Ka꞉leisia 2:20 - Panake Pi La: Ula: Buka pita: Kine Pieke Buka

²⁰ Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

Ka꞉leisia 2:20 ပူးပေါင်းရင်းမြစ်များ

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

Ma꞉tiu 4:3

Koto tea꞉ma꞉ homolo haena꞉ta꞉ Sadanima꞉ ipiki pa꞉ta꞉ a꞉pa alota꞉ Neketa꞉ ota꞉ Koda꞉na꞉ Eiyeke ya꞉ka꞉na꞉ta꞉ kota꞉ do toopimanu kone palaowa au lapeke leekeme.

Dioni 1:49

Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Dioni 10:11

I̱ta꞉ handa꞉ ma꞉na꞉ epeke tupa꞉ handeteke halo halie. Mo sipisipi ma꞉na꞉manu tamba꞉ muluekema꞉ yaka da꞉ta꞉la꞉eki hone na ulueke.

Dioni 15:13

Hali ma꞉nda꞉ma꞉ ipika꞉ yankeke tamba꞉ minolo hata꞉ ipika꞉ da꞉ta꞉la꞉eki kone alu paeya꞉ka꞉na꞉ta꞉ kota꞉ kutupiki pukima꞉ homa꞉la꞉ hauta꞉ ma꞉nda꞉ma꞉ ankulapeke na ya꞉la꞉me.

Dioni 17:21

Paeyaota꞉ homekeeki haena꞉yeke yeni pitolome. Apa꞉o. Neketa꞉ I̱ yaapo haleeki make I̱ neke yaapo haloeki make iki make koto tupa꞉ diki ame̱le̱ haemeka꞉na꞉ta꞉ epelieke. Kenke wanda꞉halima꞉ nakana꞉ma꞉ I̱ tapaaleeki hone wina꞉yeke ikita꞉ homekeeki haemeka꞉na꞉ta꞉ epelieke.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Dioni 3:35

Atekema꞉ ipika꞉ Eiyeke pa꞉ta꞉ pukima꞉ homolo hata꞉ ala꞉ta꞉ ala꞉ta꞉ paeyao Eiyekena꞉ kiki pa꞉ta꞉ wina꞉ la꞉la꞉me.

Dioni 6:57

Da꞉ta hala꞉ Apa꞉ma꞉ I̱ tapaeya꞉me. Kutupa ipiki hala꞉ ekima꞉ I̱ make halome. Koto pa꞉la꞉ ekina꞉ hali epima꞉ I̱ nea꞉ka꞉na꞉ta꞉ kota꞉ koto halita꞉ I̱ haloa꞉ ekima꞉ da꞉ta halieke.

Dioni 6:69

Neketa꞉ Koda꞉ ipika꞉ Yakopiki Hali hale ekita꞉ nikana꞉ma꞉ hone tulao hao amba꞉ handoloma꞉me leekeme.

Aposolo 8:36

Ameta꞉ mo pota꞉ hokuluna꞉ pu hao ikali pa꞉ta꞉ opolo pua kutupa mo yuniki halima꞉ alota꞉ Handa꞉e. Ikali doe leekeme. Epima꞉ ya bapitaisi pulu poloeki sa꞉sa꞉ piliepe leekeme.

Aposolo 9:20

Ipikana꞉ma꞉ koto kone Yesu Ketisona꞉ pi mo pi hotu haemeke da pa꞉ta꞉ walolo hata꞉ alota꞉ Yesuta꞉ Koda꞉na꞉ Eiyekee leekeme.

Loma꞉ 1:17

Mo hande Pi Seliapoma꞉ doeki wala꞉leke handa loa꞉me. Koda꞉ma꞉ wanda꞉hali ipiki pa꞉ta꞉ tiki tiki haena꞉ ala꞉eki wala꞉la꞉me. Mo Koda꞉ma꞉ do pita꞉la꞉ ekita꞉ wanda꞉halima꞉ hone tulao hatiki puo pu hao paeyaalo pulu make pilieke. Mo Baibolo bukana꞉ wape pea ula꞉ tupa꞉ Hali epima꞉ Koda꞉ pa꞉ta꞉ hone tulao haya꞉ka꞉na꞉ta꞉ Koda꞉ma꞉ ipiki pa꞉ta꞉ mo hali tiki tiki haena꞉ lelieke. Kutupa mo halita꞉ da꞉ta halieke.

Loma꞉ 14:7

Niki do haloma꞉ haliweki ma꞉nda꞉ma꞉ hone witolota꞉ ya halo ekita꞉ yakaeki homekee pi na leke make I̱ homolo poloeki make ya homekee pi lapeke na ya꞉la꞉me.

