Loma꞉ 1:7 - Panake Pi La: Ula: Buka pita: Kine Pieke Buka

⁷ Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 1:7 ပူးပေါင်းရင်းမြစ်များ

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Aposolo 9:13

A꞉na꞉naisima꞉ alota꞉ Tekehalio. Do halita꞉ naka꞉ Diutuseleme wanda꞉hali pa꞉ta꞉ tanda tanda hala꞉la꞉eki ma꞉nda꞉ ma꞉nda꞉ma꞉ a꞉pa la꞉tiki pu haleke opu halome leekeme.

Loma꞉ 1:6

Loma꞉ wanda꞉halio. Do alo ekita꞉ iki pa꞉ta꞉ make alome. Iki make Yesu Ketiso pa꞉ta꞉ hamina꞉yeke Koda꞉ma꞉ wi la꞉la꞉me.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 5:5

Nikana꞉ma꞉ koto tupa꞉ hone ti lao haoma꞉ka꞉na꞉ta꞉ nikita꞉ hoto ma꞉nda꞉ a꞉nda꞉ olopuniao na halumeke. Koda꞉ma꞉ niki pa꞉ta꞉ pukima꞉ wotu homa꞉leke handa loa꞉me. Ipikana꞉ma꞉ kita꞉la꞉ Holi Sipitidima꞉ kone nika꞉ puki pa꞉ta꞉ pita꞉ peaasa꞉me.

Loma꞉ 8:28

Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

Loma꞉ 8:39

Do kenke manda hala꞉ eki ma꞉nda꞉ma꞉ make o do kenke oto pa꞉ta꞉ pila꞉eki ma꞉nda꞉ma꞉ make do wepia ula꞉ alemanu paeyao pa꞉ta꞉ kone ala꞉ta꞉ ma꞉nda꞉siki homeke a꞉nda꞉ma꞉ mo nika꞉ Tekehali Yesu Ketiso pa꞉ta꞉ yama꞉ Koda꞉ ipika꞉ pukima꞉ homa꞉la꞉eki niki pa꞉ta꞉ pa꞉la꞉ ekita꞉ ka꞉taalu peapeke na ya꞉la꞉me.

Loma꞉ 9:25

Hosiama꞉ wape pa꞉la꞉ ekina꞉ Koda꞉ma꞉ dupa leekeme. Amba꞉ mo yaka tapake na haemeke wanda꞉halita꞉ I̱ma꞉ iki pa꞉ta꞉ Yaka wanda꞉halio lolueke. Amba꞉ pukima꞉ na homoa꞉ wanda꞉halita꞉ I̱ma꞉ iki pa꞉ta꞉ alota꞉ Yaka pukima꞉ homolo wanda꞉halio lolueke laa leekeme.

1 Kotindi 1:24

Koto lo halemepate pa mo hande Koda꞉ma꞉ wi la ma꞉la꞉ Diu wanda꞉hali make Diendaili wanda꞉hali make koto wanda꞉halima꞉ do pina꞉ Ketisota꞉ Koda꞉na꞉ wele pita꞉la꞉eki pita꞉ hone wotu wita꞉la꞉eki yaapo hala꞉me lo haloma꞉me.

1 Kotindi 16:23

Mo Tekehali Yesuna꞉ pa a꞉ta꞉ma꞉ homa tamba꞉ mina꞉la꞉ ekita꞉ iki pa꞉ta꞉ haena꞉e.

Ka꞉leisia 6:18

Mo nika꞉ Tekehali Yesu Ketisona꞉ pa hameke a꞉ta꞉ma꞉ homa꞉la꞉ ekina꞉ iki ya kametonu paeyao ame̱le̱ hao haena꞉e. Kutu pina꞉e.

Epesese 1:2

Koda꞉ nika꞉ Apa꞉ma꞉ make Yesu Ketiso nika꞉ Tekehalima꞉ make ipilikana꞉ma꞉ iki pa꞉ta꞉ pa hameke a꞉ta꞉ma꞉ homolo hata꞉ ika꞉ puki lopa꞉niaepeka꞉na꞉ta꞉ epelieke.

