Ka꞉leisia 4:14 - Panake Pi La: Ula: Buka pita: Kine Pieke Buka

¹⁴ Koto hande ya lokena꞉ hoke yeni haya꞉ ekima꞉ iki ka꞉nda꞉ tieke peaeya꞉pate kone ikana꞉ma꞉ I̱ na kiao make na tolu limime. Koto hau na pikita꞉ ikana꞉ma꞉ I̱ta꞉ mo hande Koda꞉na꞉ enisolo leke handa꞉ mimime o pa Yesu Ketiso kone leke I̱ handa꞉ mimime.

Ka꞉leisia 4:14 ပူးပေါင်းရင်းမြစ်များ

Ma꞉tiu 10:40

Wanda꞉hali epima꞉ ta꞉na꞉ma꞉ homolo hata꞉ iki ya disaipolo haliweki handa꞉ mimika꞉na꞉ta꞉ kota꞉ kotota꞉ I̱ kone handa꞉ minelememe. Koto tupa꞉ kone epima꞉ I̱ pa꞉ta꞉ ta꞉na꞉ma꞉ homolo hata꞉ handa꞉ mimika꞉na꞉ta꞉ kota꞉ kotota꞉ mo I̱ tapaala꞉ Apa꞉ pa꞉ta꞉ kone pitememe.

Ma꞉tiu 18:5

Ma꞉nda꞉ epima꞉ dupiki weki siki ya bikina꞉ ta꞉na꞉ma꞉ homolo hata꞉ handa꞉ mia꞉ka꞉na꞉ta꞉ kota꞉ I̱ make ta꞉na꞉ma꞉ homaa handa꞉ milieke.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Luku 10:16

Yesuma꞉ ipika꞉ disaipolo haliweki pa꞉ta꞉ alota꞉ Ma꞉nda꞉ epima꞉ ika꞉ pi opia꞉ka꞉na꞉ta꞉ kota꞉ yaka pi kone opita꞉la꞉me. Ma꞉nda꞉ epima꞉ iki kiaeya꞉ka꞉na꞉ta꞉ ota꞉ I̱ kone kiaasa꞉me. Kutupa make hali epima꞉ I̱ kiaeya꞉ka꞉na꞉ta꞉ mo I̱ tapaeya꞉ hali kone kiaasa꞉me leekeme.

Dioni 13:20

Iki pa꞉ta꞉ ota꞉ pi alome. Hali epima꞉ I̱ma꞉ tapaaso hali handa꞉ mia꞉ka꞉na꞉ta꞉ I̱ make handa꞉ minolo pita꞉la꞉me. Kutupata꞉ I̱ handa꞉ mina꞉la꞉ halima꞉ I̱ tapaeya꞉ hali kone handa꞉ mina꞉la꞉me leekeme.

1 Kotindi 1:28

Koda꞉ma꞉ta꞉ mo kenke wanda꞉halina꞉ tumiki haumanu hoeyaaluekema꞉ ikana꞉ma꞉ handa꞉niaasemeeki make pa alemanue laa hone witelemeeki make ipikana꞉ma꞉ ka꞉na꞉ hone wia miekeme.

1 Kotindi 4:10

Ketisona꞉ biki daeyaena꞉ loluekema꞉ nikita꞉ hone na wiki haliweki haloma꞉pate ikita꞉ Ketisona꞉ hauna꞉ hone wotu wilimi haliweki halememe. Nikita꞉ honkopu na haloma꞉pate ikita꞉ honkopu wotu halememe. Ika꞉ biki laasemepate pa niki pa꞉ta꞉ biki na ula꞉ haliwekie la alememe.

2 Kotindi 5:20

Koto ekina꞉ ameta꞉ niki do Ketisona꞉ pi lawaaso handa꞉e. Koda꞉ niki pa꞉ta꞉ yama꞉ ipika꞉ homu toluma꞉ wi la꞉la꞉eki kone peneme yaasa꞉me. Nikana꞉ma꞉ta꞉ Ketisona꞉ pi laaso hata꞉ wi aloma꞉ ekita꞉ dupae. Koda꞉ma꞉ iki a꞉nda꞉ tunkuliki wanda꞉hali halemeeki topo peao ipika꞉ yankeke au laena꞉ lapee lo haloma꞉me.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Ka꞉leisia 4:13

I̱ma꞉ iki pa꞉ta꞉ pi kini pea waloa꞉ ekina꞉ teketa꞉ mo hande I̱ma꞉ yeni mua꞉ ekima꞉ iki pa꞉ta꞉ a꞉pa hata꞉ pi waloa꞉me. Kutu pua꞉ ekita꞉ hone wilimime.

Ka꞉leisia 4:15

Koto pita꞉ma꞉ta꞉ iki pa꞉ta꞉ ta꞉na꞉ tieke wopu wia꞉me. Pate pa ameta꞉ ekipa pa꞉la꞉pe. I̱ma꞉ta꞉ dupiki pi kone lapeke ya꞉la꞉me. Ikana꞉ma꞉ I̱ tamba꞉ muluekema꞉ ika꞉ leke yoka꞉ mea kia꞉peke ya꞉ka꞉na꞉ yoluta꞉ amba꞉ yoka꞉ mea kulu pimime.

1 Desalonaika 2:13

Ikana꞉ma꞉ pimi hau ma꞉nda꞉ make nikana꞉ma꞉ Koda꞉ pa꞉ta꞉ keiyae pi la꞉tiki pu haloma꞉me. Kota꞉ hande nikana꞉ma꞉ iki pa꞉ta꞉ Koda꞉na꞉ pi mea epoma꞉ pita꞉ta꞉ ikana꞉ma꞉ kenke halina꞉ pi leke na opimikipate ota꞉ Koda꞉na꞉ pi kone opua mimime. Kotota꞉ ota꞉ koto lataa. Pa ekipeke Koda꞉ma꞉ iki hone tulaaleme wanda꞉hali pa꞉ta꞉ ipika꞉ e wopu poka꞉la꞉ ekina꞉ loa꞉me.

1 Desalonaika 4:8

Koto ekina꞉ta꞉ hali epima꞉ do walolo pi kiaeya꞉ka꞉na꞉ta꞉ kota꞉ koto somema꞉ mo kenke hali na kiaasa꞉pate hande Holi Sipitidi ku hala꞉ Koda꞉ kone kiaaso pila꞉me.

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.