Loma꞉ 1:12 - Panake Pi La: Ula: Buka pita: Kine Pieke Buka

¹² Do alo ekita꞉ dupae. Yaka hone tulaalo ekima꞉ iki tamba꞉ mina꞉ make ika꞉ hone tulaaleme ekima꞉ I̱ tamba꞉ mina꞉ make niki paeyaoma꞉ tamba꞉ mu alualu pumana꞉yeke loa꞉me.

Loma꞉ 1:12 ပူးပေါင်းရင်းမြစ်များ

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

Loma꞉ 1:11

Iki handuluekema꞉ I̱ma꞉ hone wotu pa꞉la꞉me. Mo hande Holi Sipitidina꞉ epeaasa꞉eki ma꞉nda꞉ iki pa꞉ta꞉ teli teli pealuekema꞉ ika꞉ puki taka꞉lao hamina꞉yeke loa꞉me.

Loma꞉ 1:13

Yaka kame titio doeki hone wia꞉pa꞉peke. I̱ta꞉ iki ame̱le̱ hosiki halo ipuluekema꞉ hoto elekeeleke pua꞉pate ale ma꞉nda꞉ma꞉ yaka pota꞉ sa꞉sa꞉ pu hala꞉me. Iki ame̱le̱ haleme mandane wanda꞉halima꞉ pi mina꞉ puki la꞉ka꞉laluekema꞉ mo mandane Diendaili wanda꞉hali pa꞉ta꞉ pua꞉ tupa꞉ puluekema꞉ I̱ma꞉ hone pa꞉la꞉me.

Loma꞉ 15:24

ame ipulueke laa hone pa꞉la꞉me. I̱ta꞉ Sipeini kenke nane yapuluekema꞉ yopuluta꞉ titina꞉ amba꞉la iki handuluekema꞉ hone pa꞉la꞉me. Iki ame̱le̱ hosiki a꞉pa haota꞉ pa mo Sipeini kenke nane poa꞉ka꞉na꞉ta꞉ kota꞉ ikana꞉ma꞉ I̱ tamba꞉ mimika꞉na꞉ta꞉ epelieke hone witolome.

Loma꞉ 15:32

Kutu pimika꞉na꞉ta꞉ Koda꞉na꞉ hone pa꞉la꞉ ekina꞉ I̱ma꞉ ta꞉na꞉ma꞉ homa꞉ paleke iki pa꞉ta꞉ ipulueke. Kutupate nika꞉ mandakena꞉ halo poloma꞉ ekima꞉ I̱ ta꞉na꞉ma꞉ homaalieke.

2 Kotindi 7:13

Koto ekina꞉ yeketa꞉ nikita꞉ honkopu hawaememe. Kotoeki homeke dia꞉ya꞉la꞉pate pa ikana꞉ma꞉ Taitasi ta꞉na꞉ma꞉ homo tiaemeke handaa ipikana꞉ma꞉ iki pa꞉ta꞉ ta꞉na꞉ wopu homea꞉me. Nikana꞉ma꞉ kutu pia꞉eki handolo hata꞉ niki make ta꞉na꞉ tieke wopu pia꞉me.

Epesese 4:5

Tekehali homeke make hone tulaasoma꞉eki homeke make bapitaisi pita꞉la꞉eki make homekee.

2 Timodi 1:4

Mo naka꞉ leke pa꞉ta꞉ e̱ pankeke lopo haya꞉eki handoa꞉eki niminaaso hata꞉ neke handuluekema꞉ I̱ma꞉ ta꞉na꞉ pa꞉la꞉me. Kutu pua꞉ka꞉na꞉ta꞉ I̱ma꞉ ta꞉na꞉ tiekema꞉ homulueke.

Taitasi 1:4

Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

2 Dioni 1:4

Naka꞉ mandane weki wandikita꞉ mo hande Apa꞉ma꞉ niki pa꞉ta꞉ ota꞉ pia꞉pa꞉peke la꞉la꞉ tupa꞉ ota꞉eki pa꞉ta꞉ halemeeki handa꞉ u hao I̱ta꞉ ta꞉na꞉ tiekema꞉ homoa꞉me.

Diudi 1:3

Yaka yankeke tonuo. I̱ma꞉ta꞉ mo hande Koda꞉na꞉ pa꞉ta꞉la꞉la꞉eki mu haloma꞉ ekina꞉ iki pa꞉ta꞉ tameiya꞉ tapaaluekema꞉ taapoa꞉me. Pate Koda꞉ma꞉ hoto homeke mo hone tulaasa꞉ ekita꞉ ipika꞉ ma̱leke lila꞉ wanda꞉hali pa꞉ta꞉ handeteke haena꞉ haleekeeki ma꞉nda꞉ma꞉ hoeyaama꞉na꞉ honkopu hao hamena꞉yeke I̱ma꞉ do sutiaasa꞉ tameiya꞉ a̱i̱ koto kone tapaanoe hone ua꞉me.