Ka꞉leisia 5:3 - Panake Pi La: Ula: Buka pita: Kine Pieke Buka

³ Hoto yaapo peao paa kinki pitolo I̱ma꞉ alota꞉ Hali ma꞉nda꞉ epima꞉ ma꞉nda꞉ma꞉ ipiki sekemesaisi hau pina꞉ lea꞉ka꞉na꞉ta꞉ kota꞉ koto halita꞉ mo hande Lo Pi ula꞉eki paeyaona꞉ oto pa꞉ta꞉ homeke hao halieke.

Ka꞉leisia 5:3 ပူးပေါင်းရင်းမြစ်များ

Ma꞉tiu 23:16

Iki pa꞉ta꞉ hoke yenki tieke ipuleke handolo ekina꞉ I̱ paala꞉e. Ikita꞉ leke holupa pota꞉ na handeke hata꞉ kone Do pota꞉na꞉ ipupe laa lo haleme haliwekie. Ika꞉ waleme pi manuta꞉ dupa Mandali epima꞉ mo tembolo dana꞉ biki la alo hata꞉ hali keke pi la꞉ wia kone paa topo pia꞉ka꞉na꞉ta꞉ pa aleta꞉ ma꞉nda꞉ dia꞉ ya꞉la꞉pate pa mo somema꞉ tembolo da tukiki pa꞉ta꞉ ula꞉ kolona꞉ biki la alo hata꞉ hali keke pi wia꞉ka꞉na꞉ta꞉ kota꞉ koto pita꞉ ota꞉ topo pia꞉peke na ya꞉la꞉me laa walo halememe.

Ma꞉tiu 23:18

Ika꞉ waleme pi ma꞉nda꞉ta꞉ dupa Mandali epima꞉ mo olodana꞉ biki la alo hata꞉ hali keke pi la꞉ wia kone paa topo pia꞉ka꞉na꞉ta꞉ kota꞉ pa aleta꞉ ma꞉nda꞉ dia꞉ ya꞉la꞉pate pa mo somema꞉ mo oloda manda ula꞉ hotekena꞉ biki la alo hata꞉ hali keke pi wia꞉ka꞉na꞉ta꞉ kota꞉ koto pita꞉ ota꞉ topo pia꞉peke na ya꞉la꞉me laa walo halememe.

Luku 16:28

Koto pa꞉ta꞉ta꞉ yaka kame tonu yunki hata꞉ halemema꞉ iki make do tanda pu hala꞉ alena꞉ a꞉paama꞉na꞉yeke La꞉satesima꞉ kinki pulu pena꞉yeke loa꞉me leekeme.

Aposolo 15:1

Kutupa mandane Diudia nane haemeke haliwekima꞉ koto pa꞉ta꞉ hao hola꞉pa꞉nini pea a꞉pa Ketiso wanda꞉hali pa꞉ta꞉ pi walolo alota꞉ Mo hande Mosesima꞉ waleeke sekemesaisi hau na pimika꞉na꞉ta꞉ ikita꞉ deto hala꞉ ekita꞉ na milimikie laa lemekeme.

Aposolo 2:40

Pidama꞉ koto tupa꞉ pi walaata꞉ pa mandane pimanu make mea a꞉meiyao alota꞉ Do hoke wanda꞉hali hoeyaaluekema꞉ ipilie panisima꞉ iki tonka꞉na꞉ hoeyaapa꞉na꞉ ota꞉ paapa꞉peke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Loma꞉ 2:25

Nakana꞉ma꞉ta꞉ hande Lo Pimanu opua miniki hata꞉ pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ a꞉pa꞉la꞉pate pa nakana꞉ma꞉ hande Lo Pimanu opua na pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ pa ekie.

Ka꞉leisia 3:10

Epi amedama꞉ mo Lo Pi ula꞉eki pitolo ekima꞉ta꞉ I̱ ana꞉na꞉ epeaalieke laa hone ti laeya꞉ka꞉na꞉ta꞉ kota꞉ ipikita꞉ mo Koda꞉na꞉ esihou pi oto pa꞉ta꞉ hala꞉me. Kota꞉ mo Baiboloma꞉ alota꞉ Epima꞉ mo wape pea ula꞉ pi ula꞉eki paeyao ota꞉ tana꞉ paeyaona꞉ opua na pu haya꞉ka꞉na꞉ta꞉ kota꞉ koto some epita꞉ Koda꞉ ipika꞉ esihou pi yu wia hala꞉eki oto pa꞉ta꞉ hala꞉me ala꞉me.

Ka꞉leisia 5:2

Opua꞉pa꞉ I̱ta꞉ Poloma꞉ iki pa꞉ta꞉ do pi alome. Ikita꞉ ma꞉nda꞉ma꞉ sekemesaisi hau pina꞉ lemeka꞉na꞉ta꞉ kota꞉ ikana꞉ma꞉ Ketisota꞉ ota꞉ pa ale leke haena꞉ lelimikie.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

1 Desalonaika 4:6

Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.