Ka꞉leisia 5:21 - Panake Pi La: Ula: Buka pita: Kine Pieke Buka

²¹ o ma꞉nda꞉na꞉ epeke hauna꞉ mineke panka꞉la꞉eki make o ikali naa keaasa꞉eki make o kima꞉ na homeke hoke ikali nala꞉ haumanu make kutupiki mandane hau ma꞉nda꞉manu make hone wilimime. Amba꞉ iki kinki pua꞉ tupa꞉ ame make paa kinki pitolome. Do alo haumanu pu haleme wanda꞉hali ikita꞉ Koda꞉na꞉ Kilu Tombuao Hala꞉eki pa꞉ta꞉ pua꞉peke na yelieke.

Ka꞉leisia 5:21 ပူးပေါင်းရင်းမြစ်များ

Ma꞉tiu 25:34

Kutu pu paeya꞉ka꞉na꞉ta꞉ mo Kini Halima꞉ ipika꞉ popeke nanema꞉ halimi wanda꞉hali pa꞉ta꞉ alota꞉ Ikita꞉ Koda꞉na꞉ wamo pa꞉la꞉eki mimiki wanda꞉hali yeleme ekina꞉ ika꞉ Apa꞉ Koda꞉ma꞉ do kenke kini pea wepieke toma꞉na꞉ kone tikitiki yao wina꞉ la꞉la꞉ kilu tumbuao hala꞉ kenke a꞉pa mipee lelieke.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Loma꞉ 13:13

Nikita꞉ natena꞉ pominoloma꞉ wanda꞉hali leke hata꞉ta꞉ popeke pa꞉la꞉ haumanu pumana꞉e. Hoke ikali naa keaaso hata꞉ yaala꞉ma꞉ na homeke haumanu make suseke haasa꞉ hau pamba na piki haumanu make a꞉nda꞉ pita꞉la꞉eki honditi pita꞉la꞉eki make kutupiki haumanu ikana꞉ma꞉ pea꞉peke na ya꞉la꞉me.

Loma꞉ 8:13

Ikana꞉ma꞉ ika꞉ lokena꞉ hone pa꞉la꞉ ekimanu pea꞉tiki pu haemeka꞉na꞉ta꞉ ota꞉ homilimikie. Kutu pulu pelemepate Sipitidi ipika꞉ wele pita꞉la꞉ ekina꞉ ikana꞉ma꞉ ika꞉ lokema꞉ hoke hau piteleme ekimanu lu homaemeka꞉na꞉ta꞉ kota꞉ iki da꞉ta halimikie.

1 Kotindi 15:50

Kametitio. Do ekina꞉ alome. Loke mindiki wema꞉ wa꞉pa꞉la꞉ ekita꞉ Koda꞉na꞉ Kilu Tombuao Hala꞉eki pa꞉ta꞉ pua hapeke na ya꞉la꞉me. Kutupa homa꞉peke ya꞉la꞉ ekita꞉ deto hala꞉eki mea꞉peke na ya꞉la꞉me.

1 Kotindi 5:11

I̱ma꞉ loa꞉ ekita꞉ do ekina꞉ yeke loa꞉me. Hali ma꞉nda꞉ma꞉ iki pa꞉ta꞉ alota꞉ I̱ta꞉ ika꞉ Ketiso kamee la ala꞉pate ipikana꞉ma꞉ tooli ka꞉taasa꞉ hau o honumake hau o toopi tima꞉ wepia ula꞉ ale pa꞉ta꞉ panda꞉ puniaasa꞉ hau o pi la la pita꞉la꞉ hau o hoke ikali naa keaasa꞉ hau o pi ula꞉ ekimanu yamba꞉la꞉la꞉ hau pa pulu ombu haya꞉ka꞉na꞉ta꞉ kota꞉ kutupiki hali ame̱le̱ na hapa꞉peke loa꞉me. Kutu piki hali ame̱le̱ mandake pa꞉ta꞉ pua pita꞉ kone ne na napa꞉peke.

Epesese 5:18

Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.

Kolosi 3:6

Pa ekipeke do haumanu piteleme ekina꞉ yeke Koda꞉na꞉ mineke panka꞉la꞉ ekita꞉ ipika꞉ pi na opua pita꞉la꞉ wanda꞉hali pa꞉ta꞉ ipilieke.

1 Desalonaika 5:7

Timbata꞉ wanda꞉halina꞉ u̱ pelieleme die. Kutupa timba kone wanda꞉halima꞉ hoke ikali naa keaaseme die.

2 Desalonaika 2:5

Na niminaasemepe. Do alo pi paeyaota꞉ I̱ iki ame̱le̱ hande mandake hama꞉ pita꞉ma꞉ la kua꞉me.

Hibulu 13:4

Wanda꞉ hapua mina꞉la꞉ hauta꞉ ota꞉ a꞉pa꞉la꞉ hauma꞉ pa꞉la꞉ma꞉ hone wopu wia handeteke hapa꞉peke. Tooli haepeka꞉na꞉ta꞉ kota꞉ ipilika꞉ loke homeke hone ualu pea hapa꞉peke. Mo suseke haasa꞉ hau pu make tooli hoeyaaso pake nala꞉ hau pu haleme wanda꞉halita꞉ Koda꞉ma꞉ pi yokaalu pilieke.

1 Pida 4:3

Amba꞉ta꞉ ikana꞉ma꞉ mo pi na miki wanda꞉halima꞉ ika꞉ hone pa꞉la꞉ hau pu haleme hau pimime. Koto hauna꞉ta꞉ nate ana꞉na꞉ paeyaememe. Mo yola꞉la꞉ hau pita꞉la꞉eki make leke pola꞉paasa꞉eki make hoke ikali naa keaasa꞉eki make (ne hoke ikali tieke pamba naa keao) siaka꞉ hake hau pita꞉la꞉eki make mo yeni hau pita꞉la꞉ alemanu pa꞉ta꞉ handa꞉peke na yo moka꞉laapeke na yo piki yeni hau pita꞉la꞉eki make koto hau manuna꞉ ika꞉ nate paeyaememe.

Peneme Yaeyekeeki 21:27

Pate mo ha̱i̱ piki ala꞉ta꞉ ma꞉nda꞉ koto daoni pa꞉ta꞉ na honda꞉ pambilieke. Koto tupa꞉ kone ma꞉nda꞉ epima꞉ yaala꞉piki haumanu pu o yayapiki pi lo hala꞉ some make na honda꞉ pambilieke. Mo Sipisipi Ma꞉na꞉ Ikiki ipika꞉ da꞉ta꞉la꞉ tapakena꞉ biki ula꞉ bukana꞉ biki laala꞉ wanda꞉hali homeke koto daoni pa꞉ta꞉ honda꞉ pambilimikie.

Peneme Yaeyekeeki 22:15

Pate mo ata꞉ka꞉ peaaseme tapake make ti̱o̱ hau pu haleme tapake make pake nalo loke apa꞉taaseme tapake make honema꞉ kone hali lu homaaseme tapake make toopi ti wepia꞉ ula꞉ ale pa꞉ta꞉ yeni hau pu haleme tapake make yayapiki ekina꞉ ta꞉na꞉ma꞉ homa pu haleme tapake make paeyao sikita꞉ mo daoni tea꞉na꞉ hama꞉ nane halememe.