Ka꞉leisia 2:18 - Panake Pi La: Ula: Buka pita: Kine Pieke Buka

¹⁸ Kota꞉ a꞉nda꞉ I̱ma꞉ mo Mosesina꞉ pi ula꞉ ekimanu pu haleme hau na pulueke laa paeyaowa꞉ ekimanu paa kini pea pua pua꞉ka꞉na꞉ta꞉ kota꞉ I̱ta꞉ mo pi ula꞉eki yambolo halo hali peneme halueke.

Ka꞉leisia 2:18 ပူးပေါင်းရင်းမြစ်များ

Loma꞉ 14:15

Nakana꞉ma꞉ ne ma꞉nda꞉ nale ekima꞉ta꞉ naka꞉ Ketiso yankeke ma꞉nda꞉ hala꞉mba꞉liao mea lopaeka꞉na꞉ta꞉ kota꞉ nakana꞉ma꞉ ipiki pa꞉ta꞉ pukima꞉ homa꞉la꞉eki pitolo na piteleme. Ketisota꞉ mo hali pa꞉ta꞉ homeekepate kone nakana꞉ma꞉ ne ma꞉nda꞉ nale ekima꞉ mo hali na hoeyaena꞉ lapeke.

Loma꞉ 2:25

Nakana꞉ma꞉ta꞉ hande Lo Pimanu opua miniki hata꞉ pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ a꞉pa꞉la꞉pate pa nakana꞉ma꞉ hande Lo Pimanu opua na pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ pa ekie.

Loma꞉ 3:5

Koto pa꞉la꞉pate mandane haliwekima꞉ alota꞉ Hoke hau puma꞉ka꞉na꞉ta꞉ wanda꞉halima꞉ Koda꞉ma꞉ tikitiki hau pita꞉la꞉eki wotu handilimikie alemepate koto aleme pi hombo peaasota꞉ eki lomana꞉pe. Mo kenke haliwekima꞉ lo haleme tupa꞉ Koda꞉ma꞉ niki panisi kia꞉ka꞉na꞉ta꞉ hokeeki pitolo pita꞉la꞉me laa lomana꞉pe.

Ka꞉leisia 2:21

Koda꞉na꞉ a꞉ta꞉ma꞉ homa꞉la꞉eki pa꞉ta꞉ I̱ma꞉ kiaaso hata꞉ mo tea꞉ hata꞉ pina꞉e pi na lolueke. Pate ma꞉nda꞉ma꞉ hone witolo hata꞉ta꞉ Koda꞉ yaapo tikitiki yao haluekema꞉ mo pi ula꞉eki manuma꞉ homeke pulueke hone wia꞉ka꞉na꞉ta꞉ kota꞉ Ketisota꞉ pa homeya꞉ka꞉ta꞉me.

Ka꞉leisia 5:11

Ya kame tonuo. Mandane haliwekima꞉ I̱ pa꞉ta꞉ aleme pita꞉ I̱ma꞉ mo sekemesaisi hau pumana꞉ pipe laa pa wala꞉tia pu haowa꞉ka꞉na꞉ta꞉ kota꞉ pa ekipeke ikana꞉ma꞉ I̱ pa ka꞉nda꞉ peao halemepe. Koto aleme pita꞉ ota꞉ pi ya꞉ka꞉na꞉ yoluta꞉ kota꞉ mo ya Ketisona꞉ a꞉ka꞉tei wape piki tina꞉ pi walaaso ekima꞉ta꞉ iki hoke hone na u tialo pia꞉me.