Loma꞉ 10:19 - Panake Pi La: Ula: Buka pita: Kine Pieke Buka

¹⁹ I̱ma꞉ paa lota꞉ pitolo ekita꞉ dupa. Isulai wanda꞉halima꞉ta꞉ hande pita꞉ hone na wimikipe. Dia꞉me. Ikana꞉ma꞉ opua kone halememe. Mosesima꞉ta꞉ Koda꞉na꞉ pi lawaaso hata꞉ ipikana꞉ma꞉ amba꞉la pi alo alota꞉ I̱ma꞉ta꞉ pa ika꞉ ta꞉ta꞉ pea hao haleme wanda꞉hali ota꞉ tapake tieke na haleme wanda꞉hali kone mea haena꞉ loa꞉ka꞉na꞉ta꞉ ikana꞉ma꞉ hoke hone witolo hata꞉ I̱ma꞉ pitolo ekina꞉ sokulama꞉ homilimikie. Kutupa mo hone wopu na witeleme wanda꞉hali I̱ma꞉ mea haena꞉ loa꞉ka꞉na꞉ta꞉ ikana꞉ma꞉ kutu pitolo ekina꞉ mineke pankelimikie laa wape pa꞉la꞉me.

Loma꞉ 10:19 ပူးပေါင်းရင်းမြစ်များ

Loma꞉ 10:18

Kutu pitelemepate I̱ma꞉ lota꞉ pitoloeki dupae. Hande pita꞉ wanda꞉halima꞉ na opelememe ala꞉ ekita꞉ ota꞉ alemepe. Dia꞉me amba꞉ opimime. Hande Baibolo bukana꞉ wape pa꞉la꞉ ekita꞉ dupa Mo pi mea puaaseme haliwekina꞉ kakema꞉ lemeke pi manuta꞉ kenke paeyao pa꞉ta꞉ amba꞉ pa꞉la꞉me. Ikana꞉ma꞉ lemeke pi manuta꞉ kenke honiki pa꞉ta꞉ haleme wanda꞉halima꞉ amba꞉ opelememe laa wape pa꞉la꞉me.

Loma꞉ 11:11

Koto pa꞉la꞉ ekina꞉ I̱ma꞉ lota꞉ pitoloeki dupae. Mo Diu wanda꞉halita꞉ hala꞉mba꞉liao lopaata꞉ paa na tiaake u pelia halimikipe. Ota꞉ dia꞉me. Mo Diu wanda꞉halima꞉ hoke hau pimiki handaata꞉ Diendaili wanda꞉halima꞉ta꞉ da꞉ta꞉la꞉eki minelememe. Kutu pitelemeke handaata꞉ Diu wanda꞉halima꞉ iki pa꞉ta꞉ honditi pitelememe.

Loma꞉ 11:14

Pa mata꞉la꞉me. Mandane ya tapake wanda꞉hali I̱ma꞉ honditi peaaso hata꞉ da꞉ta꞉la꞉eki mina꞉ lolua꞉pe mata꞉la꞉me.

Loma꞉ 3:26

ameta꞉ ipika꞉ tikitiki hau pita꞉la꞉eki peneme yao waluekema꞉ wanda꞉halina꞉ hoke hau pelemeeki manuna꞉ hau ma꞉nda꞉ pu hala꞉me. Koda꞉ma꞉ kutu pita꞉la꞉ ekima꞉ ipikana꞉ma꞉ kone tikitiki hau pu hala꞉eki Yesu Ketiso pa꞉ta꞉ hone tulaaseme wanda꞉hali ipiki yaapo tikitiki yao hamena꞉ la꞉la꞉eki make wala꞉la꞉me.

1 Kotindi 1:12

I̱ma꞉ta꞉ do ekina꞉ alome. Iki paeyao homeke homekema꞉ la la pu alota꞉ I̱ta꞉ Polona꞉ halie o I̱ta꞉ Apolosina꞉ halie o I̱ta꞉ Pidana꞉ halie o I̱ta꞉ Ketisona꞉ halie laa la alualu pitelememe.

1 Kotindi 10:19

Do alo ekina꞉ teketa꞉ eki epina꞉ alope. Hande toopi tima꞉ wepia ula꞉ ale pa꞉ta꞉ hala꞉la꞉ nemanu pita꞉ toopi tima꞉ wepia ula꞉ ale yaapona꞉ta꞉ ota꞉ekie alope.

1 Kotindi 11:22

Ika꞉ da pa꞉ta꞉manu pita꞉ kone ika꞉ ne ikali napeke na ya꞉la꞉pe. Kutupa Koda꞉na꞉ siosita꞉ Pa ekie laata꞉ mo natehali wanda꞉hali make yaala꞉ma꞉ homaaluekema꞉ pitelemepe. Iki pa꞉ta꞉ eki pi lonope. Kutu piteleme ekina꞉ta꞉ ika꞉ pi laanope. Dia꞉me ika꞉ pi laapeke na ya꞉la꞉me.

1 Kotindi 12:2

Ikita꞉ pi na miki haemeke dina꞉ta꞉ hande pi lapeke na yeke toopi tima꞉ wepia ula꞉ ale manuma꞉ iki handeteke hata꞉ hatuku ombu pu hoeyaemeke ekita꞉ ikana꞉ma꞉ hone amba꞉ wilimime. Ikana꞉ma꞉ hande pi lapeke na ya꞉la꞉ ale manuna꞉ biki yeiya꞉ loluekema꞉ pemekeeki loa꞉me.

1 Kotindi 15:50

Kametitio. Do ekina꞉ alome. Loke mindiki wema꞉ wa꞉pa꞉la꞉ ekita꞉ Koda꞉na꞉ Kilu Tombuao Hala꞉eki pa꞉ta꞉ pua hapeke na ya꞉la꞉me. Kutupa homa꞉peke ya꞉la꞉ ekita꞉ deto hala꞉eki mea꞉peke na ya꞉la꞉me.

1 Kotindi 7:29

Kametitio. Koto aloeki manuta꞉ do ekina꞉yeke loa꞉me. Nate wopu dia꞉yalo haena꞉ta꞉ ameta꞉ wanda꞉ miki haliwekita꞉ wanda꞉ na miki haleme haliweki tupa꞉ hapa꞉peke.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

1 Pida 2:10

Amba꞉ta꞉ iki Koda꞉na꞉ wanda꞉hali na haemepate ameta꞉ ipika꞉eki halememe. Amba꞉ta꞉ iki Koda꞉na꞉ a꞉ta꞉ma꞉ homa꞉la꞉ hau hone na wimipate ameta꞉ ipika꞉ a꞉ta꞉ma꞉ homa꞉la꞉ hau a꞉pa꞉leke melememe.