Loma꞉ 1:1 - Panake Pi La: Ula: Buka pita: Kine Pieke Buka

¹ Do wapeta꞉ I̱ Poloma꞉ pua꞉me. Yesu Ketiso ipika꞉ e pokaaso hali halome. Koda꞉ ipika꞉ Pi Seliapo walonoyeke ipikana꞉ma꞉ I̱ wi la꞉ meaata꞉ aposolo hali hano la꞉la꞉me.

Loma꞉ 1:1 ပူးပေါင်းရင်းမြစ်များ

Maka 1:14

Dioni dipula mea pitaeyeke hoki naneta꞉ Yesuma꞉ mo Ka꞉lili nane puaata꞉ Koda꞉na꞉ Pi Seliapo wala꞉tiki piekeme.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Dioni 15:15

Pa e pokaasa꞉ halima꞉ta꞉ ipika꞉ teke halima꞉ hone wita꞉la꞉ ekita꞉ handa꞉peke na ya꞉la꞉ ekina꞉ ameta꞉ iki pa꞉ta꞉ pa e pokaaseme haliwekio pi na lolueke. Pa ekipeke yaka Apa꞉ma꞉ I̱ pa꞉ta꞉ la kita꞉la꞉ pi paeyao iki pa꞉ta꞉ la kitolo ekina꞉ iki pa꞉ta꞉ yaka yankeke titio alome laa leekeme.

Dioni 15:20

I̱ma꞉ alo pina꞉ hone wia꞉pa꞉peke. E pokaasa꞉ halima꞉ta꞉ ipika꞉ teke hali na ankulalieke laa loa꞉me. I̱ pa꞉ta꞉ a꞉nda꞉ lilimi ekima꞉ta꞉ iki pa꞉ta꞉ make a꞉nda꞉ lilimikie. I̱ma꞉ walolo pi opueleme ekima꞉ta꞉ ikana꞉ma꞉ walo pelemeeki make opilimikie.

Aposolo 13:9

Kutu pieke handa Solo ipika꞉ biki ma꞉nda꞉ Polo ipikana꞉ma꞉ta꞉ Holi Sipitidima꞉ ipiki tumba pitina꞉ mo ti̱o̱ hali handaake wia alota꞉

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Aposolo 21:40

Kutupa mo halima꞉ A꞉pa꞉la꞉me lolena꞉e leeke handa Poloma꞉ta꞉ mo wata꞉pe manda hata꞉ ipika꞉ kikima꞉ wanda꞉hali pa꞉ta꞉ pi paape laaka꞉na꞉ ikana꞉ma꞉ pi pi na leke haena꞉ Poloma꞉ mo Hibulu pi laa iki pa꞉ta꞉ alota꞉

Aposolo 22:21

Koto loa꞉pate ipikana꞉ma꞉ I̱ pa꞉ta꞉ alota꞉ Pue. I̱ma꞉ta꞉ papate kone pa mo Diendaili wanda꞉hali pa꞉ta꞉ neke tapaalueke lea꞉me leekeme.

Aposolo 22:7

I̱ta꞉ kenkena꞉ honda꞉pa lopa wiono pi ho̱la̱꞉makema꞉ I̱ pa꞉ta꞉ dupa la꞉niaeya꞉me. Solo. Solo. Ekipeke I̱ pa꞉ta꞉ a꞉nda꞉ litelepe laa la꞉niaeya꞉me.

Aposolo 26:1

Akatipama꞉ Polo pa꞉ta꞉ alota꞉ Naka꞉ kone pi lapeke ya꞉la꞉me. Lae lea꞉me. Kutupa Poloma꞉ ipika꞉ kiki tindipao pi alo alota꞉

Aposolo 26:14

Kutupa niki paeyao kenkena꞉ honda꞉pa lopa wiomono I̱ma꞉ta꞉ Hibulu pima꞉ kone pi ho̱la̱꞉make I̱ pa꞉ta꞉ lea꞉eki opua꞉me dupae. Solo. Solo. Ekipeke I̱ pa꞉ta꞉ a꞉nda꞉ litelepe lea꞉me. Kanake etima꞉ awa꞉la꞉eki kiaase ekina꞉ tanda koto minele handa꞉e lea꞉me.