Epesese 6:23

Nika꞉ Apa꞉ Koda꞉ma꞉ make Tekehali Yesu Ketisoma꞉ make iki pa꞉ta꞉ puki lopa꞉niaasa꞉eki make pukima꞉ homa꞉la꞉eki make hone tulaasa꞉eki tonka꞉na꞉ kia꞉ka꞉na꞉ta꞉ epelieke.

Pilipai 1:2

Nika꞉ Apa꞉ Koda꞉ pita꞉ nika꞉ Tekehali Yesu Ketiso yaapoma꞉ iki pa꞉ta꞉ mo a꞉ta꞉ma꞉ homa tamba꞉ mina꞉la꞉eki make mo puki lopa꞉niaasa꞉eki make kina꞉e.

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

Pilipai 4:20

Nate paeyao nika꞉ Apa꞉ Koda꞉ yeiya꞉ yeiya꞉ lao hamana꞉e. Kutu pina꞉e.

Pilipai 4:23

Koto ekina꞉ Tekehali Yesu Ketisona꞉ a꞉ta꞉ma꞉ homo tamba꞉ mina꞉la꞉eki iki homeke homeke ame̱le̱ nate paeyao u haena꞉e alome.

Kolosi 1:2

Mo Kolosi nane haleme Koda꞉na꞉ wanda꞉hali Ketiso pa꞉ta꞉ hata꞉ ki hone na wiki pa putia pu haleme kametonu iki pa꞉ta꞉ tapaasopa꞉me. Nika꞉ Apa꞉ Koda꞉ma꞉ iki pa꞉ta꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make kina꞉e.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

Kolosi 3:15

Kutupa Ketisoma꞉ kita꞉la꞉ puki lopa꞉niaasa꞉ ekima꞉ta꞉ ika꞉ wepilimi pimanu handeteke haena꞉ pita꞉la꞉me. Do puki lopa꞉niaasa꞉eki muemena꞉ yeke Koda꞉ma꞉ iki homeke loke apa꞉taemena꞉ wi la꞉la꞉me. Kutupa keiyae lo hapa꞉peke.

1 Desalonaika 1:1

Polo Sailasi Timodi niki tepoma꞉ta꞉ mo Desalonaika siosi wanda꞉halita꞉ nika꞉ Apa꞉ Koda꞉na꞉eki make Tekehali Yesu Ketisona꞉eki make haleme ekina꞉ iki pa꞉ta꞉ tapaasoma꞉me. Koda꞉ma꞉ta꞉ ipika꞉ pa a꞉ta꞉ma꞉ homa꞉la꞉eki make puki lopa꞉niaasa꞉eki make iki pa꞉ta꞉ pitaeya꞉ka꞉na꞉ta꞉ epelieke.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

1 Desalonaika 1:4

Kametitio. Koda꞉ma꞉ iki pa꞉ta꞉ pukima꞉ homo hao ikita꞉ ipika꞉eki hamina꞉yeke amba꞉ talopu mea hamina꞉ la꞉la꞉eki nikana꞉ma꞉ hone witoloma꞉me.

1 Desalonaika 4:7

Nikita꞉ suseke haasa꞉ hau peomono Koda꞉ma꞉ wi na lea꞉pate yakopiki hauna꞉ hamono wi lea꞉me.

1 Desalonaika 5:28

Nika꞉ Tekehali Yesu Ketiso ipika꞉ pa hameke a꞉ta꞉ma꞉ homa꞉la꞉eki iki ame̱le̱ haena꞉e.

2 Desalonaika 1:2

Apa꞉ Koda꞉ make Tekehali Yesu Ketiso ipilikana꞉ma꞉ a꞉ta꞉ma꞉ homolo tamba꞉ mina꞉la꞉eki make a꞉nda꞉ peliaasa꞉eki make iki pa꞉ta꞉ kina꞉e.

