Kolosi 2:3 - Panake Pi La: Ula: Buka pita: Kine Pieke Buka

³ Ipikita꞉ mo Koda꞉ pa꞉ta꞉ a꞉mbao ula꞉ hone lenkena꞉ pea wita꞉la꞉ ekimanu pita꞉ hone wopu wita꞉la꞉ ekimanu paeyao hamekena꞉ ke lao wala꞉la꞉ halie.

Kolosi 2:3 ပူးပေါင်းရင်းမြစ်များ

Ma꞉tiu 10:26

Kutu pu halimipate ikana꞉ma꞉ mo wanda꞉hali pa꞉ta꞉ paala꞉ma꞉ na homa꞉pa꞉peke. Mo ame do a꞉mbao ula꞉ alemanu paeyao wetepena꞉ta꞉ paa lumba꞉pa wilieke. Kutupa mo a꞉mbaaso hata꞉ aleme pi paeyao make wetepena꞉ta꞉ paeyaoma꞉ opina꞉ paa peneme yaalieke.

Luku 11:49

Doeki tekena꞉ta꞉ Koda꞉na꞉ epeke hone wotu wita꞉la꞉ ekima꞉ta꞉ do la꞉la꞉me. I̱ma꞉ta꞉ yaka potopede haliweki make pi mea pomuao haleme haliweki tapaalo polopate mandaneta꞉ lu baalimiki make mandaneta꞉ tanda tanda wopu halimikie laa la꞉la꞉me.

Loma꞉ 11:33

Koda꞉na꞉ ipika꞉ hamoko hala꞉ ekita꞉ ota꞉ hone mateke some kiakee. Ipika꞉ epeke hone wita꞉la꞉eki make ipika꞉ handa꞉la꞉eki make kinuku dia꞉me. Ipikana꞉ma꞉ dupa꞉pe laa ala꞉eki manuna꞉ teke manuta꞉ hali epima꞉ handa꞉ wia la kiliepe. Ipikana꞉ma꞉ pita꞉la꞉ haumanu hali epima꞉ handa꞉ tapaapeke ya꞉la꞉pe.

1 Kotindi 1:24

Koto lo halemepate pa mo hande Koda꞉ma꞉ wi la ma꞉la꞉ Diu wanda꞉hali make Diendaili wanda꞉hali make koto wanda꞉halima꞉ do pina꞉ Ketisota꞉ Koda꞉na꞉ wele pita꞉la꞉eki pita꞉ hone wotu wita꞉la꞉eki yaapo hala꞉me lo haloma꞉me.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

Epesese 1:8

Ipikana꞉ma꞉ niki pa꞉ta꞉ aneke hapu wopu ka꞉la꞉me. Koda꞉ma꞉ta꞉ pita꞉la꞉ ekimanu handa ipikana꞉ma꞉ hone wopu wiata꞉

Kolosi 1:19

Koda꞉ ipika꞉ hone pieke ekina꞉ kone mo Eiyeketa꞉ ota꞉ Koda꞉ ipikima꞉ kone handena꞉ leekeme.

Kolosi 1:28

Doeki tekena꞉ta꞉ nikana꞉ma꞉ta꞉ paeyao pa꞉ta꞉ Ketiso walo haloma꞉me. Nika꞉ hone u lenkena꞉ pea witoloma꞉eki manuma꞉ta꞉ mo wanda꞉hali pa꞉ta꞉ kinki pitolo hata꞉ walo haloma꞉me. Dupuluekema꞉ yeketa꞉ nikana꞉ma꞉ta꞉ iki paeyao siki homeke homeke lo ku hata꞉ Ketiso yaapo ta꞉ma꞉ni pea Koda꞉na꞉ leke popelekena꞉ hatuku ipuluekema꞉ pitoloma꞉me.

Kolosi 1:9

Do ekina꞉ yeke ikina꞉ ota꞉ opua mupa꞉ natena꞉ kone kini pea a꞉pa ame make hoto paeyao yeni peao ombu halopa꞉me. Koda꞉na꞉ hone pa꞉la꞉ tupa꞉ hone wita꞉la꞉ ekita꞉ ipika꞉ Sipitidima꞉ ku hala꞉ hone lenkena꞉ pea wita꞉la꞉eki pita꞉ hone wopu wita꞉la꞉eki yaapona꞉ hau paeyao pa꞉ta꞉ yama꞉ iki pa꞉ta꞉ tumbaena꞉yeke Koda꞉ pa꞉ta꞉ yeni peaatiki pu halopa꞉me.

Kolosi 3:16

Ketisona꞉ pi ipika꞉ ota꞉ epeke ta꞉ta꞉ ma꞉nda꞉ piki pi paeyaota꞉ ika꞉ puki pa꞉ta꞉ wina꞉ lapa꞉peke. Ika꞉ ika꞉ kone hone lenkene pea wita꞉la꞉eki paeyaoma꞉ walolo make tikitiki yatiki pu alualu pu hapa꞉peke. Mo Baibolona꞉ emelimanu make Tekehali yeiya꞉ laasa꞉ emelimanu make Sipitidima꞉ wala꞉la꞉ emelimanu make paeyaota꞉ ika꞉ puki nane Koda꞉ pa꞉ta꞉ keiyae alo lo hapa꞉peke.

Kolosi 3:3

Ikita꞉ homelememe. Kutupa ika꞉ da꞉ta꞉la꞉ ekita꞉ Ketiso yaapo Koda꞉ pa꞉ta꞉ a꞉mbao ula꞉me.

2 Pida 1:5

Doeki tekena꞉ta꞉ ika꞉ hone tulaasemeeki pa꞉ta꞉ mo ota꞉ epeke hau apa꞉taaluekema꞉ honkopu hapa꞉peke. Kutupa ika꞉ ota꞉ epeke hau pa꞉ta꞉ta꞉ hone wilimieki apa꞉taapa꞉peke.

Peneme Yaeyekeeki 2:17

Haleke haemeka꞉na꞉ta꞉ kota꞉ mo Sipitidima꞉ siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me. Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ I̱ma꞉ ipiki pa꞉ta꞉ mo a꞉mbao ula꞉ mandane ma꞉na halueke. Kutupa mo hake piki toopina꞉ panake biki laala꞉eki make halueke. Mo bikita꞉ ma꞉nda꞉ma꞉ make hone na ula꞉pate mo milia꞉ somema꞉ homeke hone wilieke.