Aposolo 27:23

Ame do timba kone ya panda꞉puniao hata꞉ ta꞉ma꞉ni pea halo Koda꞉na꞉ enisolo homeke I̱ teke pa꞉ta꞉ a꞉pa hata꞉ alota꞉

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 1:16

Mo hande Pi Seliapoma꞉ Koda꞉ma꞉ta꞉ ipiki pa꞉ta꞉ hone tulaaseme wanda꞉halita꞉ Diu wanda꞉hali amba꞉la Diendaili wanda꞉hali wetepena꞉ paeyao ipikana꞉ma꞉ wele pitolo hata꞉ da꞉taapeke ya꞉la꞉me. Koto ekina꞉ mo Pi Seliapo pa꞉ta꞉ I̱ta꞉ ota꞉ ti lao halome.

Loma꞉ 1:5

Koda꞉ma꞉ Yesu Ketiso pa꞉ta꞉ hone witolo hata꞉ I̱ aposolo hali halo pua꞉eki kia꞉me. Kutupa Ketisona꞉ bikina꞉ kenke ta꞉ta꞉ ta꞉ta꞉ pa꞉ta꞉manu haeme wanda꞉hali paeyao hatuku pua ipika꞉ pi hone tulao opua pina꞉yeke kia꞉me.

Loma꞉ 1:9

Do alo ekita꞉ ota꞉ pi aloeki Koda꞉ma꞉ handa꞉la꞉me. Do Koda꞉ta꞉ ipika꞉ Eiyekena꞉ Pi Seliapo walolo hata꞉ yaka tieke pukima꞉ ipika꞉ e pokao halome. Hoto paeyao iki pa꞉ta꞉ hone witolo hata꞉

Loma꞉ 11:13

I̱ma꞉ Diendaili wanda꞉hali iki pa꞉ta꞉ do alo pita꞉ doeki loluekema꞉ loa꞉me. I̱ta꞉ Diendaili wanda꞉hali ika꞉ aposolo hali halo ekina꞉ Koda꞉ma꞉ I̱ pa꞉ta꞉ walea꞉ e pokaaluekema꞉ ta꞉na꞉ma꞉ homa honkopu hao hata꞉ pokaalueke.

Loma꞉ 15:16

Hande I̱ pa꞉ta꞉ ka꞉la꞉ eta꞉ dupae. Yesu Ketiso ipika꞉ e pokaaso hali hata꞉ mo Diendaili wanda꞉halina꞉ e pokaanoyeke ka꞉la꞉me. I̱ma꞉ mo hande Koda꞉na꞉ Pi Seliapo walaaso hata꞉ta꞉ yeni peaasa꞉ hali leke hata꞉ pitolome. Mo hande Diendaili wanda꞉halita꞉ Koda꞉ma꞉ ta꞉na꞉ma꞉ homolo hata꞉ mina꞉yeke pa hala꞉la꞉ ale leke haluekema꞉ pitolome. Mo Holi Sipitidima꞉ make mo hala꞉la꞉ aleta꞉ yako pina꞉ ala꞉me.

Loma꞉ 15:29

I̱ epoa꞉ka꞉na꞉ta꞉ kota꞉ Ketisoma꞉ iki ota꞉ wotu epeaena꞉yeke ipuluekema꞉ loa꞉me.

Loma꞉ 16:18

Kutupiki haumanu pu haleme wanda꞉halima꞉ta꞉ Tekehali Yesu Ketisona꞉ e na pokaake ika꞉ loke manuna꞉ na꞉na꞉ pa꞉la꞉ ekimanu homeke hone u halememe. Ikana꞉ma꞉ mo tendepiki nonopiki pa imeke piki pimanu aleme ekima꞉ mo hokeeki wopu na handeleme wanda꞉hali makeao halememe.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

1 Kotindi 1:1

Koda꞉ma꞉ ipika꞉ hone pa꞉la꞉eki pitolo hata꞉ I̱ta꞉ Yesu Ketisona꞉ aposolo hali hano la꞉la꞉me. I̱ Poloma꞉ make nika꞉ kame Sosenisima꞉ make dikana꞉ma꞉ tapaasopa꞉ wape doe.

