Ka꞉leisia 1:4 - Panake Pi La: Ula: Buka pita: Kine Pieke Buka

⁴ Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Ka꞉leisia 1:4 ပူးပေါင်းရင်းမြစ်များ

Ma꞉tiu 13:22

Kutupa mo hande tekeke hake pu polu pa꞉ta꞉ lopeeke wae alemanu tupa꞉ta꞉ mandane wanda꞉halima꞉ pi epeke tupa꞉ opua miniki halemepate do kenkena꞉ haumanu pa꞉ta꞉ hone tieke eleke eleke wopu witelemeeki pita꞉ mani tieke wopu amu pulueke hone witelemeeki yaapoma꞉ Koda꞉na꞉ pi tombuatiki pina꞉ lea꞉ka꞉na꞉ta꞉ epeke kilikimanu na a꞉ilimikie.

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

Ma꞉tiu 26:28

ipikana꞉ma꞉ iki pa꞉ta꞉ alota꞉ Panake pi la꞉ uluekema꞉ yaka we doe. Wanda꞉halina꞉ hoke hau paeyaena꞉ loluekema꞉ yaka we lopilieke laa

Ma꞉tiu 26:42

Koto laata꞉ Yesuma꞉ hoto yaapo peao paa pua yeni pitolo hata꞉ alota꞉ Ya Apa꞉o. Do ka꞉nda꞉ma꞉ tumbiki kapo ipula꞉eki a꞉nda꞉ na yoka꞉ mea baeka꞉na꞉ ota꞉ nono lea꞉ka꞉na꞉ta꞉ kota꞉ a꞉pa꞉la꞉ma꞉ naka꞉ hone peleeki pea꞉peke leekeme.

Ma꞉tiu 6:9

Yeni pimika꞉na꞉ta꞉ kota꞉ do tupa꞉ pea꞉pa꞉peke. Nika꞉ hepeni hala꞉ Apa꞉o. Naka꞉ yako piki bikita꞉ ota꞉ manda wia haena꞉e.

Maka 10:45

Pa ekipeke mo Wanda꞉halina꞉ Eiyeke kone mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ epea꞉me leekeme.

Luku 22:19

Kutupa ipikana꞉ma꞉ mo betedi mea Koda꞉ pa꞉ta꞉ keiyae laa pindi pindi pea iki pa꞉ta꞉ halolo hata꞉ alota꞉ Dota꞉ yaka lokee laata꞉ iki pa꞉ta꞉ ka꞉la꞉ ekie. Dupiki hauta꞉ I̱ hone niminaaso hata꞉ pea꞉tiki pu hapa꞉peke leekeme.

Luku 22:42

Ipikana꞉ma꞉ alota꞉ Apa꞉o. Ana꞉ pia꞉ka꞉na꞉ta꞉ do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉ ekina꞉ homeke pina꞉e leekeme.

Dioni 10:11

I̱ta꞉ handa꞉ ma꞉na꞉ epeke tupa꞉ handeteke halo halie. Mo sipisipi ma꞉na꞉manu tamba꞉ muluekema꞉ yaka da꞉ta꞉la꞉eki hone na ulueke.

Dioni 12:31

Ameta꞉ do kenke wanda꞉halina꞉ pi yokaalu pulu pa꞉la꞉ di ipula꞉me. Ameta꞉ do kenkena꞉ tumiki hala꞉ halita꞉ yoka mea lopaalieke.

Dioni 5:30

I̱ma꞉ ya kone hone wia hau ma꞉nda꞉ pea꞉peke na ya꞉la꞉me. Koda꞉ma꞉ I̱ pa꞉ta꞉ la kita꞉la꞉eki I̱ma꞉ opuaata꞉ pi yokaalu pitolome. Yaka hone pa꞉la꞉eki puluekema꞉ hone na wiki I̱ tapaala꞉ halina꞉ hone pa꞉la꞉eki puluekema꞉ hone witolo ekina꞉ I̱ma꞉ pi yokaalu pitolo ekita꞉ tikitikina꞉ pea꞉peke ya꞉la꞉me.

