Ka꞉leisia 4:26 - Panake Pi La: Ula: Buka pita: Kine Pieke Buka

²⁶ Koto pa꞉la꞉pate mo hepeni nane ula꞉ Diutuseleme ma꞉nda꞉ta꞉ ka꞉la꞉pa꞉ tapao hala꞉me. Kota꞉ ipikita꞉ nika꞉ ama꞉ hala꞉me.

Ka꞉leisia 4:26 ပူးပေါင်းရင်းမြစ်များ

Dioni 8:36

Hande Eiyekema꞉ iki ka꞉la꞉pa꞉ tapaeya꞉ka꞉na꞉ta꞉ kota꞉ ota꞉ ka꞉la꞉pa꞉ tapao halimikie.

Loma꞉ 6:14

Hande Lo Pi manuna꞉ dupa꞉pe laa wala꞉la꞉eki ika꞉ wenoko tikitikina꞉ na mea wikita꞉ hande Koda꞉na꞉ pa a꞉ta꞉ma꞉ homa꞉la꞉eki homeke ika꞉ wenoko tikitikina꞉ mea wina꞉ aleme ekina꞉ kota꞉ hoke hau pita꞉la꞉ ekima꞉ iki paa a꞉nda꞉ na lu tombuaena꞉ lapa꞉pekema.

Loma꞉ 6:18

Hoke hauna꞉ wele pita꞉la꞉ ekina꞉ iki mea tonkao wieke ekita꞉ Koda꞉ma꞉ iki ka꞉la꞉pa꞉ tapaowala꞉me. Kutupa iki ameta꞉ tikitiki haumanu puluekema꞉ Koda꞉ ipika꞉ pa hameke e pokaaseme wanda꞉hali halememe.

Ka꞉leisia 4:22

Eipoloha꞉ma꞉ma꞉ weki yaapo mendiekeme la꞉la꞉me. Weki ma꞉nda꞉ta꞉ pa hameke e pokaeyeke wanda꞉ma꞉ mendiekeme. Weki ma꞉nda꞉ta꞉ ka꞉la꞉pa꞉ tapao hata꞉ halina꞉ da peeke wanda꞉ma꞉ mendiekeme.

Ka꞉leisia 4:25

Mo hande pa hameke e pokaasa꞉ wanda꞉ Heika ipikita꞉ mo hande Sainai pote tupa꞉e lapeke ya꞉la꞉me. Kutupa Sainaita꞉ mo A꞉teibia kenke pa꞉ta꞉ hala꞉ poteta꞉ mo hande pa ula꞉ Diutuseleme daoni tupa꞉e lapeke ya꞉la꞉me. Koto Diutuselemeta꞉ ipika꞉ wanda꞉hali tonka꞉na꞉ pa hameke e pokaasememe.

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

Pilipai 3:20

Koto pa꞉la꞉pateta꞉ nikita꞉ hepeni kenkena꞉ teke wanda꞉hali hata꞉ nika꞉ pa꞉ta꞉la꞉la꞉ Tekehali Yesu Ketiso oli hepeni nanema꞉ epena꞉ yeke ta꞉na꞉ lulu hata꞉ yu wia haloma꞉me.

Hibulu 12:22

Ikita꞉ koto paala꞉ piki pote pa꞉ta꞉ na opolo epemekepate pa mo Saioni pote pa꞉ta꞉ mo deto hala꞉ Koda꞉na꞉ da teke nane opolo epelememe. Koto data꞉ hepeni hala꞉ Diutuseleme dae. Koto pa꞉ta꞉ta꞉ mo enisolo daoseni eleke eleke tonu ame̱le̱ ta꞉na꞉ma꞉ homa mombolo halememe.

1 Pida 2:16

Ka꞉la꞉pa hala꞉ haliweki leke hapa꞉peke. Iki ka꞉la꞉pa haleme ekima꞉ta꞉ hoke haumanu a꞉mbaena꞉ dia꞉ya꞉la꞉pate ikita꞉ Koda꞉na꞉ pa hameke e pokaaseme wanda꞉hali hapa꞉peke.

Peneme Yaeyekeeki 12:1

Kutupa ta꞉ta꞉ ma꞉nda꞉ pea hone mateke hau tieke oli yana꞉ opolo epea꞉me. Wanda꞉ homeke koto pa꞉ta꞉ pitia꞉me. Ipika꞉ dauta꞉ mo nate yamea꞉me. Kutupa mo kaisepota꞉ ipika꞉ anke oto pa꞉ta꞉ wia kutupa ipika꞉ you aka꞉ta꞉ kiki yaapona꞉ ankena꞉ yaapo hombulanka꞉ pambaeya꞉me.

Peneme Yaeyekeeki 17:5

Mo ipika꞉ wenokona꞉ta꞉ hande a꞉mbaala꞉ ekina꞉ biki dupa wiekeme. Hali yola꞉la꞉ wanda꞉hali make kikana꞉ haumanu pu haleme wanda꞉hali make iki paeyaona꞉ inkiki Ba꞉biloni tieke laa wia꞉me.

Peneme Yaeyekeeki 21:2

Mo hande Yakopiki Daoni hande panake Diutuselemeta꞉ wanda꞉ma꞉ ipika꞉ haliki ma̱landi puluekema꞉ amu pea tikitiki yao ipulu pita꞉la꞉ tupa꞉ oli hepeni nanema꞉ Koda꞉ pa꞉ta꞉ yama꞉ opolo epea꞉eki handoa꞉me.

Peneme Yaeyekeeki 3:12

I̱ma꞉ta꞉ mo bepolao hala꞉ halita꞉ yaka Koda꞉na꞉ tembolo da pinki haena꞉ laata꞉ koto aleta꞉ na mina꞉pa꞉lalieke. I̱ma꞉ ipiki pa꞉ta꞉ yaka Koda꞉na꞉ biki lao make mo yaka Koda꞉ma꞉ oli ya pa꞉ta꞉ yama꞉ hola꞉pa꞉nialia꞉ hande panake daoni tieke Diutuselemena꞉ biki make laalueke. Kutupa make yaka panake biki laalueke lea꞉me.