Loma꞉ 1:26 - Panake Pi La: Ula: Buka pita: Kine Pieke Buka

²⁶ Kutupu haemeke ekina꞉ Koda꞉ma꞉ta꞉ ika꞉ yaala꞉ piki haumanu pa putia pena꞉ la꞉la꞉me. Wanda꞉wekima꞉ kone haliweki pa꞉ta꞉ hone na wiki pa ika꞉ wanda꞉ yankeke pa꞉ta꞉ ana꞉ na piki haumanu pu halememe.

Loma꞉ 1:26 ပူးပေါင်းရင်းမြစ်များ

Kini Pieke 19:5

Ikana꞉ma꞉ mo Loda pa꞉ta꞉ wi alo alota꞉ Mo neke ame̱le̱ ame timba polu epeme haliwekita꞉ hando ya꞉ka꞉ta꞉pe. Niki pa꞉ta꞉ hatuku epoe lemekeme. Mo Sodomo haliwekima꞉ta꞉ mo hali yaapo ame̱le̱ loke apa꞉taasa꞉ hau puluekema꞉ lemekeme.

Loma꞉ 1:24

Hone na wiki kutupiki haliweki haleme ekina꞉ Koda꞉ma꞉ kiao ika꞉ hone pa꞉la꞉ suseke haasa꞉ haumanu pa putia pena꞉ ala꞉me. Kutupa ikana꞉ma꞉ yaala꞉ piki haumanu pu alualu pu halememe.

Loma꞉ 1:28

Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

1 Kotindi 6:9

Hande hoke hau pu haleme wanda꞉halima꞉ Koda꞉na꞉ Kilu Tombuao Hala꞉ ekina꞉ pua꞉peke na ya꞉la꞉ ekita꞉ hone na witelemepe. Ika꞉ kone na makeaapa꞉peke. Mo wanda꞉halina꞉ loke hoeyao haleme wanda꞉hali make toopi tima꞉ wepia ula꞉ ale pa꞉ta꞉ panda꞉ puniao haleme wanda꞉hali make tooli ka꞉tao haleme wanda꞉hali make mo wanda꞉ pa꞉ta꞉ pita꞉la꞉eki hali ma꞉nda꞉ pa꞉ta꞉ kone pu haleme haliweki make kutupu haleme wanda꞉weki make

Epesese 4:19

Kutu piteleme wanda꞉halima꞉ta꞉ yaala꞉ma꞉ na homeke hoke ekimanu puluekema꞉ taapolo hata꞉ pamba꞉ na piki haumanu pitolo hata꞉ paa putia pulimime.

Epesese 5:12

Ika꞉ a꞉mbao pitelemeeki manuta꞉ wanda꞉hali yaala꞉ma꞉ homaapa꞉na꞉ pi hotia꞉pa꞉peke na ya꞉la꞉me.

1 Desalonaika 4:5

Hande pi na miki hata꞉ Koda꞉na꞉ hau na handeke haliwekima꞉ ika꞉ hoke hone pa꞉la꞉eki tumbaaluekema꞉ wanda꞉ mineleme tupa꞉ koto hau na pea꞉pa꞉peke aleo.

1 Timodi 1:10

yola꞉la꞉ hau pu haleme wanda꞉hali pa꞉ta꞉ make mo wanda꞉ pa꞉ta꞉ pita꞉la꞉ hauta꞉ pa hali yankeke pa꞉ta꞉ kone pita꞉la꞉ wanda꞉hali pa꞉ta꞉ make mandane wanda꞉hali pake mina꞉la꞉ wanda꞉hali pa꞉ta꞉ make yayapiki pi lo haleme wanda꞉hali pa꞉ta꞉ make ya pi alo kone Tekehalina꞉ biki lo haleme wanda꞉hali pa꞉ta꞉ make kutu piki hau piteleme wanda꞉hali paeyao pa꞉ta꞉ hone witolo hata꞉ koto lo pimanu wia pa꞉la꞉me. Do lo pimanu ula꞉ ekita꞉ mo epeke tikitiki piki mana꞉ pimanu a꞉mbaasa꞉ hoke haumanu sa꞉sa꞉ puluekema꞉ ula꞉me.

Diudi 1:10

Koto pa꞉la꞉pate do wanda꞉halima꞉ta꞉ mo ikana꞉ma꞉ hone wopu na wilimi pimanu kone la la pea hoeyao halememe. Mo tikene hala꞉ yeti sayalema꞉ piteleme tupa꞉ ika꞉ lokema꞉ kone pu tiaasa꞉ hau manuma꞉ kone iki hoeyao hala꞉me.

Diudi 1:7

Hande Sodomo Komoto daoni yaapo make teke pa꞉ta꞉ hayeke daoni sunu tonka꞉na꞉ hone wopu wipee. Koto wanda꞉halima꞉ta꞉ mo hande enisolo manuma꞉ pieke tupa꞉ kone loke apa꞉taasa꞉ haumanu make yankeke yaapo kone loke apa꞉taasa꞉ haumanu pa꞉ta꞉ ika꞉ loke hala꞉ moneaemekeme. Ikita꞉ wanda꞉hali paeyao pa꞉ta꞉ kinki pitolo mo hande hoto paeyao pa to hala꞉ ti ulekena꞉ tanda leke melememe.