Kolosi 4:3 - Panake Pi La: Ula: Buka pita: Kine Pieke Buka

³ Kutu pitolo hata꞉ta꞉ Koda꞉ma꞉ mo hande Ketisona꞉ a꞉mbaala꞉ ekina꞉ pimanu walamono epeke walekemanu kina꞉ yeni pu hapa꞉peke. Kotoeki tekena꞉ I̱ta꞉ ameta꞉ dipula pilume.

Kolosi 4:3 ပူးပေါင်းရင်းမြစ်များ

Ma꞉tiu 13:11

Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

1 Kotindi 16:9

Do ekina꞉yeke loa꞉me. Do pa꞉ta꞉ta꞉ pota꞉ lomba꞉pa ula꞉me. Kutupa epeke epeke e tieke tieke pokaapeke ya꞉la꞉me. Kutu pulu polopate pa mo pota꞉ sa꞉sa꞉ pulu peleme haliweki wotu make halememe.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

2 Kotindi 2:12

I̱ mo Dotoa꞉si da pa꞉ta꞉ Ketisona꞉ Pi Seliapo waluekema꞉ opolo puaata꞉ koto pa꞉ta꞉ pokolo pua꞉ eta꞉ mo Tekehalima꞉ amba꞉ pota꞉ wiayekeeki handa꞉ ua꞉me.

Epesese 3:1

Koto pa꞉la꞉ ekina꞉ I̱ Poloma꞉ta꞉ iki Diendaili wanda꞉hali ika꞉ e pokaowa꞉ ekina꞉ Yesu Ketiso ipika꞉ dipula hali hata꞉ta꞉ Koda꞉ pa꞉ta꞉ yeni pu halome.

Epesese 3:3

Koda꞉ma꞉ amba꞉ ipika꞉ a꞉mbao u hayeke hone peneme yao walolo hata꞉ I̱ pa꞉ta꞉ la kia꞉me. Do alo ekita꞉ I̱ma꞉ amba꞉ wape hosiki pua꞉me.

Epesese 3:4

Ikana꞉ma꞉ koto wapesiki handa yata꞉pemeka꞉na꞉ta꞉ Ketiso ipika꞉ a꞉mbao u hala꞉ hone I̱ma꞉ handoloeki kone ikana꞉ma꞉ make handilimikie.

Epesese 3:9

Kutupa wanda꞉hali paeyaoma꞉ Koda꞉ma꞉ a꞉mbao u hayeke hone peneme yao yaalo pa꞉la꞉eki make handena꞉yeke I̱ma꞉ walo ponoyeke I̱ pa꞉ta꞉ kia꞉me. Hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ma꞉ta꞉ amba꞉ kiaake hatiki epemeke pa꞉ta꞉ kone ipika꞉ u hayeke hone a꞉mbao wia hao hayekeme.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Pilipai 1:19

Pa ekipeke mo ikana꞉ma꞉ yeni peao halemeke mo Yesu Ketisona꞉ temokoma꞉ I̱ tamba꞉ mina꞉la꞉ ekina꞉ make I̱ta꞉ dipula da mina꞉pa꞉lao pomu halueke hone ulume.

Pilipai 1:7

Koto ta꞉na꞉ma꞉ homolo ekita꞉ ota꞉ a꞉pa꞉la꞉me. Do Koda꞉ma꞉ ka꞉leke pokolo e seliapota꞉ iki ame̱le̱ mandakena꞉ apa꞉tao pokoloma꞉me. Ame do I̱ dipula pilu pita꞉ma꞉ make amba꞉ pa pomu haowa꞉ pita꞉ma꞉ make I̱ma꞉ mo Koda꞉na꞉ Pi Seliapota꞉ honkopu haena꞉ loluekema꞉ ya pima꞉ a꞉nda꞉ litolo hombo peao halo ekita꞉ iki ame̱le̱ apa꞉tao hata꞉ pu haloma꞉me.

Kolosi 1:26

Do pita꞉ amba꞉ hatia epemeke wanda꞉hali paeyao pa꞉ta꞉ta꞉ a꞉mbao wiekepate ameta꞉ ipika꞉ wanda꞉hali pa꞉ta꞉ peneme yaala꞉me.

Kolosi 4:18

Ota꞉ ya kikima꞉ doeki laasome. Poloma꞉ a꞉talo alome. I̱ta꞉ seni manuma꞉ tonkao dipula pilueki hone na yonka꞉lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki iki ame̱le̱ wina꞉e.

1 Desalonaika 5:25

Kametitio. Niki pa꞉ta꞉ tonka꞉na꞉ yeni peao hapa꞉peke.

2 Timodi 1:16

Mo hande hali Onesipotasima꞉ hoto paeyao I̱ ta꞉na꞉ma꞉ homa꞉ tiao hayeke handaa I̱ma꞉ mo Tekehalima꞉ ipika꞉ wekiwanda꞉ pa꞉ta꞉ a꞉ta꞉ma꞉ homena꞉ honke alome. Pa ekipeke. I̱ do dipula pilu ekina꞉ ipikana꞉ma꞉ yaala꞉ma꞉ na homea꞉me.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

2 Timodi 4:2

Koda꞉na꞉ pi walo hapeke. Kutu polo halena꞉ wanda꞉halima꞉ opuluekema꞉ ta꞉na꞉ma꞉ na homolo haena꞉ make o ta꞉na꞉ma꞉ homa opitolo haena꞉ make na kiaake pa walolo walolo ombu hapeke. Nakana꞉ma꞉ mo puki nala꞉ pima꞉ make mineke pima꞉ make kutupa mo hone u tiaasa꞉ pima꞉ make koto pi manuma꞉ ikana꞉ma꞉ epeke honemanu wina꞉ loluekema꞉ ta꞉na꞉ma꞉ homa꞉ tiaaso handeteke hao hapeke.

Pailimono 1:22

Pi ma꞉nda꞉ta꞉ dupae. Ya honema꞉ta꞉ iki paeyaoma꞉ Koda꞉ pa꞉ta꞉ yeni pu haleme ekina꞉ hombo peaaso I̱ta꞉ neke pa꞉ta꞉ a꞉pono lelieke. Koto ekina꞉ta꞉ I̱ hapeke da panda꞉ ma꞉nda꞉ tikitiki yao wia꞉peke.