1 Kotindi 9:1

I̱ta꞉ ka꞉la꞉pa꞉ ta꞉pao halo hali na halope. I̱ta꞉ aposolo hali na halope. Nika꞉ Tekehali Yesu na handoa꞉pe. Ikita꞉ mo I̱ma꞉ Tekehalina꞉ e pokaaso ekina꞉ na halemepe.

2 Kotindi 1:1

Koda꞉na꞉ hone pa꞉la꞉ ekina꞉ I̱ta꞉ Yesu Ketisona꞉ aposolo hali hano la꞉la꞉ hali I̱ Poloma꞉ make nika꞉ kame Timodima꞉ make tapaasopa꞉ wape doe. Mo Kotindi da pa꞉ta꞉ Koda꞉na꞉ siosi pa꞉ta꞉ make mo Akaya kenke pa꞉ta꞉ hala꞉ Koda꞉na꞉ wanda꞉hali pa꞉ta꞉ alopa꞉me.

2 Kotindi 11:5

I̱ma꞉ta꞉ I̱ta꞉ koto ika꞉ mea a꞉meiyaaseme aposolo aleme haliweki ota꞉ hosiki siki make oto pa꞉ta꞉ halome hone na ulume.

2 Kotindi 11:7

I̱ma꞉ta꞉ iki pa꞉ta꞉ mo hande Koda꞉na꞉ Pi Seliapo waloa꞉ dina꞉ta꞉ ikita꞉ ota꞉ ala꞉ta꞉ ma꞉nda꞉siki make yenki kipe pi na loa꞉me. Iki ota꞉ aneke wanda꞉hali au laluekema꞉ yeke I̱ma꞉ta꞉ ya kone homu pea lu mina꞉niaowa꞉me. Kotota꞉ ata꞉ka꞉ piki hau pua꞉pe.

2 Kotindi 12:11

I̱ta꞉ hone na wiki halima꞉ pita꞉la꞉eki leke pitolopate ikana꞉ma꞉ I̱ma꞉ kutu pono lelememe. Ikana꞉ma꞉ ta꞉na꞉ma꞉ homelemeeki I̱ pa꞉ta꞉ ota꞉ peneme yao wala꞉peke ya꞉la꞉me. I̱ta꞉ biki na wiki hali yana꞉ kone mo ika꞉ leleme ta꞉ta꞉piki aposolo haliweki pa꞉ta꞉ta꞉ ota꞉ hau homekesiki kone oto pa꞉ta꞉ na halome.

2 Kotindi 2:12

I̱ mo Dotoa꞉si da pa꞉ta꞉ Ketisona꞉ Pi Seliapo waluekema꞉ opolo puaata꞉ koto pa꞉ta꞉ pokolo pua꞉ eta꞉ mo Tekehalima꞉ amba꞉ pota꞉ wiayekeeki handa꞉ ua꞉me.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Ka꞉leisia 1:1

I̱ Polo I̱ma꞉ aposolo hano wi la꞉la꞉ ekita꞉ halima꞉ o hali pa꞉ta꞉ yama꞉ wi na lea꞉pate mo Yesu Ketisoma꞉ make mo naku pa꞉ta꞉ ipiki mea da꞉taeyeke Apa꞉ Koda꞉ma꞉ make ipiliki telipina꞉ma꞉ I̱ wi la꞉la꞉me.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Epesese 1:13

Koto ekita꞉ iki pa꞉ta꞉ make pa꞉la꞉me. Ikana꞉ma꞉ta꞉ hande iki mea da꞉taalo pieke Pi Seliapo opuata꞉ Ketiso pa꞉ta꞉ hone tulaememe. Kutu pimiki handata꞉ Koda꞉ma꞉ ipika꞉ la꞉ wieke Holi Sipitidi iki kitolo hata꞉ta꞉ ikita꞉ ipika꞉ekie laa ti wia꞉me.

