Ka꞉leisia 5:2 - Panake Pi La: Ula: Buka pita: Kine Pieke Buka

² Opua꞉pa꞉ I̱ta꞉ Poloma꞉ iki pa꞉ta꞉ do pi alome. Ikita꞉ ma꞉nda꞉ma꞉ sekemesaisi hau pina꞉ lemeka꞉na꞉ta꞉ kota꞉ ikana꞉ma꞉ Ketisota꞉ ota꞉ pa ale leke haena꞉ lelimikie.

Ka꞉leisia 5:2 ပူးပေါင်းရင်းမြစ်များ

Aposolo 15:1

Kutupa mandane Diudia nane haemeke haliwekima꞉ koto pa꞉ta꞉ hao hola꞉pa꞉nini pea a꞉pa Ketiso wanda꞉hali pa꞉ta꞉ pi walolo alota꞉ Mo hande Mosesima꞉ waleeke sekemesaisi hau na pimika꞉na꞉ta꞉ ikita꞉ deto hala꞉ ekita꞉ na milimikie laa lemekeme.

Aposolo 15:24

Nika꞉ da nane haliweki mandaneeki manuma꞉ pi walolo hata꞉ iki ka꞉nda꞉ peaemeke ekita꞉ opuma꞉me. Nikana꞉ma꞉ dupa lapa꞉peke pi na loma꞉pate pa ika꞉ konema꞉ iki ka꞉nda꞉ma꞉ homaemekeme.

Aposolo 15:5

mandane Pa꞉tisi tapake Ketiso haliwekima꞉ tiao alota꞉ Mo wanda꞉halita꞉ sekemesaisi hau pina꞉ laata꞉ Mosesima꞉ waleeke Lo Pimanu make opina꞉ laata꞉ ana꞉ pa꞉la꞉me lemekeme.

1 Kotindi 16:21

Yaka kikima꞉ kone I̱ta꞉ Poloma꞉ iki pa꞉ta꞉ keiyae pi la꞉niaasome laa do wape pea polome.

2 Kotindi 10:1

I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

Ka꞉leisia 5:11

Ya kame tonuo. Mandane haliwekima꞉ I̱ pa꞉ta꞉ aleme pita꞉ I̱ma꞉ mo sekemesaisi hau pumana꞉ pipe laa pa wala꞉tia pu haowa꞉ka꞉na꞉ta꞉ kota꞉ pa ekipeke ikana꞉ma꞉ I̱ pa ka꞉nda꞉ peao halemepe. Koto aleme pita꞉ ota꞉ pi ya꞉ka꞉na꞉ yoluta꞉ kota꞉ mo ya Ketisona꞉ a꞉ka꞉tei wape piki tina꞉ pi walaaso ekima꞉ta꞉ iki hoke hone na u tialo pia꞉me.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

1 Desalonaika 2:18

Nika꞉ honema꞉ta꞉ iki pa꞉ta꞉ paa la꞉ka꞉la ipuluekema꞉ hone uma꞉me. Polo I̱ta꞉ hoto mandaneeki manuna꞉ paa la꞉ka꞉la ipuluekema꞉ pua꞉pate Sadanima꞉ pate a꞉mbea꞉me.

Pailimono 1:19

Ya kikima꞉ kone wape pitolo hata꞉ alota꞉ I̱ Poloma꞉ naka꞉ yenkita꞉ ana꞉na꞉ kulueke laa do wape pitolo handa꞉e. Paa naka꞉ Ketiso pa꞉ta꞉ haleeki I̱ pa꞉ta꞉ yama꞉ mele ekina꞉ na alopate.

Pailimono 1:9

paa neke pa꞉ta꞉ pukima꞉ homolo ekima꞉ pa honke ala꞉eki homeke pitolome. Do honke alo ekita꞉ I̱ Polota꞉ koke hali hata꞉ kone pa Yesu Ketisona꞉ e pokoeke handaa dipula mea pitaalemeke pita꞉ kone alome.

Hibulu 4:2

Mo Pi Seliapota꞉ ikana꞉ma꞉ opimiki tupa꞉ nikana꞉ma꞉ make opu haoma꞉me. Ikana꞉ma꞉ epeke opimikipate kone hone tulao na miniki haemeke ekima꞉ mo pima꞉ta꞉ iki tamba꞉ mea꞉peke na yekeme.