Ka꞉leisia 5:10 - Panake Pi La: Ula: Buka pita: Kine Pieke Buka

¹⁰ pa ya honema꞉ handolo ekita꞉ nikita꞉ mo Tekehali pa꞉ta꞉ tunao halomeke handa ikana꞉ma꞉ hone ma꞉nda꞉ na wiki pa I̱ma꞉ witolo hone kone ana꞉na꞉ wilimikie hone ulume. Kutupa mo ika꞉ hone la꞉ka꞉laasa꞉ halita꞉ epipe. Pa ipikita꞉ epi ya꞉ka꞉na꞉ make mo ipika꞉ kutu pita꞉la꞉ ekina꞉ta꞉ Koda꞉ma꞉ ipika꞉ hoke yenki ana꞉na꞉ halieke.

Ka꞉leisia 5:10 ပူးပေါင်းရင်းမြစ်များ

Aposolo 15:24

Nika꞉ da nane haliweki mandaneeki manuma꞉ pi walolo hata꞉ iki ka꞉nda꞉ peaemeke ekita꞉ opuma꞉me. Nikana꞉ma꞉ dupa lapa꞉peke pi na loma꞉pate pa ika꞉ konema꞉ iki ka꞉nda꞉ma꞉ homaemekeme.

1 Kotindi 5:5

hande Tekehalina꞉ epolo pa꞉la꞉ Natena꞉ mo halina꞉ temoko da꞉taena꞉yeke ameta꞉ ipika꞉ loke hoeyaena꞉yeke Sadani pa꞉ta꞉ halomana꞉ alome.

2 Kotindi 1:15

I̱ta꞉ doeki manuna꞉ hone lenkipa꞉ witolota꞉ iki yaapo peao epeaena꞉ honema꞉ iki handolo ipuluekema꞉ hone pambao ua꞉me.

2 Kotindi 10:2

I̱ epoa꞉ka꞉na꞉ta꞉ tanda piono na sutiaamena꞉ yeke loa꞉me. I̱ma꞉ta꞉ mo nikana꞉ma꞉ kenkena꞉ hone pa꞉la꞉ hau pa꞉ta꞉ yama꞉ pitoloma꞉me laa aleme tapake pa꞉ta꞉ta꞉ I̱ma꞉ tanda pia꞉peke ya꞉la꞉me laa hone ulume.

2 Kotindi 10:6

Kutupa ikana꞉ma꞉ pi opua oto pa꞉ta꞉ halimieki handa꞉ wia paeyaalimi dina꞉ta꞉ kota꞉ mo pi opua oto pa꞉ta꞉ na hao halimieki panisi pealuekema꞉ nikita꞉ tikitiki yao halumeke.

2 Kotindi 13:10

Koto ekina꞉ yeketa꞉ I̱ma꞉ papate hata꞉ doeki laasome. Pa ekipeke I̱ opolo epoa꞉ka꞉na꞉ta꞉ mo Koda꞉ma꞉ I̱ ka꞉la꞉ honkopu pita꞉ hata꞉ iki tandapiki tupa꞉ na a꞉pa lolo polo tupa꞉ loa꞉me. Do honkoputa꞉ iki mea londa꞉laalo polo tupa꞉ dia꞉ya꞉la꞉pate iki mea daeyaluekema꞉ yeke loa꞉me.

2 Kotindi 2:3

Koto ekina꞉ta꞉ I̱ma꞉ koto tameiya꞉ tapaowa꞉me. Pa ekipeke I̱ma꞉ta꞉ iki pa꞉ta꞉ a꞉pa yaka ta꞉na꞉ma꞉ homa꞉ tiaapeke ya꞉la꞉ tapakema꞉ kone I̱ puki ka꞉nda꞉ma꞉ homo tiaaseme laa laapa꞉na꞉ alo pua꞉me. I̱ma꞉ hone witolota꞉ I̱ ta꞉na꞉ma꞉ homolo dina꞉ta꞉ iki paeyao make ta꞉na꞉ma꞉ homelememe.

