hapeke ya꞉ka꞉na꞉ta꞉ kota꞉ I̱ma꞉ta꞉ hau ma꞉nda꞉ na pu hoeyaowa꞉me.

Kolosi 4:13

Ipikana꞉ma꞉ ikina꞉ make mo Laodisia pita꞉ Haeta꞉polasi hala꞉ wanda꞉halina꞉ e tieke pokaala꞉ ekita꞉ yaka lekema꞉ hando ekina꞉ I̱ma꞉ iki la kia꞉peke ya꞉la꞉me.