Ka꞉leisia 5:11 - Panake Pi La: Ula: Buka pita: Kine Pieke Buka

¹¹ Ya kame tonuo. Mandane haliwekima꞉ I̱ pa꞉ta꞉ aleme pita꞉ I̱ma꞉ mo sekemesaisi hau pumana꞉ pipe laa pa wala꞉tia pu haowa꞉ka꞉na꞉ta꞉ kota꞉ pa ekipeke ikana꞉ma꞉ I̱ pa ka꞉nda꞉ peao halemepe. Koto aleme pita꞉ ota꞉ pi ya꞉ka꞉na꞉ yoluta꞉ kota꞉ mo ya Ketisona꞉ a꞉ka꞉tei wape piki tina꞉ pi walaaso ekima꞉ta꞉ iki hoke hone na u tialo pia꞉me.

Ka꞉leisia 5:11 ပူးပေါင်းရင်းမြစ်များ

Aposolo 16:3

Poloma꞉ ipika꞉ honema꞉ta꞉ Timodi yaapo poluekema꞉ mo some meaata꞉ sekemesaisi hau peaeyekeme. Mo da nina꞉ haemeke Diu haliwekima꞉ Timodina꞉ ateketa꞉ Kitiki halie laa handemeke handa peaeyekeme.

Aposolo 21:21

mandane haliwekima꞉ iki pa꞉ta꞉ lemekeeki dupa. Hande hali Poloma꞉ mo Diendaili wanda꞉hali ame̱le̱ haleme Diu haliweki pa꞉ta꞉ta꞉ Mosesima꞉ waleekeeki mina꞉pa꞉lao ika꞉ wekisunu sekemesaisi hau na piki Diu haliwekima꞉ pita꞉la꞉eki na pea꞉pa꞉peke laa walo hala꞉mee alememe lememe.

Aposolo 21:28

Isulai haliwekio. A꞉pa niki pa꞉ta꞉la꞉pe lemekeme. Nika꞉ wanda꞉hali pa꞉ta꞉ make mo hande Lo Pimanu pa꞉ta꞉ make do da pa꞉ta꞉ make wanda꞉hali paeyaoma꞉ hoke hone wina꞉yeke la꞉tia pomina꞉la꞉ hali doe lemekeme. Kutupa make do tembolo da tukiki pa꞉ta꞉ Kitiki haliweki hatuku a꞉paata꞉ do pi ula꞉ da amba꞉ hoeyaeya꞉ka꞉ta꞉me laa lemekeme.

1 Kotindi 1:18

Hoke hauna꞉ alupulu pa꞉la꞉ wanda꞉halima꞉ta꞉ hande a꞉ka꞉tei wape piki tina꞉ endiaemeke pi pa꞉ta꞉ta꞉ Pa ekie alemepate pa Koda꞉ma꞉ mea da꞉taasa꞉ wanda꞉halima꞉ta꞉ do pi pa꞉ta꞉ta꞉ Koda꞉na꞉ wele pita꞉la꞉ ekie aloma꞉me.

1 Kotindi 1:23

Kutu pelemepateta꞉ nikana꞉ma꞉ hande a꞉ka꞉tei wape piki tina꞉ Ketiso endiaemekeme laa pi walo haloma꞉me. Do waloma꞉ pina꞉ta꞉ mo Diu wanda꞉halima꞉ta꞉ ya handa꞉olu bepi pu halememe. Kutupa mo Kitiki wanda꞉halima꞉ta꞉ Pa ekie lo halememe.

1 Kotindi 15:30

Kutupa niki make pa ekipeke nika꞉ loke ota꞉ hoeyaalo pa꞉la꞉ alemanu pa꞉ta꞉ hao haloma꞉pe.

Ka꞉leisia 2:3

Ya hatuku poa꞉ some Taitasita꞉ Kitiki hali hayekepate mandane tapakema꞉ ipikita꞉ sekemesaisi hau pina꞉e lemekepate kone paeyaoma꞉ koto hau na peaemekeme.

Ka꞉leisia 3:1

Ka꞉leisia wanda꞉halio ikita꞉ you hoeta꞉la꞉ pate ya꞉la꞉me. Epima꞉ hoeyao pa꞉la꞉pe. Mo hande Yesu Ketiso ti manda homeeketa꞉ ikana꞉ma꞉ ika꞉ lekema꞉ handa honema꞉ kone pikisa leke muemena꞉yeke ya pima꞉ ota꞉ tikitiki la kua꞉me.

Ka꞉leisia 4:29

Koto hande pita꞉me mo hande wanda꞉ paeyaoma꞉ mondu hala꞉ tupa꞉ mendieke wekima꞉ta꞉ mo hande Koda꞉na꞉ Sipitidima꞉ peayeke mendieke weki ka꞉nda꞉ma꞉ homaeyeke tupa꞉ ame make koto homeke hau pu hala꞉me.

Ka꞉leisia 6:12

Mo ikana꞉ma꞉ sekemesaisi hau puemena꞉ yeke ti aleme wanda꞉halima꞉ta꞉ ika꞉ biki mea a꞉meiyaaso hata꞉ kone pa mo yonkeleke manda pita꞉la꞉ hauna꞉ hakoko liki pimanu loluekema꞉ yeke alememe. Kutu pita꞉la꞉ ekita꞉ ikana꞉ma꞉ mo Yesu homeeke kolosuna꞉ pi walaemeka꞉na꞉ta꞉ mandane Diu tapakema꞉ iki pa꞉ta꞉ ka꞉nda꞉ halaama꞉na꞉ yeke pa yanaaso do manda yonkelekena꞉ pita꞉la꞉ hau pu halememe.

Ka꞉leisia 6:17

Ya paeyaaso pita꞉ dupae. Ma꞉nda꞉ma꞉ I̱ pa꞉ta꞉ mandane ka꞉nda꞉manu na kina꞉e. Pa ekipeke. Mo ya lokena꞉ hondo ula꞉eki manuma꞉ walolota꞉ I̱ta꞉ Yesuna꞉ pa hameke e pokaalo hali haloeki wala꞉la꞉me.