Ka꞉leisia 6:18 - Panake Pi La: Ula: Buka pita: Kine Pieke Buka

¹⁸ Mo nika꞉ Tekehali Yesu Ketisona꞉ pa hameke a꞉ta꞉ma꞉ homa꞉la꞉ ekina꞉ iki ya kametonu paeyao ame̱le̱ hao haena꞉e. Kutu pina꞉e.

Ka꞉leisia 6:18 ပူးပေါင်းရင်းမြစ်များ

2 Timodi 4:22

Mo Tekehalita꞉ naka꞉ temoko yaapo hao haena꞉e. Koda꞉na꞉ a꞉ta꞉ma꞉ homa tamba꞉ mina꞉la꞉eki make iki paeyao ame̱le̱ hao haena꞉e.

Loma꞉ 16:20

Kutu pimika꞉na꞉ta꞉ hande puki lopa꞉niaasa꞉ ekina꞉ teke hali Koda꞉ma꞉ mo Sadanita꞉ ika꞉ anke teke pa꞉ta꞉ lu tombualo pa꞉la꞉ ekita꞉ teke pa꞉ta꞉ ya꞉la꞉me. Tekehali Yesu ipika꞉ pa hameke a꞉ta꞉ma꞉ homa꞉la꞉eki iki ame̱le̱ pitina꞉ lena꞉e alome.

Pailimono 1:25

Koto ekina꞉ Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉eki iki homeke homeke ame̱le̱ nate paeyao u haena꞉e alome.

Peneme Yaeyekeeki 22:21

Tekehali Yesuna꞉ a꞉ta꞉ma꞉ homolo tamba꞉ mina꞉la꞉ ekita꞉ iki paeyao pa꞉ta꞉ wina꞉e.

Loma꞉ 16:23

Hande siosi wanda꞉hali mombolo haleme do da pa꞉ta꞉ I̱ handeteke hala꞉ da teke hali Kaiasima꞉ make iki pa꞉ta꞉ a꞉taloe pi la꞉niaasa꞉me. Do daonina꞉ kapomanina꞉ mani handeteke hala꞉ hali Eta꞉situsima꞉ make nika꞉ Ketiso kame Kuodasima꞉ make ipilikana꞉ma꞉ iki pa꞉ta꞉ a꞉taloe pi la꞉niaasepeme.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Loma꞉ 1:13

Yaka kame titio doeki hone wia꞉pa꞉peke. I̱ta꞉ iki ame̱le̱ hosiki halo ipuluekema꞉ hoto elekeeleke pua꞉pate ale ma꞉nda꞉ma꞉ yaka pota꞉ sa꞉sa꞉ pu hala꞉me. Iki ame̱le̱ haleme mandane wanda꞉halima꞉ pi mina꞉ puki la꞉ka꞉laluekema꞉ mo mandane Diendaili wanda꞉hali pa꞉ta꞉ pua꞉ tupa꞉ puluekema꞉ I̱ma꞉ hone pa꞉la꞉me.

Ka꞉leisia 3:15

Kame tonuo. Ameta꞉ I̱ma꞉ mo hande nate paeyao pu haloma꞉ hau ma꞉nda꞉ minolome. Hali yaapoma꞉ hau ma꞉nda꞉ puluekema꞉ dupupana꞉e laa pi la꞉ witolo hata꞉ toopi mini pika꞉na꞉ta꞉ ipilika꞉ ipilika꞉ kone ma꞉nda꞉ma꞉ koto pi la꞉ witelepeeki tunkula make hau ma꞉nda꞉ na apa꞉taapeke yelieke.

Ka꞉leisia 4:12

Kametonuo. Ikita꞉ I̱ tupa꞉ hamena꞉yeke I̱ma꞉ iki honke alome. I̱ make ikima꞉ handeke some kone halome. Ikana꞉ma꞉ I̱ pa꞉ta꞉ hoke hau ma꞉nda꞉ na pelememe.

Ka꞉leisia 4:28

Ya kametonuo. Ikita꞉ mo hande la꞉ wieke ekina꞉ mendieke weki Aisa꞉ke tupa꞉ kone iki make Koda꞉ma꞉ la꞉ wieke ekina꞉ ipika꞉ wekiwandiki halememe.

Ka꞉leisia 6:1

Ya kametonuo. Ma꞉nda꞉ma꞉ hoke hau pitolo haena꞉ handemeka꞉na꞉ta꞉ kota꞉ iki epita꞉ mo Holi Sipitidima꞉ tumbiki some hombo ikana꞉ma꞉ mo some mea tiao haena꞉ alota꞉ ota꞉ yopu siki pia꞉pa꞉peke. Kuta make mo hande ipiki mea lopaeya꞉ hauma꞉ iki make yola꞉ mea lopaama꞉na꞉ wopu handeteke hata꞉ pia꞉pa꞉peke.