Dioni 6:38

I̱ma꞉ta꞉ oli hepeni nane hao hola꞉pa꞉niao a꞉pa yaka hone pa꞉la꞉eki puluekema꞉ na epeke I̱ tapaala꞉ halina꞉ hone pa꞉la꞉eki puluekema꞉ epolo ekina꞉ loa꞉me.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 12:2

Ikana꞉ma꞉ta꞉ pa kenke wanda꞉halima꞉ pu haleme ekimanu tonka꞉na꞉ apa꞉tao puluekema꞉ hone na wia꞉pa꞉peke. Koto pa꞉la꞉pate Koda꞉ma꞉ ika꞉ hone topo pea wiaaso ika꞉ puki make la꞉ka꞉laena꞉ lapa꞉peke. Ipikana꞉ma꞉ kutu pia꞉ka꞉na꞉ta꞉ kota꞉ ikana꞉ma꞉ Koda꞉na꞉ hone pa꞉la꞉ ekita꞉ handilimikie. Kutu pita꞉la꞉ ekita꞉ epekeeki make Koda꞉ ta꞉na꞉ma꞉ homaasa꞉eki make eki a꞉nda꞉ na piki ota꞉ seliapo pea ula꞉eki make pita꞉la꞉me.

Loma꞉ 4:25

Nika꞉ hoke hauna꞉ Koda꞉ma꞉ Yesu homolo epena꞉ tapaeyekeme. Kutupa nikita꞉ ipiki yaapo tikitiki yao hamonoyeke Yesu paa mea da꞉taeyekeme.

Loma꞉ 8:27

Kutupa mo hande Sipitidima꞉ Koda꞉na꞉ hone pa꞉la꞉ ekimanu handeteke haena꞉ laata꞉ ipika꞉ wanda꞉halina꞉ yeni manuta꞉ Koda꞉ pa꞉ta꞉ peao hala꞉me. Koto ekina꞉ Koda꞉ma꞉ wanda꞉halina꞉ puki pa꞉ta꞉manu handolo hata꞉ mo hande Sipitidima꞉ hone wita꞉la꞉eki hando hala꞉me.

Loma꞉ 8:3

Hande Lo Pi manuma꞉ta꞉ kenke wanda꞉hali ika꞉ honkopu ana꞉ na pa꞉leke handaata꞉ pea꞉peke na ya꞉la꞉ ekita꞉ Koda꞉ma꞉ peaala꞉me. Kenke wanda꞉hali paeyaona꞉ loke tukiki pa꞉ta꞉ ula꞉ hoke hau teke hoeyaaluekema꞉ Koda꞉ma꞉ ipika꞉ Eiyeke kone tapaeyekeme. Hande ipika꞉ Eiyekema꞉ta꞉ hoke hau pu haleme wanda꞉halina꞉ loke manda꞉na꞉ hao kenkena꞉ a꞉paata꞉ hoke hau paeyaaluekema꞉ epeekeme.

Loma꞉ 8:32

Koda꞉ma꞉ ota꞉ ipika꞉ Eiyeke sa꞉sa꞉ na piki kone niki paeyaona꞉eki peaaso homena꞉ kiekeme. Ipika꞉ Eiyeke niki ka꞉la꞉ ekina꞉ koto tupa꞉ ala꞉ta꞉ ala꞉ta꞉ paeyao make ipikana꞉ma꞉ kiki tindipao na kiliepe. Dia꞉me. Ota꞉ kilieke.

1 Kotindi 15:3

Mo hande pi teke tieketa꞉ I̱ma꞉ mua꞉ pi kone iki pa꞉ta꞉ la kua꞉ ekita꞉ dupae. Ketisota꞉ nika꞉ hoke hauna꞉ homeekeme. Koto mo Baibolo bukana꞉ wape pa꞉la꞉ tupa꞉ loa꞉me.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

Ka꞉leisia 2:20

Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

Ka꞉leisia 6:14

Kutu pu halemepate I̱ma꞉ta꞉ mo nika꞉ Tekehali Yesu Ketiso mo kolosuna꞉ homeeke ekina꞉ homeke hakoko liki pi lolueke. Yesu Ketisoma꞉ kolosuna꞉ homeeke handa ya hone pa꞉ta꞉ta꞉ do kenke hau paeyaota꞉ homeke alema꞉ handa꞉la꞉me. Kutupa make I̱ta꞉ do kenke hauna꞉ta꞉ homa꞉ pa ulume hone witolome.

