Loma꞉ 10:15 - Panake Pi La: Ula: Buka pita: Kine Pieke Buka

¹⁵ Kutupa hande pi mea pua walaaseme wanda꞉hali na tapaemeka꞉na꞉ta꞉ kota꞉ ekipa pi walaalimikipe. Mo hande Baibolo bukana꞉ wape pa꞉la꞉ ekita꞉ dupa. Mo ota꞉ epeke pi seliapo mea a꞉paaseme wanda꞉halina꞉ anke manuta꞉ ota꞉ yole pea ula꞉me laa la꞉la꞉me.

Loma꞉ 10:15 ပူးပေါင်းရင်းမြစ်များ

Ma꞉tiu 9:38

Koto ekina꞉ta꞉ mo e teke halima꞉ ipika꞉ ena꞉ ne napeke mea momba꞉laalo peleme haliweki ana꞉na꞉ tapaena꞉ ikana꞉ma꞉ ipiki pa꞉ta꞉ yeni pu hapa꞉peke leekeme.

Luku 10:1

Do hande haumanu peaata꞉ Tekehalima꞉ 72 haliweki mea yaapo yaapo pu mo ipiki polo pieke da pa꞉ta꞉manu tapa tapa piekeme.

Luku 2:10

mo enisoloma꞉ iki pa꞉ta꞉ alota꞉ Paala꞉ma꞉ na homa꞉pepee. Iki pa꞉ta꞉ epeke pi seliapo loluekema꞉ epolome. Koto ekima꞉ta꞉ wanda꞉hali paeyao ta꞉na꞉ma꞉ homaalieke.

Luku 2:14

Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Luku 8:1

Hosiki siki hao wetepe naneta꞉ Yesuta꞉ mo daoni paeyao pa꞉ta꞉ make mo hosiki da sunu pa꞉ta꞉ make pominolo hata꞉ Koda꞉na꞉ Kilu Tombuao Hala꞉ ekina꞉ Pi Seliapo wanda꞉hali paeyao pa꞉ta꞉ la hala꞉tiki pomiekeme. Kutupa make ipika꞉ 12 disaipolo haliweki make ipiki ame̱le̱ pemekeme.

Dioni 20:21

Kutupa Yesuma꞉ iki pa꞉ta꞉ paa alota꞉ Ika꞉ puki lopa꞉niao hape laa Hande Apa꞉ma꞉ I̱ epono tapaala꞉ tupa꞉ iki make pomina꞉ koto tupa꞉ tapaasome leekeme.

Aposolo 10:36

Ikana꞉ma꞉ do ekita꞉ amba꞉ ta handeleme handa꞉e. Koda꞉ma꞉ mo Isulai wanda꞉hali pa꞉ta꞉ pi tapaeyekeeki loa꞉me. Ipikana꞉ma꞉ mo a꞉nda꞉ peliaasa꞉ Pi Seliapota꞉ Yesu Ketiso pa꞉ta꞉ yama꞉ walena꞉ leekeme. Yesuta꞉ wanda꞉hali make ala꞉ta꞉ ala꞉ta꞉ make paeyaona꞉ Tekehalie.

Aposolo 13:26

Eipoloha꞉ma꞉ tapake haliweki ya kametitio. Koda꞉ pa꞉ta꞉ panda꞉puniao yeni pu haleme Diendaili wanda꞉hali paeyao iki make Koda꞉ma꞉ do hande niki da꞉taapeke ya꞉la꞉ pi niki pa꞉ta꞉ epena꞉ la꞉la꞉me.

Aposolo 22:21

Koto loa꞉pate ipikana꞉ma꞉ I̱ pa꞉ta꞉ alota꞉ Pue. I̱ma꞉ta꞉ papate kone pa mo Diendaili wanda꞉hali pa꞉ta꞉ neke tapaalueke lea꞉me leekeme.

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 1:15

Koto ekina꞉ Loma꞉ wanda꞉hali iki pa꞉ta꞉ make mo Pi Seliapo waluekema꞉ tiki tiki hao halome.

Loma꞉ 15:20

Yaka hone witoloeki homeke dupae. Ketisona꞉ biki na opiki pa hao haleme wanda꞉hali pa꞉ta꞉ I̱ pua mo hande Pi Seliapo waluekema꞉ hone u halome. Ma꞉nda꞉ma꞉ pa꞉la꞉eki manda taapopao peaama꞉na꞉ loa꞉me.

Epesese 2:17

Koto ekina꞉ Ketisoma꞉ a꞉pata꞉ hande a꞉nda꞉ peliaasa꞉ Pi Seliapo paeyao pa꞉ta꞉ waleekeme. Diendaili wanda꞉halio Koda꞉ teke pa꞉ta꞉ na hake ta꞉ta꞉ papate hamina꞉ kone iki pa꞉ta꞉ waleekeme. Diu wanda꞉halio Koda꞉ teke pa꞉ta꞉ hamina꞉ kone iki pa꞉ta꞉ make waleekeme.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Epesese 6:15

Kutupa ika꞉ anke dake pambaaseme ekita꞉ hande Koda꞉ma꞉ ika꞉ a꞉nda꞉ peliaasa꞉ Pi Seliapota꞉ a̱i̱ la haluekema꞉ tikitiki yaasa꞉eki pambaapa꞉peke.

1 Pida 1:12

Do hande opimi ota꞉ pita꞉ mo potopede haliwekima꞉ amba꞉ walaaso haena꞉ta꞉ Koda꞉ma꞉ iki pa꞉ta꞉ koto pita꞉ ika꞉eki dia꞉me. Mo wetepena꞉ haleme wanda꞉hali ika꞉eki peneme yao waleekeme. Mo Pi Seliapona꞉ kinki peaasa꞉ haliwekima꞉ hepeni nanema꞉ tapaeyeke Holi Sipitidina꞉ welema꞉ do ota꞉eki manuta꞉ iki pa꞉ta꞉ la kimime. Do ota꞉eki manuta꞉ mo enisolo haliwekima꞉ kone hone uluekema꞉ hone pu halememe.