Epesese 4:11

Ipikana꞉ma꞉ kone wanda꞉hali pa꞉ta꞉ hala꞉la꞉ alemanu dupa haleekeme. Mandaneeki aposolo haliweki haena꞉ laata꞉ mandaneeki hande Pi Seliapo wala꞉la꞉ haliweki haena꞉ laata꞉ mandaneeki Koda꞉na꞉ pi la꞉ mea hala꞉la꞉ haliweki haena꞉ laata꞉ mandaneeki pasida haliweki make disa haliweki make haena꞉ la꞉la꞉me.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

Pilipai 2:11

Kutupa mo Ateke hala꞉ Koda꞉na꞉ biki yeiya꞉ laaluekema꞉ iki paeyaoma꞉ paeyao opina꞉ peneme yaaso hata꞉ Yesu Ketiso ipiki homeketa꞉ ota꞉ Tekehalie laa lelimikie.

Kolosi 1:1

I̱ta꞉ Poloma꞉ mo hande Koda꞉na꞉ hone pa꞉la꞉ ekina꞉ Yesu Ketisona꞉ aposolo hali hata꞉ make nika꞉ kame Timodi dikana꞉ma꞉ do tameiya꞉ a꞉paasopa꞉me.

Kolosi 1:25

Kutupa Koda꞉ma꞉ I̱ta꞉ siosina꞉ pa hameke e pokaaso hali hano laa ipikana꞉ma꞉ dupiki e ika꞉ epeke hauna꞉ peano la꞉la꞉me. Do eta꞉ mo hande ipika꞉ pi anekema꞉ walawano ala꞉ekie.

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.

1 Desalonaika 2:8

Nikana꞉ma꞉ iki pa꞉ta꞉ pukima꞉ homoma꞉ ekina꞉ Koda꞉na꞉ Pi Seliapo homeke homeke iki pa꞉ta꞉ waluekema꞉ hone na uma꞉pate pa nika꞉ hau puma꞉eki make kuluekema꞉ hone uma꞉me. Pa ekipeke iki pa꞉ta꞉ nika꞉ pukima꞉ homoma꞉eki tiekeyeke puma꞉me.

1 Desalonaika 2:9

Kametitio. Nikana꞉ma꞉ e tieke poka weleke we puma꞉eki ikana꞉ma꞉ hone ta wili handa꞉e. Nikana꞉ma꞉ iki pa꞉ta꞉ Koda꞉na꞉ Pi Seliapo walaaso hata꞉ta꞉ nikana꞉ma꞉ iki ka꞉nda꞉ma꞉ homaapa꞉na꞉yeke timba make natena꞉ make u̱ na peliki nika꞉ nemanu hambuluekema꞉ e poko haoma꞉me.

1 Timodi 1:1

Polo I̱ta꞉ mo Ketiso Yesuna꞉ aposolo hali halome. Nika꞉ da꞉taasa꞉ Koda꞉ma꞉ make mo epena꞉ yu wia haloma꞉ Ketiso Yesu yaapoma꞉ do e pokono lelepeme.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

2 Timodi 1:11

Koto Pi Seliapona꞉ la hala꞉la꞉ hali make aposolo hali hata꞉ moka꞉la꞉ tiaaso hali hano yeke Koda꞉ma꞉ I̱ ma̱leke lia꞉me.

Taitasi 1:1

I̱ta꞉ Poloma꞉ Koda꞉na꞉ e pokaasa꞉ hali hata꞉ make Yesu Ketisona꞉ aposolo hali hata꞉ make do wape wapitolome. I̱ta꞉ mo Koda꞉ma꞉ ma̱leke lila꞉ wanda꞉halina꞉ hone tulalemeeki daeyaena꞉ lono ipikana꞉ma꞉ I̱ mea tapaeya꞉me. Kuta make ika꞉ pi miniki haasa꞉ hauna꞉ ota꞉ pita꞉ miniki haena꞉ walonoyeke I̱ tapaeya꞉me.

Hibulu 5:4

Mo yeni peaasa꞉ hali hasa꞉ ekina꞉ biki tieke mina꞉la꞉ ekita꞉ hali ma꞉nda꞉ma꞉ ipika꞉ kone ipiki ma̱leke lia hapeke na yeliepate Koda꞉ma꞉ wi lelie ekina꞉ homeke ipika꞉ yeni peaasa꞉ hali hapeke yelieke. Pa mo hande Etoni wi leeke tupa꞉ kone wi lelieke.

