Loma꞉ 1:3 - Panake Pi La: Ula: Buka pita: Kine Pieke Buka

³ Do Pi Seliapota꞉ ipika꞉ Eiyeke hande nika꞉ Tekehali Yesu Ketisoma꞉ pulu pieke ekina꞉ eki loa꞉me. Ipikita꞉ kenke hali leke hayeke ekita꞉ Deipidina꞉ tapake hali hayekeme.

Loma꞉ 1:3 ပူးပေါင်းရင်းမြစ်များ

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Ma꞉tiu 1:1

Dota꞉ mo hande Yesu Ketisona꞉ apa꞉meina꞉ bikimanu wape pa꞉la꞉ekie. Deipidita꞉ Yesuna꞉ meiyeke hayekeme. Kutupa Eipoloha꞉ma꞉ta꞉ Deipidina꞉ meiyeke hayekeme.

Ma꞉tiu 1:16

Dieikopema꞉ta꞉ mo hande Meti mieke hali Diosepe mondu wiekeme. Metima꞉ta꞉ mo hande Yesu biki ma꞉nda꞉ Ketiso lo pieke hali mondu wiekeme.

Ma꞉tiu 1:6

Diesima꞉ta꞉ mo hande kini halo pieke hali Deipidi mondu wiekeme. Deipidima꞉ta꞉ Solomono mondu wiekeme. Koto Solomono ipika꞉ ama꞉ta꞉ titina꞉ Yutaeyama꞉ miekeme.

Ma꞉tiu 12:23

Kutupa mo hande mombelemeke wanda꞉halima꞉ kutu pia꞉eki handolo ikana꞉ma꞉ tola꞉tia pominolo alota꞉ Do someta꞉ Deipidina꞉ eiyeke yaalo pa꞉la꞉me laa lota꞉ lota꞉ pimikime.

Ma꞉tiu 15:22

Koto kenke nane hayeke Keinani wanda꞉ homeke Yesu pa꞉ta꞉ e̱ wi laa a꞉pa alota꞉ Deipidina꞉ eiyekeo. Ya wandiki pa꞉ta꞉ hoke temoko pila꞉ ekima꞉ ipiki ota꞉ epeke tupa꞉ na ula꞉me. Koto ekina꞉ I̱ pa꞉ta꞉ a꞉ta꞉ma꞉ homa꞉peke leekeme.

Ma꞉tiu 26:63

Koto leekepate Yesuma꞉ pi na honda꞉ mea leke pa hayekeme. Koto ekina꞉ta꞉ mo yeni peao hayeke you halima꞉ ipiki pa꞉ta꞉ alota꞉ Mo deto hala꞉ Koda꞉na꞉ bikina꞉ hali keke pi alo hata꞉ nakana꞉ma꞉ niki pa꞉ta꞉ ota꞉ pi lapeke la alota꞉ Neketa꞉ mo hande Koda꞉na꞉ Eiyeke Ketisope a̱i̱ lakie leekeme.

Ma꞉tiu 27:43

Ipikana꞉ma꞉ Koda꞉ pa꞉ta꞉ hone tulao hata꞉ I̱ta꞉ Koda꞉na꞉ Eiyeke lo haya꞉pate kota꞉ a꞉pa꞉la꞉me Koda꞉ma꞉ ipiki da꞉taaluekema꞉ hone pa꞉la꞉pe pa ame pita꞉la꞉eki hando hamana꞉e leekeme.

Ma꞉tiu 3:17

Kutaa oli ya nanema꞉ pi ho̱la̱꞉make homekema꞉ pi alo alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeyekeme.

Ma꞉tiu 9:27

Yesuma꞉ koto pa꞉ta꞉ mina꞉pa꞉lao pulu haena꞉ leke holu piki hali yaapoma꞉ ipika꞉ hoki nane wi tieke la꞉ paleke teli mea pulu alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉peke la꞉tia pepekeme.

Luku 1:35

Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.

Luku 1:69

Ipika꞉ e pokaeyeke hali Deipidina꞉ tapake hali kone niki Mea Da꞉taalo Pa꞉la꞉ wele pita꞉la꞉ Hali ipikana꞉ma꞉ amba꞉ mea a꞉meiyawala꞉me.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:34

Dionima꞉ alota꞉ Koto ekita꞉ I̱ma꞉ handoa꞉me. Koto ekina꞉ ipikita꞉ Koda꞉na꞉ Eiyeke hala꞉eki iki pa꞉ta꞉ la kitolome leekeme.

Dioni 1:49

Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Dioni 10:30

Yaka Apa꞉ dikita꞉ homeke kone halopa꞉me leekeme.