Loma꞉ 3:22

Wanda꞉halima꞉ Yesu Ketiso pa꞉ta꞉ hone tulaaseme ekima꞉ Koda꞉ma꞉ ikita꞉ ipiki pa꞉ta꞉ tikitiki yao hamina꞉ lo hala꞉me. Ketiso pa꞉ta꞉ hone tulaaseme wanda꞉hali paeya ta꞉pao pa꞉ta꞉ Koda꞉ma꞉ koto hau pu hala꞉me. Diu wanda꞉hali make Diendaili wanda꞉hali make ta꞉ta꞉ pea na haleme ekina꞉ loa꞉me.

Loma꞉ 4:25

Nika꞉ hoke hauna꞉ Koda꞉ma꞉ Yesu homolo epena꞉ tapaeyekeme. Kutupa nikita꞉ ipiki yaapo tikitiki yao hamonoyeke Yesu paa mea da꞉taeyekeme.

Loma꞉ 5:2

Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Loma꞉ 5:6

Nikita꞉ honkopu na hake hamono Koda꞉ma꞉ la꞉ wieke natena꞉ kone niki hoke hau pu haloma꞉ wanda꞉hali nika꞉eki peaaso hata꞉ Ketiso ipiki homeekeme.

Loma꞉ 5:8

Kutu pulu pa꞉la꞉pate Koda꞉ma꞉ niki pa꞉ta꞉ ipika꞉ pukima꞉ wopu homa꞉la꞉ ekita꞉ peneme yao yaala꞉ ekita꞉ dupa. Nikita꞉ hoke hau pu haloma꞉ wanda꞉hali hamono kone Ketisota꞉ nika꞉eki peaaso hata꞉ homeekeme.

Loma꞉ 6:13

Ika꞉ lokena꞉ haleme alemanu ma꞉nda꞉ta꞉ hoke hau pina꞉ na lapa꞉peke. Dia꞉me. Homa paa da꞉ta a꞉pa hala꞉ wanda꞉hali leke hata꞉ ika꞉ ika꞉ kone Koda꞉ pa꞉ta꞉ hala꞉pa꞉peke. Tikitiki haumanu pina꞉yeke ika꞉ loke tieke paeyao Koda꞉ pa꞉ta꞉ hala꞉pa꞉peke.

Loma꞉ 6:8

Nikita꞉ Ketiso homeeke ekita꞉ ipiki ame̱le̱ mandakena꞉ homomeke handa nika꞉ hone tulaasoma꞉ ekita꞉ dupa uluma꞉me. Ipiki ame̱le̱ hao halumeke hone witoloma꞉me.

Loma꞉ 8:10

Koto pa꞉la꞉pate Ketiso iki tukiki pa꞉ta꞉ pitia꞉ka꞉na꞉ta꞉ kota꞉ hande Sipitidima꞉ iki mea da꞉taalieke. Hoke hauma꞉ta꞉ ika꞉ loke lia homaalo pa꞉la꞉pate hande Sipitidima꞉ iki mea da꞉taalieke. Ketisoma꞉ iki pa꞉ta꞉ koto hau peaeya꞉ka꞉na꞉ta꞉ ikita꞉ Koda꞉ yaapo tikitiki yao hamina꞉ la꞉la꞉ ekina꞉ peaalieke.

Loma꞉ 8:37

Kutu pulu pelemepate dia꞉me. Mandane mandane hau paeyao niki pa꞉ta꞉ ipulu haena꞉ kone hande niki pa꞉ta꞉ pukima꞉ homeeke halima꞉ta꞉ ota꞉ aela꞉ baala꞉ wanda꞉hali hamono la꞉la꞉me.

1 Kotindi 6:17

Kutu pita꞉la꞉pate hali epima꞉ Tekehali pa꞉ta꞉ ta꞉ma꞉ni pea haya꞉ka꞉na꞉ta꞉ kota꞉ ipilika꞉ temokota꞉ homeke kone halipipikie.

2 Kotindi 1:24

Nikana꞉ma꞉ta꞉ ika꞉ hone tulaalemeeki manuta꞉ dupi dupi alo dia꞉me. Ikana꞉ma꞉ hone tulaaseme ekita꞉ amba꞉ koto honkopu hao wia haleme handa꞉e. Koto ekina꞉ nikana꞉ma꞉ta꞉ iki ta꞉na꞉ma꞉ homelemeeki mea a꞉paaluekema꞉ iki ame̱le̱ apa꞉tao e pokoloma꞉me.

2 Kotindi 10:3

Nikita꞉ do kenkena꞉ ota꞉ haloma꞉pate nikita꞉ kenkena꞉ hone pa꞉la꞉ hau pa꞉ta꞉ yama꞉ a꞉nda꞉ na pitoloma꞉me.