Hibulu 7:26

Koto ekina꞉ Yesuta꞉ Yeni Peao Hala꞉ You Hali hata꞉ nika꞉ ka꞉nda꞉manu ana꞉na꞉ tamba꞉ mea꞉peke ya꞉la꞉me. Ipikita꞉ yako piki hali hala꞉me. Kutupata꞉ ipiki pa꞉ta꞉ eki a꞉nda꞉ ma꞉nda꞉ o hoke hau ma꞉nda꞉ ota꞉ na ula꞉me. Ipika꞉ hauta꞉ hoke hau pu haleme wanda꞉halina꞉ hau leke na pieke handaa Koda꞉ma꞉ Neketa꞉ ota꞉ ta꞉ta꞉ pa꞉la꞉ halie laa ota꞉ oli hepeni manda nane mini liao haena꞉ la꞉la꞉me.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

1 Pida 4:17

Koda꞉ma꞉ pi yokaalu pulu pa꞉la꞉ nateta꞉ ame amba꞉ a꞉pa hala꞉me. Kutupa Koda꞉ ipika꞉ wanda꞉hali kone pa꞉ta꞉ amba꞉la kini pu mea pi yokaalu pilieke. Koto ekina꞉ niki pa꞉ta꞉ amba꞉la kini pia꞉ka꞉na꞉ta꞉ kota꞉ mo Koda꞉na꞉ Pi Seliapo opua kone pa kiaaseme wanda꞉hali pa꞉ta꞉ta꞉ ekipa paeyaalia꞉pe

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

Diudi 1:1

I̱ta꞉ Diudi Dia꞉mesina꞉ hameke hande Yesu Ketisona꞉ e pokaaso halima꞉ loa꞉me. I̱ma꞉ do tameiya꞉ta꞉ mo hande Koda꞉na꞉ wi la꞉la꞉eki opeleme wanda꞉hali iki pa꞉ta꞉ tapaasome. Dota꞉ mo hande Apa꞉ Koda꞉na꞉ pukima꞉ homa꞉la꞉eki oto pa꞉ta꞉ haleme make Yesu Ketisona꞉ handeteke hala꞉eki pa꞉ta꞉ haleme wanda꞉hali iki pa꞉ta꞉ loa꞉me.

Peneme Yaeyekeeki 1:1

Do bukata꞉ mo Yesu Ketisona꞉ peneme yaeyeke haumanu lao ula꞉ bukae. Koda꞉ma꞉ do peneme yaasa꞉ haumanu haleeke ekita꞉ ipika꞉ e pokaasa꞉ wanda꞉hali pa꞉ta꞉ koto kone pulu piekeeki waluekema꞉ piekeme. Ketisoma꞉ta꞉ ipika꞉ e pokaasa꞉ hali Dioni pa꞉ta꞉ ipika꞉ enisolo tapao dupiki haumanu walena꞉ leekeme.

Peneme Yaeyekeeki 22:6

Kutupa mo enisoloma꞉ I̱ pa꞉ta꞉ alota꞉ Do pi manuta꞉ ota꞉eki ya꞉la꞉ ekina꞉ hone tu lapeke ya꞉la꞉me. Kutupa hande potopede haliweki pa꞉ta꞉ Sipitidi halo pa꞉la꞉ Tekehali Koda꞉ma꞉ mo ipika꞉ e pokaaseme haliweki pa꞉ta꞉ ame do koto kone pulu pa꞉la꞉ ekimanu walena꞉yeke ipika꞉ enisolo tapaala꞉me lea꞉me.

Peneme Yaeyekeeki 22:9

ipikana꞉ma꞉ I̱ pa꞉ta꞉ alota꞉ Kotoeki na pia꞉pema laata꞉ I̱ta꞉ e pokaaso naka꞉ yankekee. Kutupa make mo hande naka꞉ potopede kame manuna꞉ make do bukana꞉ ula꞉ wapena꞉ opua pita꞉la꞉ wanda꞉hali paeyaona꞉ yankeke kone halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me.