Kini Pieke 42:6 - Panake Pi La: Ula: Buka pita: Kine Pieke Buka

⁶ Mo Idiepi kenkena꞉ kapomani handeteke hayeke some Diosepema꞉ta꞉ mo kenke honiki wanda꞉hali paeyao pa꞉ta꞉ widi tapatiki piekeme. Koto ekina꞉ mo ipika꞉ hameke tonuma꞉ta꞉ Diosepe pa꞉ta꞉ leke popeleke oni kenkena꞉ wataaso haena꞉ a꞉pa panda꞉ puniaemekeme.

Kini Pieke 42:6 ပူးပေါင်းရင်းမြစ်များ

Peneme Yaeyekeeki 3:9

Opie. Mo Sadanina꞉ tapake yayapiki pi alo hata꞉ Diu wanda꞉hali dia꞉ya꞉la꞉pate kone ikita꞉ Diu wanda꞉halie lo haleme wanda꞉halita꞉ I̱ma꞉ ika꞉ anke teke pa꞉ta꞉ a꞉pa panda꞉puniaena꞉ lolueke. Mo wanda꞉halima꞉ta꞉ I̱ma꞉ iki pukima꞉ homolome laa hone wilimikie.

Aposolo 7:10

ipika꞉ ka꞉nda꞉ pa꞉la꞉ ekimanu paeyao minolo haena꞉ kone Koda꞉ma꞉ ana꞉na꞉ handeteke hayekeme. Diosepeta꞉ mo Idiepi you hali Petou pa꞉ta꞉ pua hayeke dina꞉ta꞉ Koda꞉ma꞉ ipikita꞉ kipa baake hone wiki hali make hone lenkena꞉ pea wiki hali make haena꞉ leekeme. Kutu pieke ekima꞉ Petouma꞉ Diosepeta꞉ Idiepi nane kapomani you hali pitina꞉ laata꞉ ipika꞉ da kenkemanu paeyao make handeteke haena꞉ leekeme.

Kini Pieke 45:26

Ikana꞉ma꞉ ateke pa꞉ta꞉ pua alota꞉ Diosepeta꞉ pa hala꞉mee. Ipikita꞉ mo Idiepi kenke paeyaona꞉ handeteke hala꞉ hali hala꞉me lemekeme. Koto lemeke handa Dieikopeta꞉ hone mata꞉pa pulu no la꞉mea pita꞉ mo weki tonuma꞉ lemeke ekina꞉ hone na tulaeyekeme.

Kini Pieke 45:8

Koto ekina꞉ta꞉ ikana꞉ma꞉ I̱ do Idiepi kenke nane na tapaemepate pa Koda꞉ma꞉ kone pa꞉la꞉me. Ipikana꞉ma꞉ I̱ta꞉ mo kinina꞉ kapomani manda you hali pitono la꞉la꞉me. I̱ta꞉ do kenke paeyao handeteke halome. I̱ta꞉ do Idiepi wanda꞉halina꞉ you hali halome.

Kini Pieke 44:14

Mo Diuda hama̱la̱꞉ hama̱la̱꞉ mo Diosepena꞉ da pa꞉ta꞉ epemeketa꞉ ipikita꞉ pa pitiekeme. Kutupa ikita꞉ ipiki pa꞉ta꞉ panda꞉ puniaemeke handaa

Kini Pieke 19:1

Mo hande enisolo yaapo Sodomo opolo epepeketa꞉ Lodata꞉ mo daonina꞉ pota꞉ kake pa꞉ta꞉ pitiekeme. Lodama꞉ mo hali yaapo hando haota꞉ koto kone tiao handolo peekeme. Ipikana꞉ma꞉ mo hali yaapo haepeke alena꞉ pua panda꞉puniaaso

Kini Pieke 18:2

handa꞉ liaeyekepate tepo hali haemekeeki handeekeme. Mo handea꞉ dina꞉ kone pototo la pua mo haliweki manda꞉hande piekeme. Kutupa ipika꞉ leke popeleketa꞉ oni yu wataena꞉ alo hata꞉

Kini Pieke 33:3

Kutupa Dieikopema꞉ta꞉ ipiki amba꞉la titina꞉ pua mo ipika꞉ hameke handa꞉tia pulu hata꞉ hoto wataake hata꞉na꞉ oni kenkena꞉ panda꞉ puniaeyekeme.

Kini Pieke 41:43

Kutupa pomu lopena꞉ta꞉ mo kinima꞉ ipika꞉ yaapo peao hosima꞉ yola pula꞉ ale mo Diosepe pa꞉ta꞉ halaata꞉ mo ipika꞉ handeteke haemeke haliwekita꞉ Diosepe titina꞉ amba꞉la pulu hata꞉ e̱ wi la꞉ moneaaso alota꞉ Pota꞉ pilae. Pota꞉ pilae laa lena꞉ leekeme. Koto ekina꞉ta꞉ Diosepeta꞉ Idiepi kenke paeyao pa꞉ta꞉ kapomanina꞉ handeteke hala꞉ hali pitiekeme.

Kini Pieke 48:12

Kutupa Diosepema꞉ mo weki yaapo Dieikopena꞉ palekena꞉ pitipi alena꞉ mea Dieikope pitia꞉ alena꞉ panda꞉ puniaeyekeme.

Kini Pieke 41:54

Kutupa mo hande Diosepema꞉ leeke tupa꞉ kone mo tea꞉ kina꞉ wataake hata꞉ bapi kini piekeme. Kenke ma꞉nda꞉ ma꞉nda꞉ pa꞉ta꞉ta꞉ tea꞉ ki tieke epeekepate Idiepi kenke pa꞉ta꞉ homeketa꞉ ne pa wiekeme.

Kini Pieke 41:57

Mo tea꞉ kita꞉ kenke ta꞉ta꞉ ta꞉ta꞉ paeyao pa꞉ta꞉ ota꞉ hoke tupa꞉ putupieke handaa mo kenke ta꞉ta꞉ ta꞉ta꞉ pa꞉ta꞉ haemeke wanda꞉halita꞉ oni Idiepi da pa꞉ta꞉ widi hambuluekema꞉ Diosepe pa꞉ta꞉ epemekeme.