Dioni 10:36

Kutu pa꞉la꞉pate I̱ta꞉ hande yaka Apa꞉ma꞉ I̱ meata꞉ do kenke pa꞉ta꞉ epono I̱ tapaeya꞉me. Koto ekina꞉ I̱ma꞉ta꞉ Koda꞉na꞉ Eiyeke halome loa꞉ ekita꞉ Koda꞉ laasopatema꞉ ekipeke alemepe.

Dioni 20:28

Tomasima꞉ alota꞉ Neketa꞉ yaka Tekehali make yaka Koda꞉ make haleme leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Dioni 5:25

Iki pa꞉ta꞉ ota꞉ pi alome. Amba꞉ homemeke wanda꞉halima꞉ta꞉ Koda꞉ ipika꞉ Eiyekena꞉ pi ho̱la̱꞉make mia꞉peke ya꞉la꞉ nate epolo pa꞉la꞉pate amba꞉ a꞉pa hala꞉me. Kutupa ipika꞉ pi ho̱la̱꞉make opiteleme wanda꞉halita꞉ da꞉tilimikie.

Dioni 7:42

Pa ekipeke mo Baibolo bukana꞉ la꞉la꞉ ekita꞉ Ketisota꞉ Deipidi tapake hali hata꞉ta꞉ hande Deipiti hao hayeke daoni pa꞉ta꞉ Beteleha꞉ma꞉ daoni pa꞉ta꞉ mendilieke la la꞉la꞉me lemekeme.

Aposolo 2:30

Deipidima꞉ta꞉ potopede hali hata꞉ta꞉ hande Koda꞉ma꞉ ipiki pa꞉ta꞉ pi la꞉ wiekeeki piekeme. Koda꞉ma꞉ ipiki pa꞉ta꞉ pi la꞉ witolo alota꞉ Naka꞉ hoki nane halo pa꞉la꞉ hali homeketa꞉ neke kini hali hale tupa꞉ mea haena꞉ lolueke laa la꞉la꞉me.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.

Aposolo 8:36

Ameta꞉ mo pota꞉ hokuluna꞉ pu hao ikali pa꞉ta꞉ opolo pua kutupa mo yuniki halima꞉ alota꞉ Handa꞉e. Ikali doe leekeme. Epima꞉ ya bapitaisi pulu poloeki sa꞉sa꞉ piliepe leekeme.

Aposolo 9:20

Ipikana꞉ma꞉ koto kone Yesu Ketisona꞉ pi mo pi hotu haemeke da pa꞉ta꞉ walolo hata꞉ alota꞉ Yesuta꞉ Koda꞉na꞉ Eiyekee leekeme.

Loma꞉ 1:9

Do alo ekita꞉ ota꞉ pi aloeki Koda꞉ma꞉ handa꞉la꞉me. Do Koda꞉ta꞉ ipika꞉ Eiyekena꞉ Pi Seliapo walolo hata꞉ yaka tieke pukima꞉ ipika꞉ e pokao halome. Hoto paeyao iki pa꞉ta꞉ hone witolo hata꞉

Loma꞉ 4:1

Eipoloha꞉ma꞉ta꞉ Diu wanda꞉halina꞉ titina꞉ halie. Koto pa꞉la꞉ ekina꞉ nikana꞉ma꞉ eki pi lomana꞉pe.

Loma꞉ 9:3

I̱ma꞉ iki tamba꞉ mulueke alo hata꞉ pa Koda꞉ma꞉ I̱ hoeyaena꞉ laata꞉ Ketiso yaapo ta꞉ma꞉ni pea haloeki ka꞉taalu pea ta꞉ta꞉ halo polo pua꞉ka꞉na꞉ yoluta꞉ koto ana꞉ polu pia꞉me.

Loma꞉ 9:5

Ikita꞉ amba꞉ haemeke apa꞉mei tieke tieke pa꞉ta꞉ kini pu mea a꞉pa halememe. Ketiso make kenke hali au la a꞉pa hata꞉ta꞉ iki tapake kone hayekeme. Koda꞉ma꞉ ala꞉ta꞉ ala꞉ta꞉ paeyao kilu tombuao hata꞉ tumiki hala꞉ ekina꞉ta꞉ ipika꞉ pi laatiki pu haoma꞉ka꞉na꞉ta꞉ epelieke. Kutu pina꞉e.

1 Kotindi 1:9

Mo Yesu Ketiso nika꞉ Tekehali yaapo ta꞉ma꞉ni puemena꞉ yeke wi la꞉la꞉ Koda꞉ma꞉ta꞉ ipika꞉ la꞉ ula꞉ pimanu na tunkuliki ota꞉ pilieke. Ipiki pa꞉ta꞉ hone tulaapa꞉peke ya꞉la꞉me.

