Ka꞉leisia 4:3 - Panake Pi La: Ula: Buka pita: Kine Pieke Buka

³ Niki make koto tupa꞉ wekiwandiki leke hata꞉ do kenkena꞉ teke na wiki mana꞉ pimanu oto pa꞉ta꞉ haoma꞉pate

Ka꞉leisia 4:3 ပူးပေါင်းရင်းမြစ်များ

Ma꞉tiu 11:28

Mo ka꞉nda꞉piki alemanu tia pominolo hata꞉ soka꞉la꞉ma꞉ homa haleme wanda꞉hali paeyao iki pa꞉ta꞉ ya kulu polo hoto pita꞉la꞉ pa꞉ta꞉ ula꞉ma꞉ muemena꞉ I̱ pa꞉ta꞉ a꞉pa꞉peke.

Dioni 8:31

Koto ekina꞉ mo Diu haliwekima꞉ ipiki pa꞉ta꞉ hone tulaemeke haliweki pa꞉ta꞉ Yesuma꞉ alota꞉ Ikana꞉ma꞉ I̱ma꞉ waloloeki opua pea꞉tiki pimika꞉na꞉ta꞉ kota꞉ ota꞉ ya disaipolo haliweki hata꞉ta꞉

Aposolo 15:10

Koto ekina꞉ Koda꞉ma꞉ pa꞉la꞉eki handa kone ameta꞉ pa ekipeke Koda꞉ la handuluekema꞉ hone witelemepe. Nika꞉ apa꞉meima꞉ make nikana꞉ma꞉ kone make mea꞉peke na yeke ka꞉nda꞉ pa꞉la꞉eki kone pa ekipeke mo hande hone tulaaseme wanda꞉hali pa꞉ta꞉ ka꞉nda꞉ma꞉ homena꞉ alemepe.

Loma꞉ 7:14

Mo hande Lo Pi manuta꞉ Koda꞉ pa꞉ta꞉ kone epeekepate I̱ta꞉ homa꞉peke ya꞉la꞉ halie. I̱ma꞉ta꞉ pa hameke e pokaatiki pomina꞉la꞉ hali leke hata꞉ hoke hau pu halome.

Loma꞉ 8:15

Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

2 Kotindi 11:20

Ikana꞉ma꞉ta꞉ mo iki dupi dupi lo haleme haliweki make o iki teke puleke lao haleme haliweki make o iki hona꞉ma̱o̱ haleme o iki handa꞉niao haleme o iki kadapo ku haleme haliweki paeyao pa꞉ta꞉ ta꞉na꞉ma꞉ homolo hata꞉ ika꞉ pi opu halememe.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Ka꞉leisia 3:19

Kutu pia꞉ka꞉na꞉ta꞉ kota꞉ mo hande Mosesina꞉ pi ula꞉ ekita꞉ eki pina꞉ la haleekepe. Koto pi ula꞉eki manuta꞉ mo amba꞉ Koda꞉na꞉ la꞉ wiekeeki taapuna꞉ apa꞉tao wiki hauta꞉ mo hoke hoke haumanu peneme yao waluekema꞉ wiekeme. Koto pi ula꞉eki manuta꞉ pa u pelia pua mo hande Eipoloha꞉ma꞉na꞉ hoki nane epolo pieke hali ipikita꞉ Koda꞉ma꞉ amba꞉ pi la꞉ wieke hali opolo ipuluta꞉ paeyaena꞉e. Mo Lo Pi ula꞉eki manuta꞉ homeke hali ka꞉pa pa꞉ta꞉ yama꞉ enisolo tonuma꞉ hala꞉niaeyekeme.

Ka꞉leisia 4:2

Mo ipika꞉ apa꞉na꞉ mu hake alemanu paeyaota꞉ ota꞉ ipika꞉eki ya꞉la꞉pate kone ipika꞉ atekema꞉ la꞉ ula꞉ nate epena꞉ molu hala꞉ toma꞉na꞉ta꞉ mo ipika꞉ loke handeteke hala꞉ halima꞉ kone mo ipika꞉ alemanu make handeteke hao hawalieke.

