Ka꞉leisia 5:14 - Panake Pi La: Ula: Buka pita: Kine Pieke Buka

¹⁴ Mo hande Lo Pi ula꞉eki paeyao apa꞉tao hone wiomonota꞉ kota꞉ pa pa uluma꞉ pi homeke homeke ula꞉me. Dupa. Naka꞉ kone pukima꞉ homele tupa꞉ kota꞉ naka꞉ yankeketonu pa꞉ta꞉ make pukima꞉ homa꞉pa꞉peke laa la ula꞉me.

Ka꞉leisia 5:14 ပူးပေါင်းရင်းမြစ်များ

Ma꞉tiu 7:12

Wanda꞉halima꞉ mandane haumanu iki pa꞉ta꞉ pina꞉e laa hone peleme tupa꞉ ikana꞉ma꞉ koto haumanu kone iki pa꞉ta꞉ pu hapa꞉peke. Kota꞉ Mosesima꞉ mo Lo Pi wiekeeki make potopede haliwekima꞉ wimiki mana꞉ pi make do koto hau peomono loluekema꞉ wieke pie.

Maka 12:31

Wetepena꞉eki doe. Neke pa꞉ta꞉ naka꞉ kone a꞉ta꞉ma꞉ homele tupa꞉ da wanda꞉hali pa꞉ta꞉ make a꞉ta꞉ma꞉ homo hapa꞉pekee la꞉la꞉me laa koto hande pi ula꞉eki yaapota꞉ ota꞉ titina꞉ekie. Mandaneeki manuta꞉ wetepena꞉e leekeme.

Maka 12:33

Kutupa Koda꞉ pa꞉ta꞉ puki paeyaoma꞉ make hone wita꞉la꞉eki paeyaoma꞉ make honkopu hasa꞉eki paeyaoma꞉ make a꞉ta꞉ma꞉ homa꞉pa꞉peke. Kutupa nikana꞉ma꞉ niki pa꞉ta꞉ niki kone a꞉ta꞉ma꞉ homoloma꞉ tupa꞉ da wanda꞉hali pa꞉ta꞉ kone a꞉ta꞉ma꞉ homa꞉la꞉ ekita꞉ ota꞉ titina꞉ekie leekeme. Koda꞉ pa꞉ta꞉ yanka hala꞉la꞉ ekimanu paeyao make liaa hala꞉la꞉ ekimanu make koto ekita꞉ wetepena꞉ekie leekeme.

Dioni 13:34

Ameta꞉ I̱ma꞉ iki pa꞉ta꞉ panake pi ula꞉eki la꞉ wiaasome dupa. Ika꞉ kone pukima꞉ homaalu alu pea hapa꞉peke. I̱ma꞉ iki pa꞉ta꞉ pukima꞉ homao tupa꞉ ikana꞉ma꞉ make pukima꞉ homaalu alu pea꞉pa꞉peke laa

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

Ka꞉leisia 6:2

Ika꞉ ka꞉nda꞉ pa꞉la꞉ ekimanu ika꞉ ika꞉ kone tamba꞉ mu alualu pea꞉pa꞉peke. Kutu piki hau pilimi ekima꞉ta꞉ Ketisona꞉ pi la ula꞉ ekima꞉ la꞉la꞉eki telielememe.

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.