Epesese 1:11

Hau paeyao pita꞉la꞉ ekita꞉ Koda꞉ ipika꞉ hone wia leeke ekina꞉ kone pita꞉la꞉me. Amba꞉ titi panake pa꞉ta꞉ kone Koda꞉ma꞉ hone wieke handata꞉ ipika꞉ hone wiekeeki pitolo hata꞉ niki talopu meata꞉ Ketiso yaapo ta꞉ma꞉ni pea hata꞉ ota꞉ ipika꞉ wanda꞉hali hamono la꞉la꞉me.

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

Epesese 5:16

Nate ma꞉nda꞉ pa na mina꞉pa꞉laake nate paeyao wotu weiya handa꞉tiki pia꞉pa꞉peke. Ame do nate manuna꞉ta꞉ hokeeki wotu pitelemeke handa loa꞉me.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Epesese 6:12

Do ekina꞉yeke loa꞉me. Nikana꞉ma꞉ kenke haliweki pa꞉ta꞉ a꞉nda꞉ na litoloma꞉pate oli ya nanema꞉ haleme hoke temokomanu ame̱le̱ make do timba꞉ lo pamba꞉la꞉ ekina꞉ you hali ame̱le̱ make teke hali pa꞉ta꞉manu make mo wele pita꞉la꞉eki pa꞉ta꞉manu make a꞉nda꞉ litoloma꞉me.

Pilipai 4:20

Nate paeyao nika꞉ Apa꞉ Koda꞉ yeiya꞉ yeiya꞉ lao hamana꞉e. Kutu pina꞉e.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

1 Desalonaika 3:11

Nika꞉ Apa꞉ Koda꞉ ipikana꞉ma꞉ make nika꞉ Tekehali Yesuma꞉ make niki iki pa꞉ta꞉ a꞉pomono pota꞉ ana꞉na꞉ pilaepeka꞉na꞉ta꞉ kota꞉ epelieke.

1 Desalonaika 3:13

Ipikana꞉ma꞉ kutu pilimi ekima꞉ ika꞉ puki taka꞉lawalieke. Kutu pia꞉ka꞉na꞉ta꞉ nika꞉ Tekehali Yesu ipika꞉ wanda꞉hali ame̱le̱ epolo peleme natena꞉ta꞉ ikita꞉ nika꞉ Apa꞉ Koda꞉ ipika꞉ leke popelekena꞉ mombela hata꞉ta꞉ ala꞉ta꞉ na piki epeke yakopiki wanda꞉hali halimikie.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

1 Timodi 2:6

Ipikana꞉ma꞉ Koda꞉na꞉ la꞉ wieke nate opolo epeeketa꞉ wanda꞉hali paeyao paa hambuluekema꞉ ipiki kone haleekeme. Kutu pieke ekima꞉ walolota꞉ Koda꞉ma꞉ wanda꞉hali paeyao da꞉ta꞉la꞉eki mina꞉e laa hone pa꞉la꞉eki peneme yaala꞉me.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Hibulu 2:5

Do ipilieke lo haloma꞉ kenke panakeeki handeteke haena꞉ta꞉ Koda꞉ma꞉ enisolomanu na mea haena꞉ la꞉la꞉me.