2 Kotindi 2:6

Iki wopuma꞉ hande some dupiki tupa꞉ panisi peaeme ekita꞉ ana꞉e.

2 Kotindi 5:16

Koto ekina꞉ta꞉ ameta꞉ ma꞉nda꞉na꞉ manda hauna꞉ dupiki somee dupiki somee pi na aloma꞉me. Kenke hali tupa꞉ mo nate ma꞉nda꞉na꞉ Ketisota꞉ dupiki somee o mukutu piki somee loma꞉ ekita꞉ ameta꞉ kotoeki ota꞉ pa na aloma꞉me.

2 Kotindi 7:16

I̱ta꞉ ika꞉na꞉ ti laapeke ya꞉ka꞉ta꞉me hone witolo hata꞉ ta꞉na꞉ tieke wopu pa꞉la꞉me.

2 Kotindi 8:22

Koto ekina꞉ta꞉ mo haliweki ame̱le̱ nika꞉ kame taa tapaasoma꞉ handa꞉e. Nikana꞉ma꞉ta꞉ hoto paeyao ipiki la handoma꞉me. Pate ipikita꞉ hoto paeyao tamba꞉ muluekema꞉ hone wopu ula꞉eki handa꞉ uluma꞉me. Ipikana꞉ma꞉ amba꞉ta꞉ iki tamba꞉ muluekema꞉ hone wia꞉pate pa ameta꞉ iki pa꞉ta꞉ hone tulaala꞉ ekima꞉ a̱i̱ tamba꞉ muluekema꞉ hone wopu wia hala꞉me.

Ka꞉leisia 1:7

Koto pimika꞉ta꞉ pateta꞉ I̱ma꞉ta꞉ pi seliapota꞉ ma꞉nda꞉ ota꞉ dia꞉me hone witolome. Koto alo ekita꞉ mandane wanda꞉halima꞉ mo Ketisona꞉ ota꞉ pi seliapo topo topo puluekema꞉ taapelememe.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Ka꞉leisia 2:6

Mandane haliwekita꞉ biki wiki you hali hake nono pea haemekeme. Ika꞉ biki ula꞉ ekita꞉ I̱ma꞉ta꞉ pa alee hone witolome. Koda꞉ma꞉ta꞉ manda yonkelekena꞉ hau handa na telipu hala꞉me. Koto you haliwekima꞉ I̱ pa꞉ta꞉ dupiki haumanu apa꞉tao pea꞉peke pi ma꞉nda꞉ na lememe.

Ka꞉leisia 3:1

Ka꞉leisia wanda꞉halio ikita꞉ you hoeta꞉la꞉ pate ya꞉la꞉me. Epima꞉ hoeyao pa꞉la꞉pe. Mo hande Yesu Ketiso ti manda homeeketa꞉ ikana꞉ma꞉ ika꞉ lekema꞉ handa honema꞉ kone pikisa leke muemena꞉yeke ya pima꞉ ota꞉ tikitiki la kua꞉me.

Ka꞉leisia 4:11

Ika꞉ piteme hauna꞉ I̱ paala꞉ma꞉ amba꞉ homolome. Pa ekipeke. I̱ma꞉ iki tukiki pa꞉ta꞉ pokoa꞉ eta꞉ pa pahameke pokonope hone witolo alome.

Ka꞉leisia 4:17

Mo hande iki pa꞉ta꞉ homu pea hake nono peleme haliwekima꞉ta꞉ iki pa꞉ta꞉ hone wopu u halemepate ika꞉ wetepe pulueke hone u haleme ekita꞉ ota꞉ epekeeki dia꞉me. Ika꞉ hone pa꞉la꞉ ekita꞉ I̱ iki ame̱le̱ haloeki tekili peaaluekema꞉ taapelememe. Kota꞉ mo ikana꞉ma꞉ I̱ pa꞉ta꞉ hone witemeeki pao iki pa꞉ta꞉ homeke hone uemena꞉yeke pitememe.