1 Kotindi 10:18

Mo Isulai wanda꞉halima꞉ pimikieki make hone wia꞉pa꞉peke. Hande lia haleeke hoteke ne alemanu nemeke haliwekita꞉ mo oloda pa꞉ta꞉ wiekeeki kone na telipaasemepe.

Ka꞉leisia 4:4

pa mo hande Koda꞉na꞉ la꞉ wieke nate ota꞉ opolo epeeke pita꞉ma꞉ta꞉ Koda꞉ma꞉ ipika꞉ weki kone tapaeyekeme. Koto wekita꞉ mo do kenke wanda꞉na꞉ weki tupa꞉ a꞉paata꞉

1 Desalonaika 1:10

ipika꞉ Eiyeke hepeni nane hao epena꞉yeke handeteke haluekema꞉ pimime. Koda꞉ma꞉ta꞉ ipika꞉ Eiyeke Yesuta꞉ ipikana꞉ma꞉ homa wieke lapa꞉ pa꞉ta꞉ mea tiaeyekeme. Kutupa Yesuma꞉ta꞉ Koda꞉ ipikana꞉ma꞉ wetepe mineke panka꞉la꞉eki niki pa꞉ta꞉ a꞉paapa꞉na꞉ niki pa꞉ta꞉la꞉ minolo pa꞉la꞉me.

1 Timodi 2:5

Ipikita꞉ ota꞉ Koda꞉ homeke hala꞉me. Kutupa Koda꞉ pita꞉ wanda꞉hali nika꞉ ka꞉pa hali homeketa꞉ Ketiso Yesu hala꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

2 Timodi 2:8

Nakana꞉ma꞉ mo hande homa paa tiaeyeke yeke Deipidina꞉ tapake hali Yesu Ketiso hone u hapeke. I̱ma꞉ mo Pi Seliapo waloa꞉ka꞉na꞉ta꞉ kota꞉ koto pi kone walo halome.

1 Dioni 1:3

Nikana꞉ma꞉ handaa opoloma꞉ ekita꞉ iki paeyao pa꞉ta꞉ make opuaasoma꞉me. Pa ekipeke nikana꞉ma꞉ mo Ateke make ipika꞉ Eiyeke Yesu Ketiso ame̱le̱ hone homeke uluma꞉ ekita꞉ iki ame̱le̱ mandakena꞉ apa꞉tamena꞉yeke loma꞉me.

1 Dioni 3:23

Kutupa ipikana꞉ma꞉ mo niki pa꞉ta꞉ pipee ala꞉ ekita꞉ dupa. Nikana꞉ma꞉ ipika꞉ Eiyeke Yesu Ketiso pa꞉ta꞉ hone tulao hata꞉ make pa mo hande Yesuma꞉ leeke tupa꞉ kone niki ame̱le̱ pukima꞉ homa꞉ alualu pu hapa꞉peke.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

1 Dioni 4:15

Ma꞉nda꞉ epima꞉ Yesuta꞉ Koda꞉na꞉ Eiyekee lea꞉ka꞉na꞉ta꞉ kota꞉ koto someta꞉ Koda꞉ yaapo ta꞉ma꞉ni pea hala꞉ make Koda꞉ta꞉ ipiki yaapo ta꞉ma꞉ni pea hala꞉me.

1 Dioni 5:1

Ma꞉nda꞉ epima꞉ Yesuta꞉ Ketisoe laa hone tulaeya꞉ka꞉na꞉ta꞉ ipikita꞉ Koda꞉na꞉ eiyeke hala꞉me. Kutupa ma꞉nda꞉ epima꞉ ateke pa꞉ta꞉ pukima꞉ homea꞉ka꞉na꞉ta꞉ kota꞉ ipika꞉ eiyeke make pukima꞉ homa꞉la꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

1 Dioni 5:5

Kota꞉ epima꞉ do kenkena꞉ hau bepolaapeke ya꞉la꞉pe. Mo Yesuta꞉ Koda꞉na꞉ Eiyekee laa hone tulaasa꞉ somema꞉ homekee.

2 Dioni 1:7

Mo Yesu Ketisota꞉ ota꞉ kenke hali epeekeme laa hone na wilimi makeaaso hali wopu do kenke honiki honiki pominelememe. Kutupiki some a꞉nda꞉ta꞉ makeaaso hali make Ketisona꞉ a꞉nda꞉ tunkuliki halie.

Peneme Yaeyekeeki 2:18

Mo Daetaeda siosina꞉ enisolo pa꞉ta꞉ dupa lae. Do pita꞉ mo Koda꞉na꞉ Eiyeke ipika꞉ leketa꞉ mo hande we pupapeke ti haaleke ekima꞉ handaa ipika꞉ anketa꞉ mo mulamula lialeke pa leke yale yale piki koloma꞉ handeke ale batasima꞉ handeke somema꞉ ala꞉me.