Ka꞉leisia 6:16 - Panake Pi La: Ula: Buka pita: Kine Pieke Buka

¹⁶ Do hau telieleme wanda꞉hali iki pa꞉ta꞉ Koda꞉na꞉ puki lopaasa꞉eki pita꞉ ipika꞉ a꞉ta꞉ma꞉ homa꞉la꞉eki yaapota꞉ iki ame̱le̱ hao haena꞉e. Iki ame̱le̱ make mo mandane Koda꞉na꞉ wanda꞉hali paeyao ame̱le̱ make hao haena꞉e.

Ka꞉leisia 6:16 ပူးပေါင်းရင်းမြစ်များ

Dioni 1:47

Nada꞉niele Yesu pa꞉ta꞉ ipulu haena꞉ kone Yesuma꞉ handa Nada꞉nielena꞉ pita꞉la꞉ ekita꞉ dupae laa ma꞉nda꞉ pa꞉ta꞉ la halolo alota꞉ Do halita꞉ ota꞉ Isulai halie laa ipiki pa꞉ta꞉ yayapiki hau ma꞉nda꞉ na ula꞉me leekeme.

Dioni 14:27

I̱ma꞉ iki mina꞉pa꞉lao pulupate puki lopa꞉niaasa꞉ ekita꞉ iki pa꞉ta꞉ pa wina꞉ laa pulume. Yaka puki lopa꞉niaasa꞉eki kone iki pa꞉ta꞉ kitolome. Kutupa mo kenke wanda꞉halima꞉ iki pa꞉ta꞉ kita꞉la꞉ tupa꞉ pa na kitolome. Koto ekina꞉ hone eleke eleke na wiki paala꞉ma꞉ na homa꞉pa꞉peke laa leekeme.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 4:12

Kutu pa꞉la꞉pate Eipoloha꞉ma꞉ ipikita꞉ mo sekemesaisi hau pea haleme haliwekina꞉ apa꞉ make hala꞉me. Iki sekemesaisi hau pea haleme ekina꞉ dia꞉ya꞉la꞉pate hande nika꞉ apa꞉ Eipoloha꞉ma꞉ma꞉ta꞉ sekemesaisi hau na piki hata꞉ kone hone tulaeyeke tupa꞉ ikana꞉ma꞉ make hone tulaaseme ekina꞉ loa꞉me.

Ka꞉leisia 1:3

Apa꞉ Koda꞉ make Tekehali Yesu Ketiso ipilikana꞉ma꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make iki pa꞉ta꞉ kina꞉e.

Ka꞉leisia 3:29

Ikita꞉ Ketiso ipika꞉eki haemeka꞉na꞉ta꞉ kota꞉ ikita꞉ mo Eipoloha꞉ma꞉na꞉ hoki nane wanda꞉hali hata꞉ Koda꞉na꞉ kulueke laa pi la꞉ wiekeeki milimikie.

Ka꞉leisia 5:16

I̱ma꞉ta꞉ dupiki pi alome. Mo Sipitidima꞉ ika꞉ pu haleme haumanu kilu tombuao handeteke hata꞉ tikitiki yawaena꞉ lapa꞉peke. Kutu pimika꞉na꞉ta꞉ kota꞉ ikana꞉ma꞉ mo ika꞉ lokema꞉ na꞉na꞉ pa꞉la꞉ hau manuta꞉ na telia pilimikie.

Ka꞉leisia 5:25

Mo Holi Sipitidima꞉ta꞉ nika꞉ da꞉ta haloma꞉ ekina꞉ teke haleke handaata꞉ kota꞉ mo do haloma꞉eki make Holi Sipitidima꞉ kone tombuao haena꞉ lomana꞉ pea꞉peke alee.

Epesese 6:23

Nika꞉ Apa꞉ Koda꞉ma꞉ make Tekehali Yesu Ketisoma꞉ make iki pa꞉ta꞉ puki lopa꞉niaasa꞉eki make pukima꞉ homa꞉la꞉eki make hone tulaasa꞉eki tonka꞉na꞉ kia꞉ka꞉na꞉ta꞉ epelieke.

Pilipai 3:16

Eki hau puma꞉ka꞉na꞉ta꞉ mo amba꞉ mea putia epoma꞉ hau tupa꞉ kone ame do ane make koto hau tupa꞉ kone pua꞉tiki pomana꞉e.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Pilipai 4:7

Koto ekina꞉ ikana꞉ma꞉ Yesu Ketiso ame̱le̱ tunao haseme ekina꞉ta꞉ mo wanda꞉halina꞉ hone wilimieki ota꞉ lombeipiki Koda꞉na꞉ puki lopaasa꞉ ekima꞉ ika꞉ hone puki yaapo hoeyaama꞉na꞉ epeke tupa꞉ handeteke hao halieke.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.

Diudi 1:2

A꞉ta꞉ma꞉ homa꞉la꞉eki make puki lopa꞉niaasa꞉eki make pukima꞉ homa꞉la꞉eki manuma꞉ make tumba ankou ala꞉ ekita꞉ ika꞉eki ya꞉na꞉e.