Ka꞉leisia 4:20

Hone ma꞉nda꞉ uluekema꞉ I̱ta꞉ iki ame̱le̱ mandake hawee hone wotu ula꞉me. Koto ekima꞉ta꞉ I̱ma꞉ iki pa꞉ta꞉ hone eleke eleke wopu witolome.

Ka꞉leisia 5:12

Ya hone pa꞉la꞉ ekita꞉ mo ika꞉ hone la꞉ka꞉la tiaaseme haliweki ikana꞉ma꞉ ika꞉ kone sekemesaisi pimika꞉na꞉ta꞉ pa koto hau homeke na piki pa ika꞉ tukiliki tonka꞉na꞉ mina꞉e.

Ka꞉leisia 5:7

Ikita꞉ ota꞉ epeke tupa꞉ a̱i̱ya pu haemepate pa ikana꞉ma꞉ mo Koda꞉na꞉ ota꞉ pimanu opua peaama꞉na꞉ epima꞉ alekema꞉ iki ha̱la̱꞉mbe liaaso pia꞉pe. Ekipa ika꞉ hone la꞉ka꞉laeya꞉pe.

Ka꞉leisia 6:17

Ya paeyaaso pita꞉ dupae. Ma꞉nda꞉ma꞉ I̱ pa꞉ta꞉ mandane ka꞉nda꞉manu na kina꞉e. Pa ekipeke. Mo ya lokena꞉ hondo ula꞉eki manuma꞉ walolota꞉ I̱ta꞉ Yesuna꞉ pa hameke e pokaalo hali haloeki wala꞉la꞉me.

Pilipai 3:15

Niki tukiki pa꞉ta꞉ taka꞉lake temoko pila꞉ wanda꞉hali nikana꞉ma꞉ta꞉ kutupiki haumanu pa꞉ta꞉ homeke hone u hamana꞉ pea꞉peke aleo. Koto pa꞉la꞉pate do wape tapaaso wanda꞉hali iki ma꞉nda꞉ epima꞉ koto piki haumanu pa꞉ta꞉ ta꞉ta꞉ ta꞉ta꞉ piki hone wimika꞉na꞉ta꞉ kota꞉ Koda꞉ma꞉ ika꞉ hone tikitiki yao u tialieke.

2 Desalonaika 3:4

Kutupa ikana꞉ma꞉ta꞉ epeke tupa꞉ pilimikie hone witoloma꞉ ekita꞉ Koda꞉ma꞉ niki pa꞉ta꞉ ku hala꞉me. Koto ekina꞉ ota꞉ nika꞉ honema꞉ta꞉ nikana꞉ma꞉ iki pa꞉ta꞉ la ku haloma꞉eki manuta꞉ ame do piteleme tupa꞉ pa pu halimikie hone witoloma꞉me.

1 Timodi 1:20

Mo haliweki ame̱le̱ haepeke hali yaapo ipilika꞉ biki Haimeniasi pita꞉ A꞉lekesa꞉nda yaapota꞉ koto hau pipikime. Ipiliki tanda mina꞉ mo Sadanina꞉ kiki pa꞉ta꞉ pa꞉na꞉ tapaowa꞉me. Kutu pu ekima꞉ta꞉ ipilikana꞉ma꞉ mo hande Koda꞉na꞉ biki laasepeeki mina꞉pa꞉laena꞉ tamba꞉ milieke.

Pailimono 1:21

Ya honema꞉ta꞉ do wapena꞉ honke alo hauta꞉ pilipikie hone ota꞉ witolome. Kota꞉ ya alo tupa꞉ta꞉ ota꞉ lombei peao pilipikie hone witolome.