2 Kotindi 11:10

Ketisona꞉ ota꞉ pi I̱ pa꞉ta꞉ pila꞉eki yalota꞉ I̱ma꞉ do yaka hakoko litolo pita꞉ ota꞉ koto Akaya kenke paeyao pa꞉ta꞉ta꞉ na palueke laa pi la꞉ witolome.

2 Kotindi 13:3

Mo Ketisoma꞉ I̱ pa꞉ta꞉ yama꞉ lo hala꞉me ekina꞉ peneme yaasa꞉ ekita꞉ ikana꞉ma꞉ ota꞉ ana꞉na꞉ wia halimikie. Ipikana꞉ma꞉ iki pa꞉ta꞉ hau ma꞉nda꞉ pia꞉ka꞉na꞉ta꞉ ipikita꞉ damako na pa꞉la꞉me. Kotoeki na pikita꞉ ipikana꞉ma꞉ iki tukiki pa꞉ta꞉manu ipika꞉ honkopu walo hala꞉me.

2 Kotindi 13:5

Ika꞉ kone mo la handa꞉la꞉eki pa꞉ta꞉ u moneaaso hata꞉ ika꞉ kone pi yokaalu pea꞉pa꞉peke. Do hauta꞉ ika꞉ ota꞉ hone tulaasa꞉eki pa꞉ta꞉ halemeo laa handa꞉ uluekema꞉ pea꞉pa꞉peke. Iki amba꞉ a̱i̱ na lopemeketa꞉ kota꞉ Yesu Ketisota꞉ iki pa꞉ta꞉ hala꞉me hone u hapa꞉peke aleo.

2 Kotindi 5:14

Ketisona꞉ pukima꞉ homa꞉la꞉ ekima꞉ta꞉ niki handeteke hala꞉me. Pa ekipeke nikana꞉ma꞉ hone witolota꞉ hali homekema꞉ta꞉ paeyaona꞉ homaeyekeme. Koto hauma꞉ta꞉ paeyaoma꞉ ipika꞉ homa꞉la꞉eki putu pelememe.

2 Kotindi 5:15

Ipikita꞉ paeyaona꞉ homeeke ekita꞉ pa mo da꞉ta haleme wanda꞉halita꞉ ika꞉ kone na halo pelemepate pa ikina꞉ mo homa paa tiao da꞉ta꞉la꞉ hali pa꞉ta꞉ haena꞉yeke pa꞉la꞉me.

2 Kotindi 5:7

Pa ekipeke nika꞉ da꞉ta꞉la꞉ ekita꞉ lekema꞉ handa꞉la꞉ ekima꞉ dia꞉ya꞉la꞉pate hone tulaasa꞉ ekima꞉ homekee.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Ka꞉leisia 2:16

Koto poloma꞉pate koneta꞉ ma꞉nda꞉ hali epima꞉ Koda꞉ pa꞉ta꞉ tikitiki yao haluekema꞉ta꞉ kota꞉ titina꞉ pea꞉peke hauta꞉ Yesu Ketiso pa꞉ta꞉ hone tulaalimi ekima꞉ homeke tikitiki yao halimikie. Pa mo Lo Pi ula꞉ ekimanu miniki haleme ekima꞉ ota꞉ dia꞉me. Koto pa꞉la꞉eki handolo hata꞉ niki make Yesu pa꞉ta꞉ hone tulaaloma꞉me. Pa Koda꞉ pa꞉ta꞉ tikitiki yao haluekema꞉yeke kutupiki hau ota꞉ poloma꞉me. Pate pa mo Mosesina꞉ pi ula꞉ ekimanu miniki haloma꞉ ekima꞉ dia꞉me. Koda꞉ pa꞉ta꞉ tikitiki yao haluekema꞉ta꞉ hali homeke ma꞉nda꞉ma꞉ mo Lo Pi ula꞉ ekimanu opua pu hala꞉ ekima꞉ ota꞉ pea꞉peke na ya꞉la꞉me.

Ka꞉leisia 3:11

Koto ekita꞉ mo Baiboloma꞉ dupa la꞉la꞉me. Hali epima꞉ ipika꞉ Koda꞉ pa꞉ta꞉ hone tulaleme ekina꞉ Koda꞉ma꞉ epeao ipiki yaapo haena꞉ lea꞉ka꞉na꞉ta꞉ koto ekima꞉ homeke da꞉ta halieke la꞉la꞉eki opuata꞉ do hone wita꞉la꞉ ekita꞉ niki pa꞉ta꞉ ota꞉ peneme ya꞉la꞉me. Ma꞉nda꞉ epita꞉ mo pi ula꞉eki pu haleme ekina꞉ Koda꞉ma꞉ epeao ipiki yaapo haena꞉ na lea꞉ka꞉ta꞉me.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Ka꞉leisia 6:14

Kutu pu halemepate I̱ma꞉ta꞉ mo nika꞉ Tekehali Yesu Ketiso mo kolosuna꞉ homeeke ekina꞉ homeke hakoko liki pi lolueke. Yesu Ketisoma꞉ kolosuna꞉ homeeke handa ya hone pa꞉ta꞉ta꞉ do kenke hau paeyaota꞉ homeke alema꞉ handa꞉la꞉me. Kutupa make I̱ta꞉ do kenke hauna꞉ta꞉ homa꞉ pa ulume hone witolome.

