Kini Pieke 32:4 - Panake Pi La: Ula: Buka pita: Kine Pieke Buka

⁴ Ipikana꞉ma꞉ mo haliweki pa꞉ta꞉ dupa pua lapa꞉peke laa la halolo alota꞉ I̱ta꞉ naka꞉ pi opua e pokaasa꞉ some Dieikopema꞉ yaka you hali Iso neke pa꞉ta꞉ do pi lo tapaasome. I̱ta꞉ a̱i̱ na epoa꞉ ekita꞉ Leibeni yaapo hao ameta꞉ paa la꞉ka꞉la ipulume.

Kini Pieke 32:4 ပူးပေါင်းရင်းမြစ်များ

Kini Pieke 23:6

Someo. Niki pa꞉ta꞉ opie. Nikana꞉ma꞉ neketa꞉ nika꞉ aneke halie laa handa꞉ lialoma꞉me. Koto ekina꞉ naka꞉ wanda꞉ta꞉ do nika꞉ ota꞉ epeke lapa꞉ ma꞉nda꞉ handa hoie. Niki ma꞉nda꞉ hondoma꞉ naka꞉ wanda꞉ hoiyuelena꞉ lapa꞉ ma꞉nda꞉ pa kuluekema꞉ hone pa꞉la꞉me lemekeme.

Kini Pieke 25:30

Kutupa Isoma꞉ Dieikope pa꞉ta꞉ alota꞉ I̱ta꞉ tea꞉ma꞉ amba꞉ homoloma꞉ mo wepiki ale ma꞉nda꞉ kie leekeme. Koto ekina꞉ ipikita꞉ Idomo lemekeme.

Kini Pieke 27:29

Tutu manuta꞉ naka꞉ e pokaasa꞉ tapake haena꞉e. Kutupa wanda꞉hali neke pa꞉ta꞉ panda꞉puniaena꞉e. Naka꞉ tapake paeyao handeteke halena꞉e. Naka꞉ ama꞉na꞉ monduma꞉ monduma꞉ pa꞉la꞉ wekiwandikina꞉ wekiwandikima꞉ neke pa꞉ta꞉ panda꞉puniaena꞉e. Mo neke pa꞉ta꞉ esihou tunkilimi tapaketa꞉ esihou pa꞉ta꞉ haena꞉e. Kutupa neke epealimi wanda꞉halita꞉ iki make epeaasa꞉eki mina꞉e laa leekeme.

Kini Pieke 27:37

Aisa꞉kema꞉ hombo peaaso alota꞉ I̱ma꞉ta꞉ ipikana꞉ma꞉ neke ankulao you haena꞉ laa ipika꞉ tapakemanu maketa꞉ ipika꞉ pa hameke e pokaasa꞉ tapake haena꞉ loa꞉me. I̱ma꞉ta꞉ widi make waini ikali make haloa꞉me. Ota꞉ yaka wekio. Neke pa꞉ta꞉ pulu polo ekita꞉ ma꞉nda꞉ dia꞉me leekeme.

Kini Pieke 31:41

Koto hauta꞉ mo hande neke yaapo hatia pu haowa꞉ 20 bapi tukiki pa꞉ta꞉ pia꞉ekie. I̱ma꞉ta꞉ 14 bapita꞉ naka꞉ wandiki yaapo muluekema꞉ naka꞉ e pokaoka꞉na꞉ mo yunki mindiki hata꞉ bapina꞉ta꞉ naka꞉ ma꞉na꞉manu ma꞉nda꞉ muluekema꞉ handeteke haowa꞉me. Kutu piono kone nakana꞉ma꞉ta꞉ yaka yenkita꞉ hoto kiki yaapona꞉ topo pime.

Kini Pieke 32:18

kota꞉ nakana꞉ma꞉ dupa hombo peaapeke. Ikita꞉ mo naka꞉ e pokaasa꞉ hali Dieikopena꞉ ekie. Ipikana꞉ma꞉ta꞉ mo ipika꞉ you some Iso pa꞉ta꞉ pa hameke hala꞉la꞉eki tapaala꞉me. Kutupa Dieikope ipikita꞉ nika꞉ hoki nane ipula꞉me laa lapeke leekeme.

Kini Pieke 32:5

I̱ma꞉ta꞉ kaomanu make donkimanu make sipisipimanu make nanikosimanu make pa hameke e pokaasa꞉ wanda꞉hali make miniki ipulume. Ya tiekeo. I̱ta꞉ ta꞉na꞉ma꞉ homa handa꞉ mina꞉lepe laa do pi tapaasome laa lapa꞉peke leekeme.

Kini Pieke 33:14

Koto ekina꞉ pilisi neke amba꞉la pue. I̱ta꞉ neke telia꞉ mea yopusiki mo yaka ma꞉na꞉manu make mo wekiwandiki ame̱le̱ honkopu hao kone a꞉pa mo Idomo da a꞉pa tolu minuluekee leekeme.

Kini Pieke 33:8

Isoma꞉ lota꞉ pitolo alota꞉ Pa mo titina꞉ manda꞉hande pua꞉ tapaketa꞉ kotota꞉ eki laa pipe leekeme. Dieikopema꞉ hombo peaaso alota꞉ Kotota꞉ nakana꞉ma꞉ I̱ pa꞉ta꞉ ta꞉na꞉ma꞉ homoelena꞉ yeke tapao pua꞉me leekeme.

Kini Pieke 36:8

Koto ekina꞉ Isota꞉ mo Idomona꞉ pote eli pa꞉ta꞉ pu hayekeme.

Kini Pieke 36:9

Dota꞉ mo hande Idomo wanda꞉halina꞉ apa꞉mei Isona꞉ monduma꞉ monduma꞉ pieke wekiwandikina꞉ wekiwandikie.

Kini Pieke 4:7

Nakana꞉ma꞉ ota꞉ hau pika꞉na꞉ yoluta꞉ naka꞉ leke popeleke kipa baalo pia꞉pate nakana꞉ma꞉ hoke hau pele ekima꞉ta꞉ hoke ekima꞉ta꞉ naka꞉ pota꞉ kake pa꞉ta꞉ yu pamba hala꞉me. Ipikana꞉ma꞉ neke dipula muluekema꞉ pita꞉la꞉pate nakana꞉ma꞉ta꞉ ota꞉ bepolapeke ya꞉la꞉me leekeme.

Luku 14:11

Ekipeke. Ma꞉nda꞉ epima꞉ ipikita꞉ aneke hali au lea꞉ka꞉na꞉ta꞉ kota꞉ Koda꞉ma꞉ ipikita꞉ mininialieke. Kutupa ma꞉nda꞉ epima꞉ ipika꞉ kone panda꞉ puniaya꞉ka꞉na꞉ta꞉ kota꞉ koto someta꞉ Koda꞉ma꞉ tieke au lalieke leekeme.

1 Pida 3:6

Setata꞉ kutu piki wanda꞉ hata꞉ ipika꞉ haliki Eipoloha꞉ma꞉na꞉ pi opua hata꞉ta꞉ ipiki pa꞉ta꞉ ya teke halio la꞉tiki piekeme. Koto ekina꞉ ikana꞉ma꞉ aleta꞉ ma꞉nda꞉ pa꞉ta꞉ paala꞉ma꞉ na homeke epeke hau pu haemeka꞉na꞉ta꞉ ikita꞉ ipika꞉ waneke tonu halememe.