Loma꞉ 10:10 - Panake Pi La: Ula: Buka pita: Kine Pieke Buka

¹⁰ Do ekina꞉yeke loa꞉me. Nika꞉ puki pa꞉ta꞉ hone tulaasoma꞉ ekina꞉ Koda꞉ma꞉ nikita꞉ ipiki yaapo tikitiki yao hamono ala꞉me. Nika꞉ kakema꞉ peneme yao aloma꞉ ekina꞉ nikita꞉ da꞉ta haloma꞉me.

Loma꞉ 10:10 ပူးပေါင်းရင်းမြစ်များ

Maka 9:23

Koto leeke Yesuma꞉ ipiki pa꞉ta꞉ alota꞉ Aowe. Naka꞉ hone tulaasa꞉ ekita꞉ ana꞉ pia꞉ka꞉na꞉ kota꞉ I̱ma꞉ epeaalueke. Wanda꞉hali epi amedama꞉ hone tulaeka꞉na꞉ta꞉ hau paeyao pea꞉peke ya꞉la꞉me leekeme.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Aposolo 8:37

[Kutupa Pilipima꞉ alota꞉ Nakana꞉ma꞉ naka꞉ puki paeyaoma꞉ hone wikina꞉ta꞉ kota꞉ naka꞉e leekeme. Kutupa mo halima꞉ alota꞉ I̱ma꞉ta꞉ Yesu Ketisota꞉ Koda꞉na꞉ Eiyeke hala꞉me hone witolome leekeme.]

Loma꞉ 10:11

Kota꞉ mo hande Baibolo bukana꞉ wape pa꞉la꞉ ekita꞉ dupa Hali epima꞉ ipiki pa꞉ta꞉ hone tulaeya꞉ka꞉na꞉ta꞉ kota꞉ hone ka꞉nda꞉ma꞉ homa na halieke laa wape pa꞉la꞉me.

Loma꞉ 10:9

Nakana꞉ma꞉ naka꞉ kakema꞉ Yesuta꞉ Tekehali hala꞉me laa peneme yao alo make naka꞉ puki pa꞉ta꞉ Koda꞉ma꞉ Yesu homa lapa꞉ pa꞉ta꞉ wieke alena꞉ paa mea tiaeyekeme laa hone tulaeka꞉na꞉ta꞉ kota꞉ da꞉ta halipikie.

Ka꞉leisia 2:16

Koto poloma꞉pate koneta꞉ ma꞉nda꞉ hali epima꞉ Koda꞉ pa꞉ta꞉ tikitiki yao haluekema꞉ta꞉ kota꞉ titina꞉ pea꞉peke hauta꞉ Yesu Ketiso pa꞉ta꞉ hone tulaalimi ekima꞉ homeke tikitiki yao halimikie. Pa mo Lo Pi ula꞉ ekimanu miniki haleme ekima꞉ ota꞉ dia꞉me. Koto pa꞉la꞉eki handolo hata꞉ niki make Yesu pa꞉ta꞉ hone tulaaloma꞉me. Pa Koda꞉ pa꞉ta꞉ tikitiki yao haluekema꞉yeke kutupiki hau ota꞉ poloma꞉me. Pate pa mo Mosesina꞉ pi ula꞉ ekimanu miniki haloma꞉ ekima꞉ dia꞉me. Koda꞉ pa꞉ta꞉ tikitiki yao haluekema꞉ta꞉ hali homeke ma꞉nda꞉ma꞉ mo Lo Pi ula꞉ ekimanu opua pu hala꞉ ekima꞉ ota꞉ pea꞉peke na ya꞉la꞉me.

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.

Hibulu 10:22

Koto pa꞉la꞉ ekima꞉ta꞉ nikana꞉ma꞉ nika꞉ puki pa꞉ta꞉ ota꞉ hau homeke miniki halomeke handa make Koda꞉ pa꞉ta꞉ ota꞉ hone tulaomeke handa make Ketisona꞉ wema꞉ mo nika꞉ hoke hone tekena꞉ tande laaleke halomeke handa make mo kila wiki ikalima꞉ nika꞉ loke tanda꞉paleke handa make koto haloma꞉ ekina꞉ta꞉ ota꞉ Koda꞉ teke pa꞉ta꞉ a꞉pa hamana꞉e.

Hibulu 3:12

Aiyo. Kame tonuo. Iki ma꞉nda꞉ mo deto hala꞉ Koda꞉ mina꞉pa꞉laluekema꞉ hoke hone na tulaasa꞉ hoke hone wiaama꞉na꞉ ota꞉ wopu handeteke hapa꞉peke.

1 Dioni 4:15

Ma꞉nda꞉ epima꞉ Yesuta꞉ Koda꞉na꞉ Eiyekee lea꞉ka꞉na꞉ta꞉ kota꞉ koto someta꞉ Koda꞉ yaapo ta꞉ma꞉ni pea hala꞉ make Koda꞉ta꞉ ipiki yaapo ta꞉ma꞉ni pea hala꞉me.

Peneme Yaeyekeeki 2:13

Ika꞉ haleme pa꞉ta꞉ta꞉ I̱ma꞉ hone ulume. Mo Sadanima꞉ ipika꞉ kilu tombuao hala꞉eki ula꞉ alena꞉e. Ikita꞉ I̱ pa꞉ta꞉ ota꞉ hau pu halememe. Kutupa mo Sadani hala꞉ alena꞉ yaka hande hone tulao hao hata꞉ e pokawao haya꞉ hali A꞉ntipa꞉si lu homaeya꞉ nate nina꞉ kone I̱ pa꞉ta꞉ hone tulao halemeeki hoki na walememe.