Kini Pieke 17:8 - Panake Pi La: Ula: Buka pita: Kine Pieke Buka

⁸ Ame do neketa꞉ da ma꞉nda꞉ hali leke hale kenketa꞉ neke pa꞉ta꞉ make kia naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ make halueke. Do Keinani kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ ota꞉ hoto paeyao ika꞉ ekie la halaata꞉ I̱ta꞉ ika꞉ Koda꞉ halueke.

Kini Pieke 17:8 ပူးပေါင်းရင်းမြစ်များ

Kini Pieke 12:7

Mo Tekehalima꞉ Eipola꞉ma꞉ pa꞉ta꞉ opolo a꞉pa alota꞉ Do kenke tieke paeyaota꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halo polo kenkee leekeme. Kutu piekena꞉ Eipola꞉ma꞉ma꞉ta꞉ mo ipiki pa꞉ta꞉ opolo peeke Tekehali Koda꞉ pa꞉ta꞉ koto pate oloda a꞉eyekeme.

Kini Pieke 13:15

Koto handeleeki paeyaota꞉ neke pa꞉ta꞉ make naka꞉ monduma꞉ monduma꞉ pilipi wanda꞉wekina꞉ wanda꞉weki pa꞉ta꞉ make I̱ma꞉ kulu polo kenkee. Kutupa koto kenketa꞉ hoto paeyao naka꞉eki utia pu halieke.

Kini Pieke 13:17

Koto pa꞉la꞉ma꞉ I̱ma꞉ do kenke neke kulu polo ekina꞉ mo kenke paeyao pua hando wie leekeme.

Kini Pieke 23:4

I̱ta꞉ da ma꞉nda꞉ hali kone iki ame̱le̱ mandakena꞉ do haloma꞉ma꞉ yaka wanda꞉ hoilu polo kenke ma꞉nda꞉ hambono tapapee leekeme.

Kini Pieke 26:24

Koto timba Tekehalima꞉ ipiki pa꞉ta꞉ peneme yao alota꞉ I̱ta꞉ naka꞉ apa꞉ Eipoloha꞉ma꞉na꞉ Koda꞉e. Koto ekina꞉ paala꞉ma꞉ na homa꞉pee. I̱ta꞉ neke yaapo halome. Kutupa I̱ma꞉ mo yaka e pokaeya꞉ hali Eipoloha꞉ma꞉ pa꞉ta꞉ pi la꞉ ua꞉ ekina꞉ta꞉ neke epeaaso hata꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ tieke kulueke leekeme.

Kini Pieke 28:4

Kutupa ipikana꞉ma꞉ta꞉ Eipoloha꞉ma꞉ epeaaso pia꞉ tupa꞉ neke make naka꞉ monduma꞉ monduma꞉ pilipi wekiwandikina꞉ wekiwandiki paeyao epeaena꞉e. Kutupa make do neke hae kenketa꞉ mo Koda꞉ma꞉ mo Eipoloha꞉ma꞉ halea꞉ kenke ya꞉la꞉ ekina꞉ nakana꞉ma꞉ muelena꞉e.

Kini Pieke 35:27

Dieikopeta꞉ ateke Aisa꞉ke haya꞉ nane peekeme. Kotota꞉ mo Ma꞉mote da Hebotoni nanema꞉ ateke Aisa꞉ke pita꞉ Eipoloha꞉ma꞉ yaapo hao hayeke alena꞉e.

Kini Pieke 36:7

Ipiki mina꞉pa꞉laeyeke ekita꞉ mo Dieikope ipiliki haepeke kenketa꞉ ne doka꞉tiki yeke piekeme. Ipilika꞉ ma꞉na꞉ manuta꞉ wotu ta̱la̱o̱ handolo hata꞉ homeke pa꞉ta꞉ hapeke na yekeme.

Kini Pieke 37:1

Dieikopeta꞉ mo ipika꞉ ateke hayeke Keinani kenke pa꞉ta꞉ paa hayekeme.

Kini Pieke 48:4

I̱ pa꞉ta꞉ dupa lea꞉me. Naka꞉ monduma꞉ monduma꞉ pilipi wekiwandikina꞉ wekiwandikita꞉ tutu paeyao siki haena꞉ yeke handa wekiwandiki wopu kulueke lea꞉me. Kutupa do kenketa꞉ ika꞉eki u tia pu haena꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki halueke lea꞉me leekeme.

Aposolo 7:5

Koto pita꞉ta꞉ Koda꞉ma꞉ Eipoloha꞉ma꞉ ota꞉ ipika꞉ kenke wina꞉yeke kenke hosiki alesiki kone ma꞉nda꞉ na haleekepate Koda꞉ma꞉ pi la꞉ witolo Eipoloha꞉ma꞉ pa꞉ta꞉ make ipika꞉ hoki nane hatiki polo peleme wanda꞉hali pa꞉ta꞉ make ota꞉ kulueke laa leekeme. Koda꞉ma꞉ do pi la꞉ wieke natena꞉ta꞉ Eipoloha꞉ma꞉ma꞉ta꞉ weki ma꞉nda꞉ make na mendiki hayeke dina꞉ leekeme.

Hibulu 9:15

Koto ekina꞉ta꞉ Ketisoma꞉ mo hande panake la꞉ ula꞉ pina꞉ honkopu hawaasa꞉ ka꞉pa hali hata꞉ta꞉ wanda꞉halima꞉ mo hande amba꞉ pi wiekeeki oto pa꞉ta꞉ hata꞉ pimiki hoke haumanu bepolao ka꞉la꞉pa꞉ tapaaluekema꞉ yeke ikina꞉ homeekeme. Kutu pieke ekita꞉ ipikana꞉ma꞉ mo hande Koda꞉ma꞉ wi la꞉la꞉ wanda꞉halima꞉ Koda꞉ ipika꞉ pi la꞉ wieke na paeta꞉la꞉ epeaasa꞉ ekimanu mina꞉yeke piekeme.

Peneme Yaeyekeeki 21:7

Ma꞉nda꞉ epima꞉ a꞉nda꞉ peaa bepolaasa꞉ hali haya꞉ka꞉na꞉ta꞉ I̱ pa꞉ta꞉ doeki mina꞉e. I̱ta꞉ ipika꞉ Koda꞉ halueke. Kutupa ipikita꞉ yaka weki au lalueke.