Ka꞉leisia 3:22 - Panake Pi La: Ula: Buka pita: Kine Pieke Buka

²² pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

Ka꞉leisia 3:22 ပူးပေါင်းရင်းမြစ်များ

Maka 16:16

Hali epima꞉ pi mea bapitaisi peawaya꞉ka꞉na꞉ta꞉ koto halita꞉ da꞉ta halieke. Kutu piliepate hali epima꞉ pi na mia꞉ka꞉na꞉ta꞉ ipika꞉ yenki milieke. Koda꞉ma꞉ pi yokaalu pia꞉ka꞉na꞉ta꞉ kota꞉ alu pilieke.

Dioni 12:46

I̱ta꞉ do kenkena꞉ pa̱a̱ pa꞉la꞉eki tupa꞉ a꞉pa halome. I̱ pa꞉ta꞉ hone tulaaseme wanda꞉halita꞉ timba꞉ la꞉ pamba꞉la꞉ pa꞉ta꞉ na haena꞉yeke epoa꞉me.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Dioni 3:36

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

Aposolo 16:31

Ipilikana꞉ma꞉ alota꞉ Tekehali Yesu pa꞉ta꞉ hone tulaapeke. Kutu pika꞉na꞉ta꞉ deto hala꞉eki milipikie. Neke make naka꞉ weki wanda꞉ma꞉ make milimikie lepekeme.

Loma꞉ 10:9

Nakana꞉ma꞉ naka꞉ kakema꞉ Yesuta꞉ Tekehali hala꞉me laa peneme yao alo make naka꞉ puki pa꞉ta꞉ Koda꞉ma꞉ Yesu homa lapa꞉ pa꞉ta꞉ wieke alena꞉ paa mea tiaeyekeme laa hone tulaeka꞉na꞉ta꞉ kota꞉ da꞉ta halipikie.

Loma꞉ 11:32

Koda꞉ma꞉ta꞉ ipika꞉ pi na opiteleme wanda꞉hali paeyao ipikana꞉ma꞉ dipula pila꞉ wanda꞉hali leke hao haena꞉ laata꞉ paeyao pa꞉ta꞉ a꞉ta꞉ma꞉ homoluekema꞉ kone pa꞉la꞉me.

Loma꞉ 3:22

Wanda꞉halima꞉ Yesu Ketiso pa꞉ta꞉ hone tulaaseme ekima꞉ Koda꞉ma꞉ ikita꞉ ipiki pa꞉ta꞉ tikitiki yao hamina꞉ lo hala꞉me. Ketiso pa꞉ta꞉ hone tulaaseme wanda꞉hali paeya ta꞉pao pa꞉ta꞉ Koda꞉ma꞉ koto hau pu hala꞉me. Diu wanda꞉hali make Diendaili wanda꞉hali make ta꞉ta꞉ pea na haleme ekina꞉ loa꞉me.

Loma꞉ 3:23

Wanda꞉hali paeya ta꞉paoma꞉ hoke hau pea hata꞉ta꞉ hande da꞉tao hala꞉ Koda꞉ teke pa꞉ta꞉ na haloma꞉pate

Loma꞉ 5:12

Hali homekema꞉ pa꞉la꞉ ekima꞉ kone niki kenke wanda꞉hali paeyaoma꞉ hoke hau pu haloma꞉me. Ipika꞉ hoke hau pieke ekina꞉ homeekeme. Kutupa kenke wanda꞉hali paeyaoma꞉ make hoke hau pu haloma꞉ ekina꞉ homolo poloma꞉eki moloma꞉me.

Ka꞉leisia 3:14

Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

Ka꞉leisia 3:17

I̱ma꞉ do alo pina꞉ teketa꞉ Koda꞉ma꞉ Eipoloha꞉ma꞉ yaapo homeke hone witolo hata꞉ ota꞉ handeteke halueke laa Eipoloha꞉ma꞉ pa꞉ta꞉ pi la꞉ wiekeme. Koto ekina꞉ mo hande 430 bapi wetepeta꞉ Koda꞉ma꞉ Mosesi pa꞉ta꞉ haleeke pi ula꞉eki manuma꞉ mo amba꞉ Eipoloha꞉ma꞉ pa꞉ta꞉ la꞉ wieke pita꞉ ota꞉ na yambolo na paeyao pea꞉peke yeekeme.

Ka꞉leisia 3:23

Amba꞉ mo hande hone tulaasa꞉ ekina꞉ nate a̱i̱ na epea꞉ toma꞉na꞉ta꞉ mo Lo Pi ula꞉eki manuma꞉ niki paeyao dipula mea mo koto epolo pa꞉la꞉ hone tulaasa꞉eki peneme yaena꞉ ho̱linda꞉ pu pamba haya꞉me.

Ka꞉leisia 3:29

Ikita꞉ Ketiso ipika꞉eki haemeka꞉na꞉ta꞉ kota꞉ ikita꞉ mo Eipoloha꞉ma꞉na꞉ hoki nane wanda꞉hali hata꞉ Koda꞉na꞉ kulueke laa pi la꞉ wiekeeki milimikie.

2 Timodi 1:1

Polo I̱ta꞉ mo Ketiso Yesuna꞉ aposolo hali halome. Koda꞉ma꞉ la꞉ wieke deto hala꞉eki Ketiso Yesu pa꞉ta꞉ yama꞉ nikana꞉ma꞉ moloma꞉ ekina꞉ pi walono yeke Koda꞉ma꞉ I̱ ma̱leke lia tapaala꞉me.

Hibulu 9:15

Koto ekina꞉ta꞉ Ketisoma꞉ mo hande panake la꞉ ula꞉ pina꞉ honkopu hawaasa꞉ ka꞉pa hali hata꞉ta꞉ wanda꞉halima꞉ mo hande amba꞉ pi wiekeeki oto pa꞉ta꞉ hata꞉ pimiki hoke haumanu bepolao ka꞉la꞉pa꞉ tapaaluekema꞉ yeke ikina꞉ homeekeme. Kutu pieke ekita꞉ ipikana꞉ma꞉ mo hande Koda꞉ma꞉ wi la꞉la꞉ wanda꞉halima꞉ Koda꞉ ipika꞉ pi la꞉ wieke na paeta꞉la꞉ epeaasa꞉ ekimanu mina꞉yeke piekeme.

2 Pida 1:4

Dupita꞉la꞉ hauma꞉ta꞉ ipikana꞉ma꞉ mo la꞉ ula꞉ ota꞉ aneke make seliapo piki pa hameke hala꞉la꞉ alemanu ka꞉la꞉me. Pa ekipeke. Dupiki pa hameke hala꞉la꞉ ale manuma꞉ta꞉ mo hande do kenkena꞉ ula꞉ hoeyaasa꞉ puki tiaasa꞉ hau mea paka꞉lao mo Koda꞉na꞉ ota꞉ hau pa꞉ta꞉ a꞉pa apa꞉taalimikie.

2 Pida 3:13

Pate Koda꞉ma꞉ la꞉ ula꞉ tupa꞉ mo hande tikitiki hau homeke ulu pa꞉la꞉ panake kenke ya yaapo epena꞉ yu wia haloma꞉me.

1 Dioni 2:25

Kotota꞉ mo hande Ketisoma꞉ niki pa꞉ta꞉ kulueke laa pi la꞉ wia꞉ ekita꞉ Da꞉ta꞉la꞉eki lataa.