2 Desalonaika 3:16

Mo Tekehali ipikana꞉ma꞉ kone nika꞉ a꞉nda꞉ peliaasa꞉ ekina꞉ teke hata꞉ ika꞉ pota꞉ paeyao pa꞉ta꞉ hoto paeyao a꞉nda꞉ peliaasa꞉eki ku haena꞉e. Tekehali iki paeyao ame̱le̱ mandakena꞉ haena꞉e.

2 Desalonaika 3:18

Nika꞉ Tekehali Yesu Ketisona꞉ a꞉ta꞉ma꞉ homolo tamba꞉ mina꞉la꞉eki iki paeyao pa꞉ta꞉ haena꞉e.

1 Timodi 1:2

Do wape Timodi neke pa꞉ta꞉ wape pitolome. Mo Koda꞉ pa꞉ta꞉ hone tulaaseme ekina꞉ta꞉ neketa꞉ ota꞉ ya weki haleme. Mo Apa꞉ Koda꞉ pita꞉ Ketiso Yesu nika꞉ Tekehali ipilikana꞉ma꞉ mo tamba꞉ mina꞉la꞉eki make a꞉ta꞉ma꞉ homa꞉la꞉eki make puki lopaasa꞉eki make neke pa꞉ta꞉ kina꞉e.

1 Timodi 6:2

Mandane pa hameke e pokaaseme tapakema꞉ ika꞉ you halita꞉ Ketiso hali haya꞉ka꞉na꞉ta꞉ ipikita꞉ nika꞉ Ketiso yankeke hone witolo hata꞉ paa pa alema꞉ na handaapa꞉peke. Kotoeki na pikita꞉ ikana꞉ma꞉ dupiki hone witolo Ipikita꞉ ya Ketiso kame haleka꞉na꞉ta꞉ I̱ma꞉ ipiki hone pa꞉la꞉me. I̱ma꞉ ipika꞉ e pokawa꞉ka꞉na꞉ta꞉ ipikana꞉ma꞉ do e pa꞉ta꞉ yama꞉ epeke ale mina꞉e hone wiaata꞉ ikana꞉ma꞉ amba꞉ pokeme e tupa꞉ na pokeketa꞉ kotoeki lombei peao pokaapeke. Do alo pi manuta꞉ nate paeyao wopu sa̱꞉tiaaso hata꞉ wala꞉tiki pu hapeke.

2 Timodi 1:2

Do wapeta꞉ ya pukipiki weki Timodi neke pa꞉ta꞉ wape pitolome. Mo Apa꞉ Koda꞉ pita꞉ Ketiso Yesu nika꞉ Tekehali ipilikana꞉ma꞉ mo tamba꞉ mina꞉la꞉eki make a꞉ta꞉ma꞉ homa꞉la꞉eki make puki lopaasa꞉eki make neke pa꞉ta꞉ kina꞉e.

2 Timodi 4:22

Mo Tekehalita꞉ naka꞉ temoko yaapo hao haena꞉e. Koda꞉na꞉ a꞉ta꞉ma꞉ homa tamba꞉ mina꞉la꞉eki make iki paeyao ame̱le̱ hao haena꞉e.

Taitasi 1:4

Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.

Pailimono 1:25

Koto ekina꞉ Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉eki iki homeke homeke ame̱le̱ nate paeyao u haena꞉e alome.

Pailimono 1:3

Nika꞉ Apa꞉ Koda꞉ pita꞉ nika꞉ Tekehali Yesu Ketiso yaapoma꞉ iki pa꞉ta꞉ mo a꞉ta꞉ma꞉ homa tamba꞉ mina꞉la꞉eki make mo puki lopa꞉niaasa꞉eki make kina꞉e.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

1 Pida 1:15

Koto hau na pikita꞉ iki wi lea꞉ Koda꞉ yako piki hali hala꞉ tupa꞉ iki make ika꞉ hau paeyao tonka꞉na꞉ yako pea hapa꞉peke.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

2 Dioni 1:3

Nika꞉ Apa꞉ Koda꞉ make mo Apa꞉na꞉ Eiyeke Yesu Ketiso ipiliki telipuna꞉ma꞉ a꞉ta꞉ma꞉ homolo tamba꞉ mina꞉la꞉eki make pa hameke a꞉ta꞉ma꞉ homa꞉la꞉eki make puki lopa꞉niaasa꞉eki make niki pa꞉ta꞉ ota꞉eki pita꞉ pukima꞉ homa꞉la꞉eki yaapo pa꞉ta꞉ yama꞉ kina꞉e.