Hibulu 6:5

Koda꞉na꞉ pi mea pea handa epekeeki yeke handaata꞉ a꞉pa꞉la꞉me hone make wimiki handaata꞉ Koda꞉na꞉ wetepe epolo pa꞉la꞉ natena꞉ wele tiekena꞉ wele wataa handemeke handaata꞉

Hibulu 9:14

kota꞉ mo Ketisona꞉ wema꞉ta꞉ koto titina꞉ hau ota꞉ lombei peao hau tieke peaapeke ya꞉la꞉me laa hone wipee. Ipikana꞉ma꞉ta꞉ mo na paelo pa꞉la꞉ Sipitidi pa꞉ta꞉ yama꞉ ala꞉ta꞉ ma꞉nda꞉ na ta̱lekeeki ipiki kone Koda꞉ pa꞉ta꞉ haleekeme. Nikana꞉ma꞉ mo da꞉ta hao hala꞉ Koda꞉na꞉ e ana꞉na꞉ pokomono ipika꞉ wema꞉ nika꞉ hone teke pa꞉ta꞉ ula꞉ popeke na piki haumanu tandepo halieke.

Dia꞉mesi 4:4

Ikita꞉ pi tunkuleleme wanda꞉halio. Do ekita꞉ ikana꞉ma꞉ hone na witelemepe. Hali epima꞉ do kenke hau puluekema꞉ hone pia꞉ka꞉na꞉ta꞉ koto halita꞉ Koda꞉ ipika꞉ a꞉nda꞉ tunkiliki hali hala꞉me. Koto tupa꞉ make hali epima꞉ do kenke hauna꞉ yankeke haluekema꞉ hone pia꞉ka꞉na꞉ta꞉ koto halita꞉ ipika꞉ kone Koda꞉na꞉ a꞉nda꞉ tunkiliki hali haluekema꞉ pita꞉la꞉me.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

1 Dioni 2:2

Kutupa Ketisota꞉ nika꞉ hoke hau paeyawala꞉ ekina꞉ tekee. Nika꞉ hoke hau homeke dia꞉ya꞉la꞉pate pa paeyao sikina꞉ hoke hau make loa꞉me.

1 Dioni 3:16

Nikana꞉ma꞉ mo pukima꞉ homa꞉la꞉ ekita꞉ dupa ya꞉ka꞉ta꞉me laa hone witoloma꞉ ekina꞉ teketa꞉ Ketisoma꞉ta꞉ nika꞉ anketeke mea ipika꞉ da꞉ta꞉la꞉ ekita꞉ halea꞉me. Koto ekina꞉ta꞉ nikana꞉ma꞉ make nika꞉ da꞉ta꞉la꞉ ekima꞉ta꞉ nika꞉ kametonu tamba꞉ muluekema꞉ pa hala꞉peke ya꞉la꞉me.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.

Peneme Yaeyekeeki 5:9

Ikana꞉ma꞉ panake emeli homeke alota꞉ Neketa꞉ mo pi ula꞉ buka mea tonkaake ale yamba꞉lapeketa꞉ ota꞉ ana꞉ pa꞉la꞉me. Pa ekipeke neketa꞉ limikime. Kutupa nakana꞉ma꞉ naka꞉ wema꞉ mo wanda꞉halita꞉ Koda꞉na꞉ wanda꞉hali haena꞉yeke hambeleme. Ikita꞉ tapake ta꞉ta꞉ ta꞉ta꞉ make pi ta꞉ta꞉ ta꞉ta꞉ make kapomani manuma꞉ handeteke hala꞉ da ta꞉ta꞉ ta꞉ta꞉ make tutu ta꞉ta꞉ ta꞉ta꞉ paeyao pa꞉ta꞉ hambeleme.

Peneme Yaeyekeeki 7:9

Doeki hoki naneta꞉ hone pa mata꞉papeke tapake tieke handoa꞉me. Do wanda꞉halita꞉ ma꞉nda꞉ma꞉ yata꞉pea꞉peke tapake tupa꞉ dia꞉me. Mo wanda꞉halita꞉ tutu paeyao make tapake paeyao make kapomani ta꞉ta꞉ ta꞉ta꞉ma꞉ handeteke hala꞉ kenke ta꞉ta꞉ ta꞉ta꞉ make pi ta꞉ta꞉ leke tapake paeyao siki haememe. Ikana꞉ma꞉ta꞉ mo kini seana꞉ make mo Sipisipi Ma꞉na꞉ Ikikina꞉ puki tikitikina꞉ hakepiki dau yama hau palo miniki haememe.