Ka꞉leisia 5:9 - Panake Pi La: Ula: Buka pita: Kine Pieke Buka

⁹ Mo hande palaowa pombei yaasa꞉ yisiti sikima꞉ta꞉ mo palaowa paeyao kone pombei yelieke alemepate

Ka꞉leisia 5:9 ပူးပေါင်းရင်းမြစ်များ

Ma꞉tiu 13:33

Yesuma꞉ iki pa꞉ta꞉ onkoluma꞉ pi ma꞉nda꞉ paa la haleekeme dupa. Mo hepenina꞉ Kilu Tombuao Hala꞉ ekita꞉ yisitima꞉ handa꞉la꞉me. Wanda꞉ homekema꞉ mo yisitimanu mea sini tieke tumbiki palaowa tapu dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Ma꞉tiu 23:33

Ikita꞉ keto manuna꞉ eiyeke tonu kone keto halememe. Ikana꞉ma꞉ta꞉ iki mo ti to hala꞉ ale pa꞉ta꞉ pomena꞉ tapaalo pa꞉la꞉ ekita꞉ ekieki pa wendulumeke hone wilimipe.

Maka 8:15

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi haliwekina꞉ palaowa pombei yaasa꞉eki make Hetodina꞉ palaowa pombei yaasa꞉eki make wotu handa꞉pa꞉peke leekeme.

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 13:21

Dupa manda꞉ meanoe. Wanda꞉ ma꞉nda꞉ma꞉ mo palaowa pombei yaasa꞉ yisitisiki mea palaowa nu homeke mea apa꞉tao kawasona꞉ dakole dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

1 Kotindi 15:33

Makeaasa꞉eki na opua꞉pa꞉peke. Hoke wanda꞉hali ame̱le̱ pomuma꞉ka꞉na꞉ta꞉ kota꞉ nika꞉ epeke hau pitoloma꞉eki hoeyaapeke ya꞉la꞉me.

2 Timodi 2:17

Koto Koda꞉ mataake pi la kita꞉la꞉ pita꞉ mo mindiki na꞉paasa꞉ bolekema꞉ handa꞉la꞉me. Kutu piki pita꞉ yaapo hali Haimeniasi pita꞉ Pailita꞉si yaapoma꞉ walepeme.