Ka꞉leisia 6:2 - Panake Pi La: Ula: Buka pita: Kine Pieke Buka

² Ika꞉ ka꞉nda꞉ pa꞉la꞉ ekimanu ika꞉ ika꞉ kone tamba꞉ mu alualu pea꞉pa꞉peke. Kutu piki hau pilimi ekima꞉ta꞉ Ketisona꞉ pi la ula꞉ ekima꞉ la꞉la꞉eki telielememe.

Ka꞉leisia 6:2 ပူးပေါင်းရင်းမြစ်များ

Ma꞉tiu 8:17

Yesuma꞉ koto wanda꞉hali epeaeyeke hau manuta꞉ amba꞉ hande potopede hali Aisayama꞉ la꞉ witolo hata꞉ alota꞉ Ipikana꞉ma꞉ ipika꞉ kone nika꞉ ki yenimanu meao make mo biki ula꞉ yeni tekemanu make yoka꞉ mea baeyekeme laa la꞉ wieke pi yaaluekema꞉ yeke piekeme.

Luku 11:46

Yesuma꞉ alota꞉ Lo Pi walo haleme haliwekio iki make ika꞉ hoke yenki tiekena꞉ I̱ paala꞉e. Ikana꞉ma꞉ wanda꞉halina꞉ hoki mandata꞉ ma꞉nda꞉ma꞉ tia꞉peke na yeke ka꞉nda꞉ piki alemanu mea tiao halemepate ikana꞉ma꞉ta꞉ ika꞉ kiki ma̱leke kone tindipao na tamba꞉ mea tialimikie.

Dioni 13:34

Ameta꞉ I̱ma꞉ iki pa꞉ta꞉ panake pi ula꞉eki la꞉ wiaasome dupa. Ika꞉ kone pukima꞉ homaalu alu pea hapa꞉peke. I̱ma꞉ iki pa꞉ta꞉ pukima꞉ homao tupa꞉ ikana꞉ma꞉ make pukima꞉ homaalu alu pea꞉pa꞉peke laa

Dioni 15:12

Yaka pi witolo ekita꞉ dupae. I̱ma꞉ iki pa꞉ta꞉ pukima꞉ homolo tupa꞉ ikana꞉ma꞉ make pukima꞉ homaalualu pea꞉pa꞉peke.

Loma꞉ 15:1

Nikana꞉ma꞉ta꞉ nika꞉ hone tulao haloma꞉eki honkopu hao hata꞉ta꞉ mo damako piki wanda꞉hali ika꞉ ka꞉nda꞉ pa꞉la꞉ ekimanu meatia pena꞉yeke tamba꞉ mumana꞉e. Nikana꞉ma꞉ niki kone ta꞉na꞉ma꞉ na homaamana꞉e.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

1 Kotindi 9:21

Koto tupa꞉ kone mo Diendaili wanda꞉hali ame̱le̱ hata꞉ koto wanda꞉hali muluekema꞉ ikana꞉ma꞉ mo Diu wanda꞉halina꞉ Lo Pimanu pa꞉ta꞉ na haleme tupa꞉ I̱ make koto tupa꞉ halome. Do alo ekima꞉ta꞉ I̱ta꞉ Koda꞉na꞉ pi ula꞉eki yamba꞉la꞉ hali leke halome pi na leke I̱ta꞉ Ketisona꞉ pi ula꞉eki pa꞉ta꞉ teliolo hali halo ekina꞉ loa꞉me.

Ka꞉leisia 6:5

Hali homeke homekema꞉ ipika꞉ ka꞉nda꞉ pa꞉la꞉eki ipika꞉ kone mea tu hapeke yelieke.

1 Desalonaika 5:14

Kametitio. Iki sutiaasoma꞉me dupa. Pa pitu haleme wanda꞉halita꞉ mana꞉ laka꞉na꞉ mo pututuma꞉ homeleme wanda꞉hali sa꞉tiaaso hata꞉ mo damakopiki wanda꞉hali pa꞉ta꞉la꞉ mea꞉tiki pea iki paeyao wotu handeteke hatiki pea꞉pa꞉peke.

Dia꞉mesi 1:25

Kutu pita꞉la꞉pate hali epima꞉ mo hande seliapopiki pi ula꞉ ekimanu hande wanda꞉hali ka꞉la꞉pao hala꞉ pi ula꞉ ekimanu pa꞉ta꞉ loa꞉me. Hali epima꞉ kotoeki manuna꞉ hando haota꞉ pa katakema꞉ homeke na opiki opua ota꞉ pia꞉ka꞉na꞉ta꞉ koto halita꞉ pitolo haena꞉ kone Koda꞉ma꞉ epeaalieke.

Dia꞉mesi 2:12

Wanda꞉hali ka꞉la꞉pa꞉ tapaasa꞉ pi ula꞉eki manuma꞉ koto pi ula꞉ ekina꞉ pi yokaalu pilimiki laa hone witolo hata꞉ pi pi la pea꞉tiki pea꞉pa꞉peke.

Dia꞉mesi 2:8

Nika꞉ you halima꞉ta꞉ mo Baibolo buka pa꞉ta꞉ mo hande Lo Pimanu wape pa꞉la꞉ ekita꞉ Naka꞉ kone pukima꞉ homele tupa꞉ wanda꞉hali pa꞉ta꞉ make pukima꞉ homa꞉peke ala꞉ pi opua pimika꞉na꞉ta꞉ epeke hau pilimikie.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.

2 Pida 2:21

Mo hande yakopiki pi ula꞉eki iki pa꞉ta꞉ haleekeeki hone wia kone paa mina꞉pa꞉lao peleme ekima꞉ mo ota꞉ tikitiki piki ekina꞉ pota꞉ hone na wimika꞉na꞉ yoluta꞉ ota꞉ epolo pia꞉me.

2 Pida 3:2

Yaka hone pa꞉la꞉ ekita꞉ mo yakopiki potopede haliwekima꞉ amba꞉ hande la kimi pimanu make hande Pa꞉ta꞉la꞉la꞉ Tekehalina꞉ pi wiekeeki ika꞉ aposolo haliweki pa꞉ta꞉ yama꞉ iki kia꞉eki tonka꞉na꞉ niminatiki piomena꞉ loa꞉me.

1 Dioni 4:21

Mo hande Ketisoma꞉ niki pa꞉ta꞉ ka꞉la꞉ pi ula꞉ ekita꞉ dupae. Ma꞉nda꞉ epima꞉ Koda꞉ pa꞉ta꞉ pukima꞉ homea꞉ka꞉na꞉ta꞉ kota꞉ ipikita꞉ mo ipika꞉ kame pa꞉ta꞉ make pukima꞉ homa꞉peke ya꞉la꞉me la la꞉la꞉me.