Epesese 3:17

Kutupa make ikana꞉ma꞉ hone tulao hamina꞉ Ketisota꞉ ika꞉ puki pa꞉ta꞉ hao haena꞉yeke honke alome. Ti pikimanu kenkena꞉ lopa꞉niaaseme tupa꞉ ikana꞉ma꞉ make Koda꞉na꞉ pukima꞉ homa꞉la꞉eki pa꞉ta꞉ ika꞉ pikimanu lopa꞉niao haota꞉

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Epesese 5:25

Haliwekio Ketisoma꞉ ipika꞉ siosi wanda꞉hali pa꞉ta꞉ pukima꞉ homolo hata꞉ ipika꞉ da꞉ta꞉la꞉eki kone alupaeyeke tupa꞉ ikana꞉ma꞉ make ika꞉ wanda꞉weki pa꞉ta꞉ pukima꞉ homolo hata꞉ hapa꞉peke.

Pilipai 1:21

Pa hao haoa꞉ka꞉na꞉ta꞉ Ketisona꞉ e pokaapeke ekina꞉ waleke wiliepate homono lemeka꞉na꞉ta꞉ pa mo haka꞉ta꞉pao wiala꞉eki mulueke.

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

1 Desalonaika 1:10

ipika꞉ Eiyeke hepeni nane hao epena꞉yeke handeteke haluekema꞉ pimime. Koda꞉ma꞉ta꞉ ipika꞉ Eiyeke Yesuta꞉ ipikana꞉ma꞉ homa wieke lapa꞉ pa꞉ta꞉ mea tiaeyekeme. Kutupa Yesuma꞉ta꞉ Koda꞉ ipikana꞉ma꞉ wetepe mineke panka꞉la꞉eki niki pa꞉ta꞉ a꞉paapa꞉na꞉ niki pa꞉ta꞉la꞉ minolo pa꞉la꞉me.

1 Desalonaika 5:10

Yesuma꞉ta꞉ ipiki ame̱le̱ hao hamonoyeke nika꞉eki peaaso homeekeme. Koto ekina꞉ Yesu paa epea꞉ka꞉na꞉ta꞉ amba꞉ homeme wanda꞉hali pita꞉ pa haloma꞉ wanda꞉hali make ala꞉ta꞉ ma꞉nda꞉ dia꞉ma꞉ pa ipiki ame̱le̱ da꞉taa halumeke.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Hibulu 8:3

Yeni Peao Hala꞉ You Haliweki paeyaota꞉ pa hala꞉la꞉ alemanu make lia hala꞉la꞉ ekimanu make Koda꞉ pa꞉ta꞉ halaena꞉ mea haena꞉ lo hala꞉me. Koto tupa꞉ kone nika꞉ Yeni Peao Hala꞉ You Hali make Koda꞉ pa꞉ta꞉ pa hala꞉la꞉ ale ma꞉nda꞉ haluekema꞉ miniki hapeke ya꞉la꞉me.

1 Pida 1:8

Ipikita꞉ lekema꞉ na handemepate kone ipiki pa꞉ta꞉ ikana꞉ma꞉ pukima꞉ homelememe. Ameta꞉ ipiki lekema꞉ na handelemepate kone ikana꞉ma꞉ ipiki pa꞉ta꞉ hone tulao halememe. Ika꞉ temokona꞉ pa꞉ta꞉ la꞉la꞉ ekina꞉ muluekema꞉ hone tulaememe. Kutupa ameta꞉ minelemeke handa ikana꞉ma꞉ ta꞉na꞉ma꞉ homa꞉la꞉eki paeyao lombei pu pa pua ota꞉ pima꞉ make lapeke na yeke ta꞉na꞉ homo halememe.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.

Peneme Yaeyekeeki 3:20

Opua꞉pe. I̱ta꞉ pota꞉ kake pa꞉ta꞉ hata꞉ kili kili lao halome. Ma꞉nda꞉ epima꞉ yaka pi ho̱la̱꞉make opua pota꞉ lombea꞉ka꞉na꞉ta꞉ I̱ta꞉ ipika꞉ da pa꞉ta꞉ a꞉pa ipiki yaapo ne nolueke. Kutupa ipikana꞉ma꞉ make I̱ yaapo ne nelieke.