Loma꞉ 1:23 - Panake Pi La: Ula: Buka pita: Kine Pieke Buka

²³ hande na homeke pa hao hala꞉ Koda꞉ pa꞉ta꞉ panda꞉puniao yeni na piki pa mo wanda꞉halima꞉ wa꞉pa꞉la꞉ alemanu pa꞉ta꞉ kone panda꞉puniao yeni pu halememe. Koto ale manuta꞉ mo homa꞉la꞉eki pila꞉ halima꞉ make ba titima꞉ make kenkena꞉ pomineleme ale manuma꞉ make kutupiki ekima꞉ handeke ekimanu pa꞉ta꞉ panda꞉puniao yeni pu halememe.

Loma꞉ 1:23 ပူးပေါင်းရင်းမြစ်များ

Aposolo 10:12

Koto ale pa꞉ta꞉ta꞉ ma꞉na꞉ yeti ala꞉ta꞉ ala꞉ta꞉ make basunu paeyao kenkena꞉ ula꞉ keto ala꞉ta꞉ ala꞉ta꞉ sunu make mu pamba a꞉pa mea lopa꞉niaeyekeme.

Aposolo 17:29

Kutupa nikita꞉ ipika꞉ weki wandiki hata꞉ Koda꞉ta꞉ haliwekima꞉ hone niminao kolo silipa toopima꞉ wepita꞉la꞉ alema꞉ handa꞉la꞉me hone na umana꞉ pea꞉pa꞉pekealeo.

Loma꞉ 1:25

Kutu piki haliwekima꞉ta꞉ Koda꞉ ota꞉ hala꞉ ekita꞉ na miki pa topo pea yayapikieki melememe. Kutupa Koda꞉ma꞉ pa wepia wina꞉ la꞉la꞉ alemanu pa꞉ta꞉ panda꞉puniao yeni pu hata꞉ ika꞉ hau peao halemepateta꞉ hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ pa꞉ta꞉ta꞉ na pitelememe. Koto Koda꞉ta꞉ wanda꞉halima꞉ ipika꞉ pi laatiki pu hapa꞉peke ya꞉la꞉me. Ota꞉ loa꞉me.

1 Kotindi 12:2

Ikita꞉ pi na miki haemeke dina꞉ta꞉ hande pi lapeke na yeke toopi tima꞉ wepia ula꞉ ale manuma꞉ iki handeteke hata꞉ hatuku ombu pu hoeyaemeke ekita꞉ ikana꞉ma꞉ hone amba꞉ wilimime. Ikana꞉ma꞉ hande pi lapeke na ya꞉la꞉ ale manuna꞉ biki yeiya꞉ loluekema꞉ pemekeeki loa꞉me.

1 Pida 4:3

Amba꞉ta꞉ ikana꞉ma꞉ mo pi na miki wanda꞉halima꞉ ika꞉ hone pa꞉la꞉ hau pu haleme hau pimime. Koto hauna꞉ta꞉ nate ana꞉na꞉ paeyaememe. Mo yola꞉la꞉ hau pita꞉la꞉eki make leke pola꞉paasa꞉eki make hoke ikali naa keaasa꞉eki make (ne hoke ikali tieke pamba naa keao) siaka꞉ hake hau pita꞉la꞉eki make mo yeni hau pita꞉la꞉ alemanu pa꞉ta꞉ handa꞉peke na yo moka꞉laapeke na yo piki yeni hau pita꞉la꞉eki make koto hau manuna꞉ ika꞉ nate paeyaememe.

Peneme Yaeyekeeki 9:20

Do hau tepoma꞉ na lia꞉ wanda꞉halita꞉ ika꞉ wepia wia yeni pu haeme ale pa꞉ta꞉manu hoki na walememe. Ikita꞉ mo hoke temoko titi pa꞉ta꞉ make mo koloma꞉ make silipama꞉ make toopima꞉ make tima꞉ make toopi ti wepia wimiki alemanu pa꞉ta꞉ yeni pita꞉la꞉eki hoki na walememe. Mo handa꞉peke na yeke make pi na opua꞉peke make pi na lapeke ale manuna꞉ loa꞉me.