Kini Pieke 1:3 - Panake Pi La: Ula: Buka pita: Kine Pieke Buka

³ Kutupa Koda꞉ma꞉ alota꞉ Pa̱a̱ pa꞉la꞉eki wina꞉e leeke handaata꞉ pa̱a̱ piekeme.

Kini Pieke 1:3 ပူးပေါင်းရင်းမြစ်များ

Kini Pieke 2:4

Mo kenke ya yaapo make mo ala꞉ta꞉ ala꞉ta꞉ paeyao wepieke tupa꞉ta꞉ kotoe.

Ma꞉tiu 8:3

Koto leeke Yesuma꞉ ipika꞉ kiki tindipao wataaso hata꞉ alota꞉ Aowe. I̱ hone pa꞉la꞉me. Naka꞉ kindi yenita꞉ epeao epeke loke halena꞉ alome leekeme. Koto leeke tomona꞉ kota꞉ mo somena꞉ kindi yenita꞉ hapua mateekeme.

Dioni 1:5

Mo hande pa̱a̱ peaasa꞉ ekima꞉ta꞉ mo timba꞉ la꞉pa pula꞉ pa꞉ta꞉ pa̱a̱ peaasa꞉pate kone mo hande timba꞉ la꞉la꞉ ekima꞉ta꞉ pa̱a̱ pa꞉la꞉eki na honiao hala꞉me.

Dioni 1:9

Mo hande pa̱a̱ pa꞉la꞉ ekita꞉ ota꞉eki yaalo hata꞉ kenke paeyao pa꞉ta꞉ a꞉paata꞉ wanda꞉hali paeyaona꞉ pa̱a̱ peao hala꞉me.

Dioni 11:43

Yesuma꞉ koto laa anekema꞉ wi alo hata꞉ alota꞉ La꞉satesio. Hama epoe leekeme.

Dioni 3:19

Mo pi yokaalu pulu pa꞉la꞉ ekita꞉ dupae. Do kenkena꞉ pa̱a̱ pa꞉la꞉eki amba꞉ epa꞉la꞉pate haliwekima꞉ta꞉ ika꞉ hoke haumanu pu haleme ekina꞉ hande pa̱a̱ pa꞉la꞉ ekita꞉ kiao mo timba꞉la꞉ pamba꞉la꞉eki pa꞉ta꞉ haluekema꞉ hone witelememe.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

Epesese 5:14

Kutupa mo hande pa̱a̱ pita꞉la꞉ ekima꞉ peneme yaasa꞉eki manuta꞉ pa̱a̱ pita꞉la꞉eki kone yelieke. Koto ekina꞉ wape dupa pa꞉la꞉me. U peile halio. A̱i̱ tiae. Homa꞉la꞉eki mina꞉pa꞉lao tiaeka꞉na꞉ta꞉ Ketisoma꞉ neke pa̱a̱ pealieke wape pa꞉la꞉me.

Epesese 5:8

Amba꞉ titina꞉ ikita꞉ timba꞉ la꞉pa peeke pa꞉ta꞉ haemepate ameta꞉ Tekehalina꞉ wanda꞉hali haleme ekina꞉ pa̱a̱ pita꞉la꞉eki tukiki pa꞉ta꞉ haleme wanda꞉hali ana꞉na꞉ hapa꞉peke.

1 Timodi 6:16

Ipiki homeketa꞉ ipika꞉ kone pa da꞉taa hao hala꞉ Koda꞉ hala꞉me. Wanda꞉halima꞉ ipiki hala꞉ teke pa꞉ta꞉ pua꞉peke na yeke pa̱a̱ tieke pa꞉ta꞉ hala꞉me. Ipikita꞉ hali ma꞉nda꞉ma꞉ ota꞉ na handemeke yeke Koda꞉ yeke handaata꞉ ame make ota꞉ ma꞉nda꞉ma꞉ handa꞉peke na ya꞉la꞉me. Ipika꞉ biki tieke ota꞉ kende wina꞉ make mo na paeyeke pa hao hala꞉ Kilu Tombuao hala꞉ ekina꞉ wele make ipika꞉eki wina꞉e. Kutu pina꞉e.

1 Dioni 1:5

Ameta꞉ nikana꞉ma꞉ mo Koda꞉na꞉ Eiyeke pa꞉ta꞉ yama꞉ opoloma꞉ ekimanu iki paeyao pa꞉ta꞉ opuaaseme ekita꞉ doe. Koda꞉ta꞉ pa̱a̱ kone yaalo hata꞉ ipiki pa꞉ta꞉ta꞉ timba꞉ la꞉la꞉eki ota꞉ ma꞉nda꞉ dia꞉me.

1 Dioni 2:8

Koto pa꞉la꞉pate I̱ma꞉ ame do laaso pi ula꞉ ekita꞉ panakeekie. Pa ekipeke ipika꞉ ota꞉ ekita꞉ Ketiso pa꞉ta꞉ make iki pa꞉ta꞉ make handoloma꞉me. Kota꞉ mo timba꞉ ala꞉ ekita꞉ amba꞉ lombei pita꞉la꞉me. Kutupa mo ota꞉ pa̱a̱ pa꞉la꞉ ekita꞉ amba꞉ pa̱a̱ pita꞉la꞉me.