Loma꞉ 1:9 - Panake Pi La: Ula: Buka pita: Kine Pieke Buka

⁹ Do alo ekita꞉ ota꞉ pi aloeki Koda꞉ma꞉ handa꞉la꞉me. Do Koda꞉ta꞉ ipika꞉ Eiyekena꞉ Pi Seliapo walolo hata꞉ yaka tieke pukima꞉ ipika꞉ e pokao halome. Hoto paeyao iki pa꞉ta꞉ hone witolo hata꞉

Loma꞉ 1:9 ပူးပေါင်းရင်းမြစ်များ

Maka 1:1

Koda꞉na꞉ Eiyeke Yesu Ketiso ipika꞉ pi seliapo doe.

Luku 18:1

Kutupa Yesuma꞉ta꞉ ipika꞉ disaipolo haliwekima꞉ kima꞉ na homeke hoto paeyao yeni pea꞉tiki pina꞉yeke onkoluma꞉ laa dupa leekeme.

Aposolo 12:5

Koto ekina꞉ Pidata꞉ dipula da pa꞉ta꞉ pa pitina꞉ leekepate mo siosi tapake wanda꞉halima꞉ Koda꞉ pa꞉ta꞉ Pida yeni wopu pea꞉tiki pimikime.

Aposolo 19:21

Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

Aposolo 24:14

Koto pa꞉la꞉pate I̱ma꞉ neke pa꞉ta꞉ do lolo polo pita꞉ ota꞉ pi lolueke. Mo haliwekima꞉ ika꞉ honema꞉ta꞉ yayapiki hau aleme Hau kone I̱ma꞉ telia꞉ mea pulume. Kutu puluekema꞉ yaka apa꞉mei amedana꞉ Koda꞉ pa꞉ta꞉ panda꞉puniao yeni pu halome. Kutupa make mo Mosesima꞉ wape pea ula꞉ Lo Pimanu paeyao make mo potopede haliwekima꞉ wape pea ula꞉ buka manuna꞉ pi paeyao make I̱ma꞉ opu halome.

Aposolo 27:23

Ame do timba kone ya panda꞉puniao hata꞉ ta꞉ma꞉ni pea halo Koda꞉na꞉ enisolo homeke I̱ teke pa꞉ta꞉ a꞉pa hata꞉ alota꞉

Aposolo 3:26

Koto ekina꞉ Koda꞉ma꞉ ipika꞉ e pokaasa꞉ hali mea haena꞉ laata꞉ iki pa꞉ta꞉ amba꞉la tapaeyekeme. Koto tapake hauta꞉ iki epeaaluekema꞉ piekeme. Ikana꞉ma꞉ ika꞉ hoke haumanu mina꞉pa꞉lao ika꞉ puki ipikana꞉ma꞉ la꞉ka꞉laasa꞉ ekima꞉ iki epeaaluekema꞉ piekeme laa leekeme.

Loma꞉ 9:1

I̱ma꞉ alo ekita꞉ ota꞉ pi alome. I̱ta꞉ Ketisona꞉eki ota꞉ hata꞉ yayapiki pi na alome. Holi Sipitidima꞉ yaka hone pa꞉ta꞉ handeteke haena꞉ I̱ma꞉ta꞉ yayapiki pi aleme laa ya hone pa꞉ta꞉ kone na ala꞉me.

2 Kotindi 1:23

Koda꞉ta꞉ yaka wekitisi hali lonoe. Ipikana꞉ma꞉ta꞉ yaka honeta꞉ hone ula꞉me. I̱ma꞉ta꞉ iki ka꞉nda꞉ kia꞉peke yeketa꞉ Kotindi nane pao na poa꞉me.

2 Kotindi 11:31

Koda꞉ mo Tekehali Yesu Ketisona꞉ Atekema꞉ta꞉ I̱ma꞉ta꞉ yayapiki pi na alome laa hone wita꞉la꞉me. Ipika꞉ bikita꞉ hoto paeyao mea a꞉meiyamana꞉e.

Ka꞉leisia 1:20

Do wape pitolo pita꞉ ota꞉ pi alome. Ota꞉ diki honumakesiki I̱ma꞉ yapi alo na loa꞉me. Ota꞉ Koda꞉ma꞉ handa꞉la꞉me.

Epesese 6:18

Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.

Pilipai 1:3

Iki hone u moneaaso pita꞉ma꞉ paeyaota꞉ I̱ma꞉ Koda꞉ pa꞉ta꞉ ikina꞉ keiyae pi la꞉tiki pu halome.

Pilipai 1:4

Kutupa ikina꞉ Koda꞉ pa꞉ta꞉ I̱ma꞉ yeni peaaso pita꞉ma꞉ta꞉ ta꞉na꞉ pita꞉ hata꞉ peatiki pu halome.

Pilipai 2:22

Ikana꞉ma꞉ make Timodita꞉ handolota꞉ ota꞉ epeke halie la handelememe. Kutupa make a꞉tala꞉ leke hata꞉ Timodi dikana꞉ma꞉ Koda꞉na꞉ Pi Seliapo daeyaena꞉ poko hapa꞉ eta꞉ hone wilimime.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

1 Desalonaika 1:2

Hoto paeyao nikana꞉ma꞉ta꞉ iki pa꞉ta꞉ hone witolo hata꞉ Koda꞉ pa꞉ta꞉ keiyae pi la꞉tiki pea yeni peao haloma꞉me.

1 Desalonaika 3:10

Timba natena꞉ nikana꞉ma꞉ nika꞉ Tekehali pa꞉ta꞉ nika꞉ pukima꞉ ota꞉ yeni wopu pu haloma꞉me. Ika꞉ leke popeleke paa handuluekema꞉ make ika꞉ hone tulaalemeeki taka꞉lawalo pa꞉la꞉ ekina꞉ make loa꞉me.

1 Desalonaika 5:17

Hoto paeyao make yeni pu hapa꞉peke.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

2 Timodi 1:3

Ya apa꞉na꞉ atekena꞉ atekema꞉ Koda꞉ pa꞉ta꞉ hone tulao hao haemeke tupa꞉ I̱ make ya hone tekema꞉ ala꞉ta꞉ ma꞉nda꞉ na ta̱le̱na꞉ leke koto tupa꞉ kone hone tulao halome. I̱ma꞉ timba make natena꞉ make neke hone na yonka꞉lake Koda꞉ pa꞉ta꞉ yeni pitolo keiyae pi lo halome.

Pailimono 1:4

Pailimono I̱ma꞉ yeni pu moneaaso toma꞉na꞉ta꞉ naka꞉ biki alo hata꞉ta꞉ Koda꞉ pa꞉ta꞉ keiyae pi lo halome.