Kini Pieke 48:4 - Panake Pi La: Ula: Buka pita: Kine Pieke Buka

⁴ I̱ pa꞉ta꞉ dupa lea꞉me. Naka꞉ monduma꞉ monduma꞉ pilipi wekiwandikina꞉ wekiwandikita꞉ tutu paeyao siki haena꞉ yeke handa wekiwandiki wopu kulueke lea꞉me. Kutupa do kenketa꞉ ika꞉eki u tia pu haena꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki halueke lea꞉me leekeme.

Kini Pieke 48:4 ပူးပေါင်းရင်းမြစ်များ

Kini Pieke 12:2

I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ wopu kiaata꞉ ikita꞉ tutu tieke halimikie. Neketa꞉ wamo peaasa꞉ hali halena꞉ yeke I̱ma꞉ neke epealueke laata꞉ naka꞉ biki kende tupa꞉ wina꞉ lolueke.

Kini Pieke 17:13

Hali paeyao sikita꞉ sekemesaisi hau peapeke ya꞉la꞉me. Kutupa do manda lokena꞉ pitoloma꞉ ekita꞉ mo na paeke pa u halo pa꞉la꞉ pi la꞉ witolo ekina꞉ patehau pitoloeki walieke.

Kini Pieke 17:6

I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandiki tieke kua꞉ka꞉na꞉ta꞉ kota꞉ mandaneta꞉ kinimanu pitilimikie. Nakana꞉ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ tieke kua꞉ka꞉na꞉ta꞉ kota꞉ tutu ta꞉ta꞉ ta꞉ta꞉ halimikie.

Kini Pieke 17:8

Ame do neketa꞉ da ma꞉nda꞉ hali leke hale kenketa꞉ neke pa꞉ta꞉ make kia naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ make halueke. Do Keinani kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ ota꞉ hoto paeyao ika꞉ ekie la halaata꞉ I̱ta꞉ ika꞉ Koda꞉ halueke.

Kini Pieke 22:17

I̱ma꞉ pi la꞉ witolota꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ oli yana꞉ hala꞉ hombulanka꞉ manuma꞉ o mo ikali tiekena꞉ tea꞉na꞉ ula꞉ hou manuma꞉ handena꞉ lolueke leekeme. Kutupa ikana꞉ma꞉ta꞉ ika꞉ a꞉nda꞉ tunkuliki wanda꞉halita꞉ lu bepolalimikie.

Kini Pieke 26:4

I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ oli yana꞉ hala꞉ hombulanka꞉manu hala꞉ tupa꞉ haena꞉ kulueke. Kutupa iki pa꞉ta꞉ta꞉ do kenke paeyao halueke. I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke.

Kini Pieke 28:3

Kutupa neketa꞉ tutu eleke elekena꞉ apa꞉ halena꞉ yeke mo Aneke Wele Wopupiki Koda꞉ma꞉ naka꞉ wanda꞉ milipi pa꞉ta꞉ neke epeaaso hata꞉ wekiwandiki wopu kina꞉e.

Kini Pieke 32:12

Nakana꞉ma꞉ta꞉ I̱ pa꞉ta꞉ pi la꞉ witolo mo ala꞉ta꞉ ala꞉ta꞉ paeyao epeao make kutupa I̱ma꞉ monduma꞉ monduma꞉ pulua꞉ wekiwandikina꞉ wekiwandikita꞉ ma꞉nda꞉ma꞉ na yata꞉polo pa꞉la꞉ tupa꞉ mo dawala tea꞉na꞉ ula꞉ ikali houma꞉ handekeeki kulueke laa la꞉ wi pita꞉ hone wie laa Koda꞉ pa꞉ta꞉ yeni piekeme.

Kini Pieke 35:11

Kutupa Koda꞉ma꞉ ipiki pa꞉ta꞉ alota꞉ I̱ta꞉ Aneke Wele Wopupiki Koda꞉e. Wekiwandiki wopu mendia꞉peke. Tutu manuta꞉ neke pa꞉ta꞉ yama꞉ monduma꞉ monduma꞉ pilieke. Kutupa neketa꞉ kini hali manuna꞉ apa꞉mei halipikie.

Kini Pieke 46:3

Tekehalima꞉ alota꞉ I̱ta꞉ Koda꞉ naka꞉ apa꞉na꞉ Koda꞉e. Idiepi poluekema꞉ta꞉ paala꞉ma꞉ na homa꞉peke. I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ koto pate tapake tieke haena꞉ lolueke.

Kini Pieke 47:27

Mo Isulai tapaketa꞉ oni Idiepi kenke pa꞉ta꞉ mo Kosene da yu pa꞉ta꞉ hata꞉ta꞉ hamoko haota꞉ wekiwandiki wopu mondu wimikime.