Ka꞉leisia 4:24

Do hau yaapoma꞉ta꞉ mo manda꞉ meaasa꞉eki hone u tiaasa꞉me. Mo wanda꞉ yaapota꞉ mo la꞉ u alu pieke pi yaapo tupa꞉e. Mo pi la꞉ wiekeeki ma꞉nda꞉ta꞉ Sainai pote pa꞉ta꞉ kini pea haleekeme. Koto haleeke la꞉ wita꞉la꞉ pina꞉ wekiwandikita꞉ pa hameke e pokaasa꞉ wekiwandiki haemekeme.

Ka꞉leisia 4:25

Mo hande pa hameke e pokaasa꞉ wanda꞉ Heika ipikita꞉ mo hande Sainai pote tupa꞉e lapeke ya꞉la꞉me. Kutupa Sainaita꞉ mo A꞉teibia kenke pa꞉ta꞉ hala꞉ poteta꞉ mo hande pa ula꞉ Diutuseleme daoni tupa꞉e lapeke ya꞉la꞉me. Koto Diutuselemeta꞉ ipika꞉ wanda꞉hali tonka꞉na꞉ pa hameke e pokaasememe.

Ka꞉leisia 4:31

Koto ekina꞉ta꞉ kametonuo. Nikita꞉ mo pahameke e pokaasa꞉ wanda꞉na꞉ wekiwandiki dia꞉ya꞉la꞉pate nikita꞉ mo ka꞉la꞉pa꞉ tapaala꞉ wanda꞉na꞉ wekiwandiki haloma꞉me.

Ka꞉leisia 4:8

Amba꞉ ikana꞉ma꞉ Koda꞉na꞉ haumanu na handemeke ekima꞉ta꞉ ikita꞉ pa mo hande ota꞉ Koda꞉ dia꞉yeke yayapiki ale manuna꞉ e pokao haemekeme.

Ka꞉leisia 4:9

Kutu pimipate ameta꞉ ikana꞉ma꞉ Koda꞉ handelememe o dia꞉me ameta꞉ Koda꞉ma꞉ iki handa꞉la꞉me lapeke ya꞉la꞉me. Koto pa꞉la꞉pate pa ekipa mo hoke honkopu na hake kenke tumbao haleme temokomanu pa꞉ta꞉ paa la꞉ka꞉la pua ika꞉ pa hameke e pokaaseme wanda꞉hali kone haluekema꞉ taapo halemepe.

Kolosi 2:20

Ikita꞉ Ketiso yaapo homaata꞉ do kenkena꞉ teke na wiki mana꞉ pimanu pa꞉ta꞉ ka꞉la꞉pa꞉ tapao halememe. Koto ekina꞉ta꞉ pa ekipeke ikita꞉ do kenkena꞉ tapake hake nono pitelemepe.

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

Hibulu 5:12

Ikana꞉ma꞉ Koda꞉na꞉ pi wala꞉la꞉ wanda꞉hali hamena꞉ yeke nate tieke ana꞉na꞉ wia꞉pate kone pa mo hande wekiwandiki sunu pa꞉ta꞉ wala꞉la꞉ Koda꞉na꞉ hosiki pi sunu ma꞉nda꞉ma꞉ paa walena꞉ lapeke ya꞉ka꞉ta꞉me. Epeke taka꞉lake nemanu no hapa꞉peke yolo pa꞉la꞉pate pa andu homeke no halememe.

Hibulu 7:16

Koto ipiki yeni peaasa꞉ hali haena꞉ leeke ekita꞉ pa wekima꞉ atekena꞉ anketeke mina꞉la꞉ tupa꞉ o mana꞉ pimanu wiekeeki mieke ekima꞉ na miekeme. Dia꞉me mo da꞉ta hao hala꞉ ekina꞉ wele pita꞉la꞉eki homekema꞉ ipiki yeni peaasa꞉ hali mea haena꞉ leekeme.