Kini Pieke 24:3 - Panake Pi La: Ula: Buka pita: Kine Pieke Buka

³ Yaka hone pa꞉la꞉ ekima꞉ta꞉ nakana꞉ma꞉ mo Tekehali do kenke ya wa꞉pa꞉la꞉ Koda꞉na꞉ bikina꞉ pi la꞉ witolota꞉ yaka wekina꞉ wanda꞉ta꞉ do Keinani wanda꞉ na mealueke laa la꞉ wie.

Kini Pieke 24:3 ပူးပေါင်းရင်းမြစ်များ

Kini Pieke 14:19

Kutupa epeaasa꞉ pi alo alota꞉ Mo kenke ya yaapo wa꞉pa꞉la꞉ Manda Hala꞉ Koda꞉ma꞉ Eipola꞉ma꞉ epeaena꞉e laata꞉

Kini Pieke 14:22

Eipola꞉ma꞉ma꞉ hombo peaaso alota꞉ Do kenke ya yaapo wa꞉pa꞉la꞉ Tekehali oli Manda Hala꞉ Koda꞉na꞉ biki aloma꞉

Kini Pieke 21:23

Koto ekina꞉ mo Koda꞉na꞉ leke popelekena꞉ pi la꞉ witolota꞉ I̱ make yaka wekiwandiki make yaka monduma꞉ monduma꞉ pulua꞉ wekiwandikina꞉ wekiwandiki make na makealueke laa la꞉ wie. I̱ma꞉ta꞉ neke pa꞉ta꞉ hone tulapelia haloma꞉ nakana꞉ma꞉ I̱ pa꞉ta꞉ make hone tulapelia halueke laa la꞉ wie leekeme.

Kini Pieke 24:7

Mo Tekehali oli hepenina꞉ Koda꞉ma꞉ mo yaka apa꞉na꞉ da kenke make mo yaka tapake manuna꞉ kenke make mina꞉pa꞉lao I̱ hatuku epea꞉me. Kutupa ipikana꞉ma꞉ I̱ pa꞉ta꞉ ota꞉ pi la꞉ witolo hata꞉ta꞉ Do kenketa꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa lea꞉me. Koto ekina꞉ ipikana꞉ma꞉ta꞉ mo nakana꞉ma꞉ yaka wekina꞉ wanda꞉ mealena꞉ta꞉ ipika꞉ enisolo amba꞉la tapaalieke.

Kini Pieke 27:46

Lepekama꞉ Aisa꞉ke pa꞉ta꞉ alota꞉ Do Isona꞉ da ma꞉nda꞉ wanda꞉ yaapo handa꞉peketa꞉ I̱ta꞉ ota꞉ ki tieke pea soka꞉la꞉ pita꞉la꞉me. Dieikopema꞉ make do Hidi wandiki tonu ma꞉nda꞉ mia꞉ka꞉na꞉ta꞉ kota꞉ I̱ta꞉ homa꞉peke make ya꞉la꞉me leekeme.

Kini Pieke 28:1

Aisa꞉kema꞉ Dieikope wi la ta꞉na꞉ma꞉ homa alota꞉ Keinani wanda꞉ ma꞉nda꞉ na mia꞉peke.

Kini Pieke 28:8

Koto opiekeeki manuma꞉ta꞉ ipika꞉ atekema꞉ mo Keinani wanda꞉weki ota꞉ kiayekeeki hando hao

Kini Pieke 34:9

Pilisio. Mina꞉ lae. Kutupa naka꞉ wanda꞉hali make yaka wanda꞉hali make mu alu alu pu hala꞉ pa꞉la꞉ tupa꞉ dikana꞉ma꞉ pi lo tonkao u pana꞉e.

Kini Pieke 38:2

Koto pateta꞉ Diudama꞉ta꞉ Keinani hali ma꞉nda꞉ Suana꞉ waneke handeekeme. Kutupa mo wandiki meata꞉

Kini Pieke 47:31

Dieikopema꞉ alota꞉ Nakana꞉ma꞉ pulueke laa keke pi la꞉ wie leeketa꞉ Diosepema꞉ keke pi la꞉ wieke handa Dieikopema꞉ koto pate ipika꞉ da panda꞉ pa꞉ta꞉ yeni pitolo hata꞉ keiyae leekeme.

Kini Pieke 50:25

Kutupa Diosepema꞉ ipika꞉ wanda꞉hali pa꞉ta꞉ta꞉ keke pi dupa lape laata꞉ honke leekeme. Ipikana꞉ma꞉ alota꞉ I̱ pa꞉ta꞉ pi la꞉ wipe laata꞉ Koda꞉ma꞉ iki koto kenke pa꞉ta꞉ hatuku pea꞉ka꞉na꞉ta꞉ kota꞉ yaka toko iki ame̱le̱ mandakena꞉ mea polumekee laa la꞉ wipee leekeme.

Kini Pieke 6:2

Kutupa mo wandiki tonuta꞉ seliapo pimiki handaa mo Koda꞉na꞉ eiyeke tonuma꞉ ika꞉ hone pia꞉ tupa꞉ muma꞉ muma꞉ pimikime.

Kini Pieke 6:4

Koto nate nina꞉ make wetepe nina꞉ make do kenkena꞉ta꞉ mo hande kenke wanda꞉ pita꞉ Koda꞉na꞉ eiyeke yaapona꞉ monduma꞉ monduma꞉ pieke weki titita꞉ ankolomeke haliweki titima꞉ handemekeme. Ikita꞉ you hali tieke tieke hata꞉ ikita꞉ mo amba꞉ kiake haemeke wanda꞉halina꞉ biki kende tupaa wieke haliweki yekeme.

1 Kotindi 7:39

Kutupa mo halina꞉ da pa꞉la꞉ wanda꞉ma꞉ta꞉ ipika꞉ haliki paa haya꞉ka꞉na꞉ta꞉ kota꞉ ipika꞉ haliki pa꞉ta꞉ hapeke ya꞉la꞉me. Koto pa꞉la꞉pate ipika꞉ haliki homea꞉ka꞉na꞉ta꞉ kota꞉ ipika꞉ hone pa꞉la꞉ halina꞉ da pa꞉ta꞉ pua꞉peke ya꞉la꞉pate pa ota꞉ Ketiso halina꞉ da pea꞉ka꞉na꞉ta꞉ ana꞉ pilieke.

Hibulu 6:16

Hali homeke ma꞉nda꞉ma꞉ ota꞉ pi loluekema꞉ta꞉ kota꞉ ota꞉ mo paeyaona꞉ bikimanu tombuao ota꞉ manda hala꞉ biki ula꞉ halina꞉ biki laa la꞉ wita꞉la꞉ pi lea꞉ka꞉na꞉ta꞉ kota꞉ koto pima꞉ta꞉ mo pi yoka꞉ alualu piki pi aleme ekimanu pa tunkulalieke.