Loma꞉ 1:28 - Panake Pi La: Ula: Buka pita: Kine Pieke Buka

²⁸ Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

Loma꞉ 1:28 ပူးပေါင်းရင်းမြစ်များ

Kini Pieke 6:5

Mo Tekehalima꞉ do kenkena꞉ haemeke wanda꞉hali paeyaoma꞉ hoto paeyao ika꞉ putia peme hoke haumanu make ika꞉ temokona꞉ honemanu u tia peme ekimanu make hando haota꞉

Aposolo 17:23

Ika꞉ panda꞉puniao hata꞉ yeni pu haleme ale manuta꞉ pulu hata꞉ handoa꞉pate pa ika꞉ oloda homekena꞉ mo wape pa꞉la꞉ pi ma꞉nda꞉ dupa handa꞉ ua꞉me. Na hando hala꞉ Tekehalina꞉ ekie handoa꞉me. Kutupa koto ikana꞉ma꞉ panda꞉puniao hata꞉ na hando haleme Tekehalina꞉ pi kone ame iki pa꞉ta꞉ walolome leekeme.

Aposolo 17:32

Kutupa mo hande homa pa mea tiaeyekeeki opuaata꞉ mandane haliwekima꞉ ki taemekepate mandane haliwekima꞉ alota꞉ Do alo ekina꞉ta꞉ hoto ma꞉nda꞉ naka꞉ pi opulumekee laa lemekeme.

Loma꞉ 1:18

Kutupa Koda꞉ma꞉ta꞉ wanda꞉hali paeyaoma꞉ ipikita꞉ hoki nane yao ika꞉ hoke hau paeyao pimiki ekina꞉ ipikana꞉ma꞉ mineke pankolo hata꞉ iki ame̱le̱ pi yokaalu pulu pelemeeki make wala꞉la꞉me. Kutu piki wanda꞉halima꞉ ika꞉ hoke hau piteleme ekina꞉ mandane wanda꞉halima꞉ Koda꞉na꞉ ota꞉ hala꞉eki handaama꞉na꞉ sa꞉sa꞉ pu halememe.

Loma꞉ 1:21

Iki paeyaoma꞉ta꞉ Koda꞉ hala꞉eki hone witelemepate ipiki pa꞉ta꞉ Neketa꞉ ota꞉ Koda꞉ haleme pi na leke ipika꞉ pi laaluekema꞉ make kiao halememe. Kutupa ipiki pa꞉ta꞉ keiyae pi make na lo halememe. Kutu pu haleme ekina꞉ iki hone wopu na wiki hata꞉ ika꞉ hone teke pa꞉ta꞉ timba꞉ lo pamba꞉la꞉eki tumbulu baena꞉ halememe.

Loma꞉ 1:24

Hone na wiki kutupiki haliweki haleme ekina꞉ Koda꞉ma꞉ kiao ika꞉ hone pa꞉la꞉ suseke haasa꞉ haumanu pa putia pena꞉ ala꞉me. Kutupa ikana꞉ma꞉ yaala꞉ piki haumanu pu alualu pu halememe.

Loma꞉ 1:26

Kutupu haemeke ekina꞉ Koda꞉ma꞉ta꞉ ika꞉ yaala꞉ piki haumanu pa putia pena꞉ la꞉la꞉me. Wanda꞉wekima꞉ kone haliweki pa꞉ta꞉ hone na wiki pa ika꞉ wanda꞉ yankeke pa꞉ta꞉ ana꞉ na piki haumanu pu halememe.

1 Kotindi 15:34

Ika꞉ hoke hau piteleme ekimanu mina꞉pa꞉lao ika꞉ hone tiki tiki yao epeke tupa꞉ paa hapa꞉peke. Iki pa꞉ta꞉ haleme mandane wanda꞉hali manuma꞉ta꞉ Koda꞉na꞉ hau na handelememe. Do alo ekina꞉ta꞉ yaala꞉ma꞉ homaamina꞉ alome.

2 Kotindi 10:5

Mo Koda꞉ hone wiaapa꞉na꞉ sa꞉sa꞉ puluekema꞉ mea tiao pu halemeeki paeyao nikana꞉ma꞉ mea lopao haloma꞉me. Nikana꞉ma꞉ta꞉ honemanu paeyao minaata꞉ Ketisona꞉ pi opua homu pina꞉ lo haloma꞉me.

Epesese 5:4

Keke pi make popeke na piki pi make hone na wiki pa pi alemeeki make ota꞉ na leke Koda꞉ pa꞉ta꞉ keiyae pimanu la꞉tiki pea꞉pa꞉peke.

2 Desalonaika 1:8

Kota꞉ ikana꞉ma꞉ta꞉ Koda꞉ hone na pa꞉la꞉ wanda꞉hali make Tekehali Yesuna꞉ Pi Seliapo na opiki wanda꞉hali make ika꞉ hoke yenki haluekema꞉ ti uleke talo talo haena꞉ ipilimikie.

2 Timodi 3:8

Mo hande Dia꞉nisi pita꞉ Dia꞉mbitisi yaapoma꞉ Mosesi pa꞉ta꞉ a꞉nda꞉ lipikime. Koto some yaapoma꞉ pipiki tupa꞉ kone mo hande haliwekima꞉ta꞉ mo hande ota꞉ pi pa꞉ta꞉ make a꞉nda꞉ lu halememe. Ikana꞉ma꞉ ika꞉ hone tikitiki na yaaso hata꞉ kone Koda꞉ pa꞉ta꞉ hone tulaapeke ekina꞉ta꞉ iki ana꞉ na paleke handaata꞉ Koda꞉ma꞉ iki kiao hala꞉me.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

Pailimono 1:8

Koto ekima꞉ta꞉ I̱ma꞉ naka꞉ Ketiso yankeke hata꞉ pipita꞉ pa pua hata꞉ dupi dupi laa lapeke ya꞉la꞉pate

2 Pida 3:5

Ikana꞉ma꞉ta꞉ Koda꞉ma꞉ amba꞉ kiake pi la꞉ witolota꞉ kenke ya yaapo wepiekeme la꞉la꞉ ota꞉ ekita꞉ hoki walo halememe. Kenketa꞉ ikali pa꞉ta꞉ opa꞉liao ikalima꞉ta꞉ kenke au laeyekeme.