Kini Pieke 7:4 - Panake Pi La: Ula: Buka pita: Kine Pieke Buka

⁴ Kutupa ame do natena꞉ kini pea yata꞉polo mo wataake hata꞉ peao nate paeya꞉ka꞉na꞉ta꞉ mo I̱ma꞉ wepolo pa pitiki alemanu paeyao hoeyaena꞉ yeketa꞉ hali tieke yaapo natena꞉ta꞉ na to lena꞉ leke lako lopena꞉ lolueke leekeme.

Kini Pieke 7:4 ပူးပေါင်းရင်းမြစ်များ

Kini Pieke 2:5

Tekehali Koda꞉ma꞉ mo kenke ya yaapo wepia dina꞉ta꞉ do kenkena꞉ lako na tapaeyekeeki yalo make yu lu wia꞉peke wanda꞉hali ma꞉nda꞉ dia꞉yeke ekima꞉ do kenkema꞉ta꞉ wae alemanu ma꞉nda꞉ na hao make kilikimanu ma꞉nda꞉ na opeekeme.

Kini Pieke 6:13

Koda꞉ma꞉ Noa pa꞉ta꞉ alota꞉ I̱ma꞉ wanda꞉hali paeyao ota꞉ hoeyaalueke hone witolome laata꞉ Do kenkena꞉ta꞉ ika꞉ haku na piki hau manuma꞉ tumba꞉la꞉ ekina꞉ iki paeyao siki hoeyaalueke.

Kini Pieke 6:17

Pa ekipeke I̱ma꞉ta꞉ do kenkena꞉ haleme pa pitiki ale paeyao siki hoeyaaluekema꞉ yeke ikali tieke a꞉meina꞉ tapaaluekema꞉ loa꞉me. Kutupa do kenkena꞉ haleme aleta꞉ ota꞉ paeyao homilimikie.

Kini Pieke 6:3

Kutupa Tekehalima꞉ alota꞉ I̱ma꞉ mo wanda꞉halita꞉ pa na hao haena꞉ lolueke laata꞉ Pa ekipeke ikita꞉ homa꞉peke ya꞉la꞉ loke halemeke handa loa꞉me. Koto ekina꞉ ame do siki kini pea puata꞉ ma꞉nda꞉ 120 bapi haka꞉ta꞉pao na haena꞉ lolueke leekeme.

Kini Pieke 6:7

I̱ma꞉ do wepolo wanda꞉hali make hotekemanu make bamanu make paeyaota꞉ I̱ma꞉ kone homena꞉ lia baalueke laa I̱ma꞉ta꞉ pa ekipeke wepia polope leekeme.

Kini Pieke 7:10

Kutupa wataake hata꞉ nate paeyeketa꞉ mo ikali tieke kini pea teekeme.

Kini Pieke 7:12

Kutupa mo lako pa ipulu ipulu haena꞉ta꞉ hali tieke yaapo nate pa mulu yapeekeme.

Kini Pieke 7:17

Kutupa mo ikali tieketa꞉ hali tieke yaapo natena꞉ epeeketa꞉ mo sisima tia halo pieke tupa꞉ ikali kendo ana꞉na꞉ wiekeme.

Kini Pieke 7:3

Kutupa mo ta꞉ta꞉ ta꞉ta꞉ piki bamanu make wataake hata꞉ tooli tooli lo mea꞉peke. Pa ekipeke kutupiki hau pika꞉na꞉ta꞉ kota꞉ mo ta꞉ta꞉ ta꞉ta꞉ piki hotekemanu make bamanu make na alupiki pa do kenkena꞉ mondu sembelaena꞉ lelipikie.

Kini Pieke 8:10

Kutupa mo hoto wataake hata꞉ nate pa yu wia haota꞉ mo hande melipu paa pena꞉ tapaeyekeme.

Kini Pieke 8:12

Kutupa Noama꞉ wataake hata꞉ natena꞉ pa hao mo melipu paa tapaeyekepate koto natena꞉ta꞉ mo hande bata꞉ paa na la꞉ka꞉la epeekeme.

Kini Pieke 8:2

Mo hande kenke oto nane a꞉liaeyeke ikali pita꞉ oli ya nane lombolu baeyeke ikali yaapo telipina꞉ a꞉mbeeketa꞉ mo lako paeyekeme.

Peneme Yaeyekeeki 3:5

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ dupiki hake piki dau yamilieke. Kutupa ika꞉ bikita꞉ mo deto haleme wanda꞉halina꞉ bukana꞉ ula꞉ ekita꞉ I̱ma꞉ na honulueke. Yaka Apa꞉ make ipika꞉ enisolo manuna꞉ leke popelekena꞉ peneme yao hata꞉ Ikita꞉ yaka tapakee lolueke lea꞉me.