Ka꞉leisia 3:14 - Panake Pi La: Ula: Buka pita: Kine Pieke Buka

¹⁴ Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

Ka꞉leisia 3:14 ပူးပေါင်းရင်းမြစ်များ

Kini Pieke 22:18

Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Luku 11:13

Ikita꞉ hoke haliweki halemepate kone ika꞉ weki wandiki pa꞉ta꞉ta꞉ epeke epeke alemanu halo halememe. Koto hau ota꞉ lombei peaaso hata꞉ta꞉ oli ya nane hala꞉ Apa꞉ma꞉ta꞉ mo Holi Sipitidi honke aleme wanda꞉hali pa꞉ta꞉ta꞉ ota꞉ halieke laa leekeme.

Luku 24:49

Kutupa I̱ma꞉ta꞉ yaka Apa꞉ma꞉ amba꞉ kone la꞉ ula꞉ ale iki pa꞉ta꞉ tapalueke. Pate ikana꞉ma꞉ta꞉ do daoni tieke pa꞉ta꞉ mo hande wele pa꞉la꞉eki tieke oli ya nane iki pa꞉ta꞉ epena꞉ yu wia pita꞉pa꞉peke ya꞉la꞉me leekeme.

Dioni 7:39

Yesuma꞉ koto leeke ekita꞉ Holi Sipitidi pa꞉ta꞉ kone leekeme. Ipiki pa꞉ta꞉ hone tulao haemeke wanda꞉halima꞉ mo Holi Sipitidi muluekema꞉ haena꞉ leekeme. Koto natena꞉ta꞉ Yesuma꞉ ipika꞉ halo pieke kapu tieke a̱i̱ dia꞉yeke handaa mo Holi Sipitidi a̱i̱ na epena꞉ leekeme.

Aposolo 2:33

Ipika꞉ Apa꞉ Koda꞉ma꞉ la꞉ wieke tupa꞉ Yesuta꞉ mea tiao ipika꞉ popeke kiki nane mea pitaota꞉ ipiki pa꞉ta꞉ Holi Sipitidi haleekeme. Kutupa nikana꞉ma꞉ ame do handoloma꞉ ekimanu make do opitoloma꞉ ekimanu tonka꞉na꞉ ipiki pa꞉ta꞉ ipula꞉me.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Aposolo 5:32

Nikana꞉ma꞉ do hande piteleme haumanu handaata꞉ la haloloma꞉ haliweki haloma꞉me. Nikana꞉ma꞉ homeke dia꞉me. Holi Sipitidima꞉ make nikana꞉ma꞉ make la haloloma꞉me. Koda꞉ma꞉ ipika꞉ pi opu hala꞉ wanda꞉hali pa꞉ta꞉ Holi Sipitidi halo hala꞉me.

1 Kotindi 12:13

Koto tupa꞉ kone niki paeyaota꞉ Diu wanda꞉hali pita꞉ Diendaili wanda꞉hali yaapo make ma꞉nda꞉na꞉ e pa hameke pokaaseme wanda꞉hali pita꞉ ka꞉la꞉pa꞉ ta꞉pao haleme wanda꞉hali yaapo make niki paeyao mo homeke Sipitidima꞉ kone bapitaisi pea homeke loke tunao haloma꞉me. Kutupa nikana꞉ma꞉ ikali no haloma꞉ tupa꞉ mo homeke Sipitidi kone na꞉tiki pu haloma꞉me.

2 Kotindi 1:22

Koda꞉ma꞉ kone niki ma̱leke lila꞉me. Ipikana꞉ma꞉ ombu nikita꞉ ipika꞉ ekie laata꞉ ipika꞉ tombo niki pa꞉ta꞉ ula꞉me. Koda꞉ma꞉ mo niki pa꞉ta꞉ ka꞉la꞉ Holi Sipitidita꞉ ipika꞉ wetepena꞉ kulu pa꞉la꞉ ale paeyaona꞉ titina꞉ tombo ka꞉la꞉mee.

Ka꞉leisia 3:16

Koda꞉ma꞉ make koto tupa꞉ kone Eipoloha꞉ma꞉ pa꞉ta꞉ make ipika꞉ hoki nane epolo pieke hali pa꞉ta꞉ make ipika꞉ pi la꞉ wita꞉la꞉eki manuma꞉ la꞉ wiekeme. Baiboloma꞉ hoki nane epolo pieke haliweki ala꞉ pina꞉ teketa꞉ haliweki eleke eleke laa na ala꞉pate pa hoki nane epolo pieke hali ala꞉ pina꞉ teketa꞉ hali homeke homeke la ala꞉me. Mo koto hali bikita꞉ Ketisoe.

Ka꞉leisia 3:2

Ameta꞉ ya lota꞉ pitoloeki homeke doma꞉ ikana꞉ma꞉ hombo peape. Ikana꞉ma꞉ Koda꞉na꞉ Sipitidita꞉ mo pi ula꞉eki manuma꞉ pea꞉peke ala꞉eki opua pimi ekima꞉ mimipe o mo pi seliapo opua koto pi pa꞉ta꞉ hone tulaeme ekima꞉ mimipe.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Epesese 2:18

Ketisoma꞉ peaala꞉ ekima꞉ta꞉ Diu wanda꞉hali make Diendaili wanda꞉hali make niki paeyaoma꞉ta꞉ homeke Sipitidi meata꞉ Koda꞉ hala꞉ pa꞉ta꞉ pua꞉peke ya꞉la꞉me.

Epesese 2:22

Ikita꞉ Yesu Ketiso yaapo ta꞉ma꞉ni pea hamina꞉ make mo mandane Ketiso wanda꞉hali paeyao make mea apa꞉tao Koda꞉ma꞉ ikita꞉ ipika꞉ da haena꞉ loluekema꞉ a꞉eta꞉la꞉me. Koto da tukiki pa꞉ta꞉ Koda꞉ ipika꞉ Sipitidi hao halieke.

Epesese 3:16

I̱ma꞉ Koda꞉ pa꞉ta꞉ honke alo ekita꞉ dupae. Ipikita꞉ manda hata꞉ tieke hala꞉ ekina꞉ ipikana꞉ma꞉ ikita꞉ puki hana꞉ noka꞉pa honkopu hao hamina꞉yeke Sipitidi wele tonka꞉na꞉ kina꞉yeke honke alome.

Epesese 4:30

Koda꞉ ipika꞉ Holi Sipitidi make ka꞉nda꞉ma꞉ na homaapa꞉peke. Do ekina꞉yeke loa꞉me. Koda꞉ma꞉ iki ota꞉ ka꞉la꞉pa꞉ tapaaluekema꞉ ipikana꞉ma꞉ mo Holi Sipitidi pitaala꞉ ekima꞉ tombo amba꞉ wiaala꞉me.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.