Peneme Yaeyekeeki 2:1

Mo Epesese siosina꞉ enisolo pa꞉ta꞉ dupa lae. Do pita꞉ mo hande watake hata꞉ hombulanka꞉manu ipika꞉ popeke nane kikina꞉ miniki hata꞉ mo watake hata꞉ koloma꞉ wepiki ola꞉pake keo panka꞉la꞉ ale anka꞉lopuna꞉ pomina꞉la꞉ somema꞉ tapaasa꞉me.

Peneme Yaeyekeeki 2:12

Mo Pekamamo siosina꞉ enisolo pa꞉ta꞉ dupa lae. Do pita꞉ mo hande yaapo hao ne wopu hake bainasi wia hala꞉ halima꞉ ala꞉me.

Peneme Yaeyekeeki 2:18

Mo Daetaeda siosina꞉ enisolo pa꞉ta꞉ dupa lae. Do pita꞉ mo Koda꞉na꞉ Eiyeke ipika꞉ leketa꞉ mo hande we pupapeke ti haaleke ekima꞉ handaa ipika꞉ anketa꞉ mo mulamula lialeke pa leke yale yale piki koloma꞉ handeke ale batasima꞉ handeke somema꞉ ala꞉me.

Peneme Yaeyekeeki 2:29

Haleke haemeka꞉na꞉ta꞉ kota꞉ mo Sipitidima꞉ siosimanu pa꞉ta꞉ lo hala꞉ pi manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 2:8

Mo Semena siosina꞉ enisolo pa꞉ta꞉ dupa lae. Do pita꞉ mo hande titina꞉ make wetepena꞉ make hala꞉ halima꞉ ala꞉me. I̱ta꞉ homaaka꞉na꞉ paa da꞉taa halo somee ala꞉me.

Peneme Yaeyekeeki 22:21

Tekehali Yesuna꞉ a꞉ta꞉ma꞉ homolo tamba꞉ mina꞉la꞉ ekita꞉ iki paeyao pa꞉ta꞉ wina꞉e.

Peneme Yaeyekeeki 3:14

Mo Leiodisia siosina꞉ enisolo pa꞉ta꞉ dupa lae. Do pita꞉ mo hande ipika꞉ biki ma꞉nda꞉ taapo wiaaso hata꞉ Kutu pina꞉taa leleme somema꞉ ala꞉me. Ipikita꞉ kima꞉ na homeke ota꞉ hauna꞉ walo hala꞉ halie. Kutupa make ipikita꞉ mo hande Koda꞉ma꞉ wa꞉pa꞉la꞉ alemanu paeyaona꞉ teke somee.

Peneme Yaeyekeeki 3:22

Haleke haemeka꞉na꞉ta꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 3:7

Mo Pila꞉delepia siosina꞉ enisolo pa꞉ta꞉ dupa lae. Do pita꞉ mo yako pea ota꞉ hauna꞉ teke halima꞉ ala꞉me. Ipikita꞉ mo hande Deipidina꞉ pota꞉ ki wia hala꞉ halie. Kutupa ipikana꞉ma꞉ pota꞉ ma꞉nda꞉ lombea꞉ka꞉na꞉ta꞉ ma꞉nda꞉ma꞉ hamba꞉peke na ya꞉la꞉me make pokea꞉ka꞉na꞉ta꞉ ma꞉nda꞉ma꞉ lomba꞉peke na ya꞉la꞉me.